لي نانىڭ سۋرەتى اۆستراليانىڭ تور دوپ جۇلدەگەرلەرى سۋرەتىنىڭ قاتارىنان ورىن الدى

  بەيجيڭ ۋاقىتى 15 –ءساۋىر تۇستەن بۇرىن اۆستراليانىڭ تور دوپ جارىسى وزدەرىنىڭ توراپ بەكەتىنىڭ قوعامدىق قارىم-قاتىناس احپارات  دانەكەرىندە بيىل اۆستراليانىڭ تور دوپ جارىسىنىڭ اعا جۇلدەگەرى لي نانىڭ لوڭقا ۇستاپ تۇسكەن سۋرەتىن  دەنە تاربيە الاڭىنداعى اعا جۇلدەگەرلەر سۋرەتى ىلىنگەن قابىرعاعا ىلىنگەندىگىن جاريالاعان بولاتىن. ءسويتىپ، مەلبۋرىنداعى ارمانى ورىندالعانىنا 3 اي بولعان جۇڭگونىڭ بويجەتكەنى اعا بۋىن گراپوۆ، اجاش، سونداي-اق قازىر شەپتەن شەگىنبەگەن شولپاندار فيدەر، نادار، كىشى دەد جانە كىشى  ۆيليامس  قاتارلىلارمەن «كورشى» بولدى.

  اۆستراليانىڭ تور دوپ توراپ    بەكەتى قوعامدىق قارىم-قاتىناس احپارات دانەكەرىندە: « الداعى 12 اي ۋاقىتتىڭ ىشىندە ءبىز وسى شولپاننىڭ اي ديدارىن تاماشالايتىن بولدىق،  لي نانىڭ وسى قاتارعا قوسىلعانىنا ايرىقشا قۋانامىز» دەگەن. سۋرەت قابىرعاسىنا لي نانىڭ دافني ساۋىتىن ۇستاپ تۇرىپ، احپارات   دانەكەرلەرىنە كۇلىمدەي قاراپ، اعا جۇلدەگەرلىك ارمانىنىڭ ىسكە اسقاندىعىن رياسىز كۇلكىسىمەن قۇتتىقتاپ تۇرعان سۋرەتى ىلىنگەن.

  ايگىلى تور دوپ فوتوشىسى باي شۋە دە ءوزىنىڭ شينلاڭ ميكرو بلوگىنا  وسى بارىستى جولداپ قويعان، ول:     « بۇگىن مەلبۋرىن باقشاسىنداعى اعاي سۋرەتتەردى جاڭالاۋ ءۇشىن، تاڭ سارىدەن باستاپ  قاربالاستىققا ءتۇستى»  دەگەن. وسى جازىلعان ەستەلىكتەن لي نا مەن ەرلەردىڭ جەكە جارىس ءتۇرىنىڭ جۇلدەگەرى ۆاۆينكانىڭ سۋرەتتەرى اعا جۇلدەگەرلەردىڭ قاتارىنان ورىن العاندىعىن كورە الامىز، ونىڭ ۇستىنە، لي نا اپەكەمىزدىڭ قۇتتىقتاۋ سۋرەتى دە دەنە تاربيە الاڭىنىڭ باسقادا جەرلەرىنە قويىلعان ءارى سۋرەتتىڭ استىڭعى جاعىنا قول تاڭباسى جازىلعان، لي نانىڭ باس جۇلدەگەرلىك سۋرەتتەرى ىلىنۋدەن سىرت، كەلەر جىلعى اۆستراليانىڭ تور دوپ جارىسىنىڭ قارساڭىندا ءداستۇر بويىنشا ۆاۆينكامەن بىرگە تور دوپ شەبەرى ساۋىتىن جەرەبە تارتۋ ناق مايدانىنا اپارادى ءارى جەرەبە تارتۋ سالتىنا قاتىناسادى ەكەن.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.