15ءساۋىر چيڭداۋ قالاسىنىڭ دەنە تاربيە ارناۋلى حابارىندا ءتىلشىنىڭ چيڭداۋ قالاسىنىڭ دەنە تاربيە جارىسىن باسقارۋ ورتالىعىنان ۇعىسۋىنشا، 2014 – جىلعى مەملەكەتتىك سۋعا مالتاۋ اعا جۇلدەگەرلىگىنە تالاسۋ جانە ازيا سپورت جارىسىنا سارالاۋ جارىسى 12- مامىردان 17- مامىرعا دەيىن چيڭداۋ قالاسىندا وتكىزىلەدى ەكەن.
تانىستىرۋعا قاراعاندا، مەملەكەتتىك سۋعا مالتاۋ اعا جۇلدەگەرلىگىنە تالاسۋ جانە ازيا سپورت جارىسىنا سارالاۋ جارىسى ەلىمىزدەگى ەڭ جوعارى ورىندا تۇراتىن سۋعا مالتاۋ جارىسى بولىپ، بۇل كەزەكتى جارىس 17- كەزەكتى رىنچۋان ازيا سپورت جارىسىنىڭ سۋعا مالتاۋ اعا جۇلدەگەرلىگىنە تالاسۋ جارىس ءتۇرى ەكەن. جارىسقا بۇكىل مەملەكەتتىڭ ءاربىر ولكەلەرىنەن، اۆتونوميالى رايوندارىنان، توتە قاراستى قالالارى مەن ازاتتىق ارميادان 28 كوماندا 700 دەن ارتىق سپورتشى جارىسقا قاتىناسپاقشى ەكەن.
ۇعىسۋعا قاراعاندا، سۇن ياڭ، ليۋ زىگى، جياۋ ليۋياڭ، يە شى قاتارلى ەل ىشىندەگى ەڭ ۇزدىك مالتاۋ شەبەرلەرى چيڭداۋداعى جارىسقا قاتىناسپاقشى ەكەن.
مۇندا، جارىستا ەرلەر، ايەلدەر بولىپ 38 جارىس ءتۇرى وتكىزىلىپ، ءار كۇنى بەيجيڭ ۋاقىتى ساعات 9 دا دايىندىق جارىسىن باستاپ، ساعات 18 دە شەشۋشى جارىس وتكىزىلەدى.
بۇل رەتكى جارىستى مەملەكەتتىك دەنە تاربيە باس مەكەمەسىنىڭ سۋعا مالتاۋدى باسقارۋ ورتالىعى ۇيىمداستىرىپ، شاندۇڭ ولكەسى دەنە تاربيە مەكەمەسى، چيڭداۋ قالاسىنىڭ دەنە تاربيە مەكەمەسى، چيڭداۋ قالاسى دەنە تاربيە جارىستى باسقارۋ ورتالىعى باس بولىپ وتكىزەدى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.