بەيجيڭ ۋاقىتى 22-ساۋىردەن 27-ساۋىرگە دەيىن وتكىزىلەتىن قاۋىرسىن دوپ ازيا جۇلدەلى جارىسى سولتۇستىك كورەيادا باستالادى، لين دان جارىسقا قاتىناسۋعا بەكىنگەن. بۇل ونىڭ بيىلعى جىلى قاتىناسقان ەكىنشى بەكەتتەگى حالىقارالىق ءىرى جارىسى سانالادى، وسى اپتادا جياڭسۋدىڭ چاڭجۋ قالاسىندا وتكىزىلەتىن جۇڭگو شەبەرلەر جارىسى ونىڭ وسى جارىس مەزگىلىندەگى قايتا قاتىناسقان العاشقى جارىسى سانالادى. شەتەل احپارات قۇرالدارىنىڭ حابارىنا نەگىزدەلگەندە، مەملەكەتتىك قاۋىرسىن دوپ كومانداسى لين داندى جارىسقا قاتىناستىرۋ ءۇشىن چىن لۇڭ، دۋ پىڭۋي قاتارلىلاردى جارىستان شەگىندىرۋگە ءماجبۇر بولعان، وسى سەبەپتى ولارعا بەلگىلى ايىپ تولەيدى.
بيىلعى ازيا جۇلدەلى جارىسىندا بۇرىنعىمەن سالىستىرعاندا بەلگىلى دارەجەدە وزگەرىس تۋىلىپ، ءارقايسى قوعامنىڭ جارىسقا قاتىناسۋ سانىنا شەك قويىلعان. دۇنيە جۇزىندەگى قاتارعا تۇرعىزۋ رەتى بويىنشا جەكە جارىس ءتۇرى جاعىندا ءاربىر قوعامنان ەڭ كوپ بولعاندا 4 ادام جارىسقا قاتىناسادى، ەكى ادامدىق جارىس ءتۇرى ەڭ كوپ بولعاندا 3 قۇرامادان قۇرالادى. الايدا مەملەكەتتىك قاۋىرسىن دوپ كومانداسى جونىنەن الىپ قاراعاندا، لين دان ۇزاق ۋاقىت جارىسقا قاتىناسپاعاندىعى سەبەپتى دۇنيە جۇزىندەگى قاتارعا تۇرعىزۋدا جۇزدەن كەيىنگى ورىنعا ءتۇسىپ قالعان، وسى سەبەپتى ول جارىسقا قاتىناسۋ ءۇشىن ساپتاسىنىڭ ورنىن الۋعا ءماجبۇر بولعان.
كەزەكتە ەلىمىز ازيا جۇلدەلى جارىسىنىڭ ەرلەر جەكەشە جارىس تۇرىنە قاتىناساتىنداردىڭ ەسىمدىگىن بەلگىلەگەن، دۇنيە جۇزىندەگى قاتارعا تۇرعىزۋدا 107 ورىندا تۇراتىن لين دان باس بولىپ، تيان حۋۇيدەن سىرت، جاس سپورتشى شۋە سۇڭ، گو كاي قاتارلىلار جارىسقا قاتىناسادى ەكەن. كەزەكتە جوعارى ورىندا تۇراتىن چىن لۇڭ، دۋ پىڭۋي جانە ۋاڭ جىڭمين قاتارلىلار جارىستان شەگىنگەن. ۇعىسۋعا قاراعاندا، مەملەكەتتىك قاۋىرسىن دوپ كومانداسى وسى سەبەپتى جارىستى ۇيىمداستىرۋ كوميتەتىنىڭ ايىپ تولەۋدى ءوتىنىش ەتۋ حاتىن تاپسىرىپ الادى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.