فۋتبول پاتشالىعى اتانعان برازيليادا دۇنيە جۇزىلىك فۋتبول ساۋىتىنا تالاسۋ جارىسى باستالاردان بۇرىن سەرگەلدەڭ بالالاردىڭ دۇنيە جۇزىلىك فۋتبول ساۋىتىنا تالاسۋ جارىسى وتكىزىلدى. 2014-جىلعى سەرگەلدەڭ بالالاردىڭ دۇنيە جۇزىلىك فۋتبول ساۋىتىنا تالاسۋ جارىسى 30-ناۋرىزدا ريو-دە-جانە-يرودا باستالدى. 19 مەملەكەتتەن كەلگەن 14 جاستان 17 جاس ارالىعىنداعى 230 دان استام سەرگەلدەڭ بالا 10 كۇندىك جارىستا ونەر كورسەتەدى ەكەن.
باستالۋ سالتىندا جارىستى ۇيىمداستىرۋشى جاق، باس شتابى ۇلى بريتانياعا ورنالاسقان « سەرگەلدەڭ بالالار فۋتبول بىرلەستىگىنىڭ» جاۋاپتىسى حەۆيد: «بۇل تەك ءبىر رەتكى جارىس عانا ەمەس، ماڭىزدىسى ءبىز كوپتەگەن سەرگەلدەڭ بالالارعا مەيىر باعىشتادىق، ولار وزدەرىنە ۇقساس سەرىكتەرىمەن بىرگە جاتتىعۋعا قاتىناسىپ، ءومىردىڭ ءمانىن تۇسىنەدى. ءبىزدىڭ ماقساتىمىز سەرگەلدەڭ بالالاردىڭ ادامدار جاعىنان تاستاندى بولۋىنىڭ الدىن الىپ، ولارعا باسقا بالالارعا ۇقساس اقاۋسىز ءوسىپ-جەتىلۋ ورتاسىن ازىرلەۋ» دەدى.
برازيلياداعى 2002-جىلعى دۇنيە جۇزىلىك فۋتبول ساۋىتىنا تالاسۋ جارىسىنىڭ اعا جۇلدەگەرى بولعان كوماندانىڭ مۇشەسى گيلبەرت.سيلۆادا باستالۋ سالتىنا قاتىناستى. ول: « بۇل سەرگەلدەڭ بالالار ادامداردىڭ مەيىرىنە مۇقتاج، فۋتبول ادامدارعا قۋانىش سيلايدى، بالالاردىڭ فۋتبول ارقىلى شاتتىققا بولەنۋىن ءۇمىت ەتەمىن » دەدى.
باستالۋ سالتىنان كەيىن ءۇش مايدان ايەلدەر گرۋپپاسى جارىسى مەن 6 مايدان ەرلەر گرۋپپاسى جارىسى وزدىرىلدى. ايەلدەر گرۋپپاسىنىڭ جارىسىندا برازيليا كومانداسى 0 گە قارسى 14 ۇپايمەن يندونەزيا كومانداسىن ويسىراتا جەڭىپ الدى، وڭتۇستىك افريكا كومانداسى 9 عا قارسى 0 ۇپايمەن فيليپپين كومانداسىنان جەڭىلدى، موزامبيك كومانداسى 1 گە قارسى 3 ۇپايمەن انگليا كومانداسىن جەڭىپ الدى؛ ەرلەر گرۋپپاسىنىڭ جارىسىندا ەگيپەت كومانداسى 4 كە قارسى 0 ۇپايمەن برازيليا كومانداسىنان جەڭىلدى، ارگەنتينا كومانداسى 2 گە قارسى 1 ۇپايمەن نيكاراگۋا كومانداسىنان جەڭىلدى، ا ق ش كومانداسى 1 گە قارسى 8 ۇپايمەن ءۇندىستان كومانداسىن جەڭىپ الدى، وڭتۇستىك افريكا كومانداسى 12 گە قارسى 1 ۇپايمەن يندونەزيا كومانداسىنان جەڭىلدى، تانزانيا كومانداسى 2 گە قارسى 2 ۇپايمەن بۋرۋندي كومانداسىمەن تەڭ ءتۇستى، ماۋريتيۋس كومانداسى 1 گە قارسى 3 ۇپايمەن كەنيا كومانداسىن جەڭىپ الدى.
فۋتبولدان پايدالانىپ كەدەيلەردى سۇيەمەلدەۋ، قوعامدىق جاعدايدى وڭاۋ نازارياسى حالىقارالىق فۋتبول بىرلەستىگى، بىرلەسكەن مەملەكەتتەر ۇيىمىنىڭ بالالار قور قوعامى، بىرلەسكەن مەملەكەتتەر ۇيىمىنىڭ وقۋ- اعارتۋ، عىلىم-تەحنيكا، مادەنيەت ۇيىمى سياقتى حالىقارالىق قۇرىلىمداردى وزىنە باۋرادى. الايدا، جايشىلىقتا بۇل بالالارمەن بىرگە بولاتىندار ۇكىمەتتەن تىسقارى ۇيىمنىڭ ەرىكتىلەرى. سونىمەن بىرگە، ۇكىمەتتەن تىسقارى ۇيىمدار ءوزارا قارىم-قاتىناس ورناتىپ، «سەرگەلدەڭ بالالار فۋتبول بىرلەستىگىنەن» سىرت، باس شتابى بەرلينگە ورنالاسقان « كوشە فۋتبول الەمى» دە دۇنيە جۇزىندە 80 نەن ارتىق نىسان قۇرىپ، قاتىناسقان بالالاردىڭ سانى 750 مىڭعا جەتكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.