ءۇش كۇندىك ۋاقىتپەن وتكىزىلگەن 2014-جىلعى دۇنيە ساۋىتىنا تالاسۋ قايىق جارىسىنىڭ اۆستراليانىڭ سيدنەي بەكەتىندەگى جارىسى 30-ناۋرىزدا اياقتالىپ، جۇڭگو كومانداسى ەكى التىن مەدال ەنشىلەدى.
جىجياڭ شەبەرى ۋاڭ تيەشين ەرلەردىڭ جەڭىل سالماقتاعىلار جەكە ادامدىق قوس ەسكەك تۇرىنەن 7 مينۋت 5 سەكۋند 54 تاقىلدىق ناتيجەمەن اعا جۇلدەگەر بولدى. جۇڭگو كومانداسىنىڭ تاعى ءبىر سپورتشىسى گۋاڭدۇڭ شەبەرى حۋاڭ ۋىن-ي ايەلدەردىڭ جەڭىل سالماقتاعىلار جەكە ادامدىق قوس ەسكەك تۇرىنەن 7 مينۋت، 50 سەكۋنت 84 تاقىلدىق ناتيجەمەن اعا جۇلدەگەر بولسا، ەلىمىز سپورتشىسى پان داندان مەن ۋاڭ مياۋ جەكە-جەكە كۇمىس جانە مىس مەدەلعا يە بولدى.
حۋاڭ ۋىن-ي: «جارىستا بارىنشا قۇلشىندىم، ناتيجەم جامان بولمادى،اۆستراليانى ۇناتامىن، بۇل جەردىڭ اۋاسى جاقسى، كورىنىسى كوركەم ەكەن» دەدى. ۋاڭ تيەشين: «مەن فرانسيادا وتكىزىلەتىن ەكىنشى بەكەت دۇنيە ساۋىتىنا تالاسۋ جارىسىنا قاتىناسامىن» دەدى.
مۇنان تىس، جۇڭگو كومانداسى ەرلەردىڭ ءتورت ادامدىق قوس ەسكەك تۇرىنەن كۇمىس مەدال، ايەلدەردىڭ ەكى ادامدىق جالعىز ەسكەك تۇرىنەن ەكىنشى جانە بەسىنشى بولدى، ەرلەردىڭ جەڭىل سالماقتاعىلار ەكى ادامدىق قوس ەسكەك تۇرىنەن ەكىنشى، ءتورتىنشى بولدى، ەرلەردىڭ قوس ادامدىق جالعىز ەسكەك تۇرىنەن ءۇشىنشى جانە ءتورتىنشى بولدى، ەرلەردىڭ سەگىز ادامدىق جالعىز ەسكەك تۇرىنەن بەسىنشى بولدى.
اۋىزعا الارلىعى، ەلىمىز كومانداسى قايىق جارىسىنىڭ نەگىزگى ءتۇرى بولعان جەكە ادامدىق قوس ەسكەك تۇرىنەن اعا جۇلدەگەرلىكتى ەنشىلەدى. مۇنىڭ ىشىندە، جاڭ لياڭ ەرلەردىڭ جەكە ادامدىق قوس ەسكەك تۇرىنەن قولا مەدال ەنشىلەسە، دۋان جيڭلي ايەلدەر جەكە ادامدىق قوس ەسكەك تۇرىنەن ءۇشىنشى بولدى.
جاڭ لياڭ: «ەرتە باستان قىسقى جاتتىعۋعا قاتىناسىپ، وسى رەتكى جارىسقا ازىرلىك كوردىم. بۇگىنگى قول جەتكىزگەن ناتيجەمە ريزامىن» دەدى. دۋان جيڭلي: «بۇگىنگى قول جەتكىزگەن ناتيجەمە وتە ريزامىن، كەيىنگى جارىسقا قاتىناسۋعا تولىق سەنىمدەمىن» دەدى.
جۇڭگو كومانداسى جالپى 24 سپورتشى سيدنەي دۇنيە ساۋىتىنا تالاسۋ جارىسىنىڭ 9 تۇرىنەن جارىسقا قاتىناستى. دۇنيە ساۋىتىنا تالاسۋ جارىسىنىڭ 2-جانە 3-بەكەتىندەگى جارىس ماۋسىم مەن شىلدە ايىندا فرانسيا مەن شۆەتساريادا وتكىزىلەدى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.