
ءتىلشىمىز جاڭ چينياۋ
24-ناۋرىزدا «1.6» ءىرى تەلەگراف الدامكوستىگى دەلوسىن ارناۋلى تەكسەرۋ گرۋپپاسى قىلمىس كۇماندىلارى الداپ اكەتكەن 190 مىڭنان ارتىق اقشانى قايتارىپ اكەلدى. كەزەكتە بۇل دەلو ىشكەرىلەي تەكسەرىلۋدە.
گازەتىمىز 21 –اقپان كۇنگى سانىنىڭ 5 –بەتىنە «قىزىنىڭ QQ ءنومىرى باسقالار جاعىنان ۇرلانعاندىقتان، اكەسى 300 مىڭ يۋانعا جۋىق اقشاسىنان ايرىلعان» دەگەن ماقالا جاريالاعان بولاتىن. قىلمىس كۇماندىسى كومپيۋتەردىڭ مۋما تەحنيكاسىنان پايدالانىپ، چىن مۋدىڭ (جاناما اتى) قىزىنىڭ كوكەك ءنومىرىن ۇرلاپ، اكەسىنەن جيىنى 287 مىڭ يۋان اقشانى الداپ العان.
دەلو تۋىلعان 2 –كۇنى شاۋەشەك قالالىق قوعام حاۋىپسىزدىگى مەكەمەسىنەن قۇرالعان ارناۋلى دەلو تەكسەرۋ گرۋپپاسى اۆتوكولىكپەن گۋاڭشي ولكەسى ناننيڭ قالاسىنا تەكسەرۋ قىزمەتىن جۇرگىزۋگە اتتاندى.
ارناۋلى دەلو تەكسەرۋ گرۋپپاسىنىڭ باستىعى، شاۋەشەك قالالىق قوعام حاۋىپسىزدىگى مەكەمەسىنىڭ ورىنباسار باستىعى جاڭ جيڭياڭنىڭ تانىستىرۋىنا قاراعاندا، قىلمىستىلار توبى توراپ بانكەسى ارقىلى اقشا اۋدارۋ تاسىلىنەن پايدالانىپ، الدامشىلىقپەن كەلگەن اقشالاردى ۇقساماعان بانكەدەگى ۇقساماعان ادام اتتارىمەن تىركەلگەن 16 كارتۋچكاعا كىرگىزگەن ءارى دەلو تۋىلعان سول كۇنى بۇل اقشالاردى 6 جەردەگى ۇقساماعان ساۋدا بانكەسىنىڭ ATM اۆتوماتتى اقشا شىعارۋ جابدىعىنان شىعارىپ اكەتكەن ەكەن.
وسىدان كەيىن ارناۋلى دەلو تەكسەرۋ گرۋپپاسىنداعى ساقشىلار ناننيڭ قالاسىنداعى ءارقايسى ساۋدا بانكەسىنىڭ توراپ بولىمشەسىنەن قىلمىس كۇماندىلارىنىڭ اقشا العانداعى تەلەكامەراعا تۇسكەن كەسكىنىن الىپ، تالداۋ جۇرگىزۋ ارقىلى قىلمىس كۇماندىلارىنىڭ ناعىز كەيىپ-كەسپىرىنەن حاباردار بولادى.
جاڭ جيڭياڭ: «قىلمىس كۇماندىلارى وتە اككى، اقشا شىعاراردا بارلىعى جاسانىپ العاندىقتان، ارناۋلى دەلو تەكسەرۋ گرۋپپاسىنداعى ساقشىلار ەكرانداعى بولعان ىستەردى جىڭىشكەلىكپەن باقىلاپ، ءجىپ ۇشىن تابۋعا ات سالىستى» دەدى.
وسىدان كەيىن دەلو اتقارۋشى ساقشىلار كوپتەگەن ءجىپ ۇشىنان پايدالانىپ، ءبىر-بىرلەپ سالىستىرىپ، تالداۋ جاساۋ ارقىلى الدامكوستەر توبىنىڭ وتە قۇپيا ۇيىمداسىپ، قىزمەت ءبولىسىنىڭ ايقىن ەكەندىگىن، ءبىر-بىرىمەن جەكە-دارا بايلانىس جاسايتىندىعىن بايقايدى.
ارناۋلى دەلو تەكسەرۋ گرۋپپاسىنداعى ساقشىلار جەرگىلىكتى ورىنداعى ساقشىلاردىڭ سەلبەسۋىندە 58 كۇن دەگەندە اقىرى قىلمىستىلار توبىنداعىلاردىڭ دەرەگىن بايقاپ، تەز ارادا قىلمىس كۇماندىلارىنىڭ سالاۋاتىن ءبىر-بىرلەپ تۇراقتاندىرادى.
تور جايىپ ۇستايتىن كەزدە ارناۋلى دەلو گرۋپپاسىنداعى ساقشىلار قىراعىلىقتارىن ءتىپتى دە اتتىرىپ، جالعاستى باقىلاۋ جۇرگىزىپ، 3 كۇن، 3 ءتۇن اڭديدى. جان-جاقتىلى ورنالاستىرۋ جاساعاننان كەيىن 7-ناۋرىز ساعات 20 مولشەرىندە 4 قىلمىس كۇماندىسىن تۇگەلىمەن قولعا ءتۇسىردى.
سونىمەن ارناۋلى دەلو تەكسەرۋ گرۋپپاسىنداعى 6 حالىق ساقشىسى 4 قىلمىسكەردى الىپ، قايتادان اۋىلعا قايتادى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.