ءبىر اۆتوموبيلىن ەكى رەت ساتىپ، قاشىپ جۇرگەن ادام شاۋەشەكتە قولعا ءتۇستى

ءتىلشىمىز جاڭ چينياۋ، ەرىكتى ءتىلشى گو جى-ۋ

   4-ناۋرىز تاڭعا جۋىق ساعات ءبىر مولشەرىندە شاۋەشەك قالالىق قوعام حاۋىپسىزدىگى  مەكەمەسى شاشا تەكسەرۋ پۋنكتى تەكسەرۋ ارقىلى ىشكى ولكەدەن قاشىپ كەلگەن جاۋ xx تى قولعا تۇسىرەدى.

  سول كەزدە جاۋ xx ءدوربىلجىن اۋدانىنان كىرە اۆتوموبيلىنە وتىرىپ، شاۋەشەك قالاسىنا بارماقشى بولىپ، شاۋەشەك قالاسىنىڭ شاشا اقى الۋ پۋنكتىنەن وتە بەرگەنىندە تەكسەرۋ پۋنكتىندەگى ساقشىلار جاۋ xx تىڭ بەتىنىڭ كوپ جەردەن جارالانعاندىعىن، ۇستىندە قان داعى بارلىعىن، ونىڭ ۇستىنە، ءىس- ارەكەتىنىڭ تىم كۇماندى ەكەندىگىن بايقايدى.

  ساقشىلار جاۋ xx تەن نە بولعانىن سۇراعاندا، ول ءدوربىلجىن اۋدانىندا بىرەۋمەن ەرەگەسىپ سوعىسىپ قالعاندىعىن، شاۋەشەككە بارىپ ەمدەلمەكشى ەكەندىگىن    ايتادى.

  جاۋ xx ساقشىنىڭ سۇراعىنا جاۋاپ قايتارعاندا، كىبىرتىكتەپ،  ولاردىڭ جۇزىنە دۇرىس قاراي المايدى. كوڭىلىندە تۇيگەن ءىسى بارلىعىن بايقاعان قىراعى ساقشىلار  ونىڭ ازاماتتىق كۋالىگىن تەكسەرۋدى تالاپ ەتەدى.

  جاۋ xx تىڭ ازاماتتىق  كۋالىگىن تەكسەرۋ اسپابىنا سالعاندا، ەكراننان « قاشىپ جۇرگەن ادام » دەگەن جازۋ شىعا كەلەدى. مۇنى كورگەن ساقشىلار دەرەۋ ونى قولعا   الادى.

  باستاپقى تەكسەرۋ ناتيجەسىنە نەگىزدەلگەندە، جاۋ xx گانسۋ ولكەسى حۋاتيڭ اۋدانىنىڭ ادامى بولىپ، 2012-جىلى قازاندا ءوزىنىڭ جەڭىل اۆتوموبيلىن كەپىلگە قويۋ  ارقىلى ليۋ xx تەن 30 مىڭ يۋان قارىز اقشا العان ءارى لي xx كە 40 مىڭ يۋاندىق باعامەن اۆتوموبيلىن ساتىپ جىبەرگەن ەكەن.

  2013-جىلى 15-قاڭتاردا جاۋ xx قارىزىن قايتارماي گانسۋ ولكەسىنەن قاشىپ كەتكەن. گانسۋ ولكەسىنىڭ ساقشىلارى سول جىلى 19-جەلتوقساندا جاۋ xx تىڭ   ينفورماتسياسىن توراپقا شىعارىپ، توراپتا قۋعىن سالعان  ەكەن.

  كەزەكتە جاۋ xx شاۋەشەك قالاسىنىڭ قاماقحاناسىندا  قاماۋدا بولىپ، الداعى جەردە قاتىستى ورىنعا تاپسىرىلماقشى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.