ءتىلشىمىز ۋاڭ جىن
9 -ناۋرىزدا قىلمىس كۇماندىسى جاڭ xx : « شىرعالاڭ تۋىلعاننان كەيىن قاتتى قورقىپ، تۇنىمەن ۇيىقتاي المادىم. ۋيچاتتاعى « تەكسەرۋگە سەلبەسۋ قۇلاقتاندىرۋىن » كورگەننەن كەيىن ءتىپتى دە ابىرجىپ، قايتا- قايتا ويلانۋ ارقىلى ءوزىمدى مالىمدەۋگە بەكىدىم » دەدى.
ۇعىسۋعا قاراعاندا، 8- ناۋرىز ساعات 21 مولشەرىندە ساۋان اۋدانىنىڭ قۇلجا باتىس جولى بولەگىندە ( اۋداندىق ءبىرىنشى ورتا مەكتەپتىڭ باتىس جاعى) قاتىناس شىرعالاڭى تۋىلىپ، ءبىر ادام جارالانىپ، ءبىر ادام ولگەن، شىرعالاڭ تۋدىرعان اۆتوموبيل قاشىپ كەتكەن.
شىرعالاڭ تۋىلعاننان كەيىن ساۋان اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ ساقشىلارى ناق مايداننان اۆتوموبيلدىڭ ءبىر سىنعان ايناسىن بايقاعان.
ناق مايداندا قالعان اينانى تەكسەرىپ سالىستىرۋ ارقىلى ساقشىلار شىرعالاڭ تۋدىرعان اۆتوموبيلدىڭ قارا ءتۇستى گۋاڭجوۋ بىنتيان ياگى اۆتوموبيلى ەكەنىن تۇراقتاندىرىپ، دەرەۋ ساقشى كۇشىن شىرعالاڭ تۋدىرعان اۆتوموبيلدى تەكسەرۋگە ۇيىمداستىرادى.
دەلو انىقتاۋ بارىسىندا دەلو تەكسەرۋشى ساقشىلار ۋيچات ارقىلى دەلونىڭ نەگىزگى جاعدايىن دەر كەزىندە حابارلاپ، دەلو تەكسەرۋشى ساقشىنىڭ بايلانىس جاساۋ تەلەفون نومەرىندە جاريالايدى ءارى ۋيچاتتاعى دوستاردىڭ «تەكسەرۋگە سەلبەسۋ قۇلاقتاندىرۋىن» تاراتۋعا بەلسەندىلىكپەن كومەكتەسىپ، دەلوعا قاتىستى دەرەكپەن دەر كەزىندە قامداپ، قوعام حاۋىپسىزدىگى ساقشىلارىنىڭ قىلمىس كۇماندىسىن ۇستاۋىنا سەلبەسۋلەرىن ايتقان.
9 -ناۋرىز ساعات 17 مولشەرىندە شىرعالاڭ تۋدىرىپ قاشقان جاڭ xx قىسىمعا شىداماي لاجىسىزدان قاتىناس ساقشى ۇلكەن اترەتىنە كەلىپ ءوزىن مالىمدەگەن.
كەزەكتە جاڭ xx قىلمىستى ىستەر قىلمىسىمەن قولعا الىنىپ، دەلو ىشكەرىلەي تەكسەرىلۋ ۇستىندە.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.