ارانى اشىلىپ 2 مىڭ يۋانعا بولا توناۋشىلىق ىستەگەن بو xx ساقشى ءيتىنىڭ ءيىسشىل تاناۋىنان قاشىپ قۇتىلا المادى.
جۋىقتا ءدوربىلجىن اۋداندىق قوعام حاۋىپسىزدىگى مەكەمەسى ليۋ xx تىڭ ءدوربىلجىن اۋدانى يىڭبين جولىنداعى ونەركاسىپ – ساۋدا بانكەسىنىڭ اۆتوماتتى اقشا شىعارۋ ماشيناسىنان اقشا شىعارىپ تۇرعانىندا توناۋشىعا تاپ بولىپ، 2 مىڭ يۋانىنان ايرىلىپ قالعاندىعى جونىندەگى دەلو مالىمدەۋىن قابىلدايدى.
جاعدايدان حاباردار بولعان سوڭ، تەكسەرۋشىلەر مەن ساقشى ءيتىن تاربيەلەۋ ورتا اترەتىنىڭ ساقشىلارى « فۋلين » اتتى ساقشى ءيتىن ەرتىپ دەلو تۋىلعان ناق مايدانعا بارادى. تەكسەرۋ ارقىلى كۇماندى ەكى اياق ءىزىن بايقايدى، تاربيەلەۋشى « فۋليندى » ەرتىپ ناق مايدانداعى اياق ءىزىن يىسكەتىپ، سوڭىنا تۇسەدى. الايدا، ءىزدىڭ سوڭىنا ءتۇسىپ، تارباعاتاي جولىنداعى حىشيەجۇي شاعىن رايونىنىڭ كىرە بەرىسىنە كەلگەندە، قايشالىسقان اۆتوموبيل مەن كىرىپ- شىعاتىن ادام تىم كوپ بولعاندىقتان، ىزدەن اداسىپ قالادى.
ەرتەسى تۇستەن بۇرىن تەكسەرۋشىلەر حىشيەجۇي شاعىن رايونىنىڭ ماڭىنا ىشكەرىلەي تەكسەرۋ جۇرگىزۋ بارىسىندا الەۋمەتتىك دارەتحانادان كۇماندى كيىم – كەشەكتى بايقايدى. دەلو مالىمدەۋشىگە كورسەتۋ ارقىلى بۇل كيىمنىڭ توناۋشىنىڭ كيىمىمەن ۇقسايتىندىعىنا كوز جەتكىزەدى، سونىمەن ساقشى يتىنە كيىمدى يىسكەتىپ، سول كيىمدەگى ءيىس بويىنشا سوڭىنا تۇسەدى.
تەكسەرۋ بارىسىندا « فۋلين » ەرەكشە قاعىلەزدىك بايقاتادى، ول ءيىستىڭ سوڭىنا ءتۇسىپ، ماڭايداعى ءبىر جەر ءۇيدىڭ جانىنا بارادى، ودان قايتا-قايتا يىسكەلەپ ءجۇرىپ، حىشيەجۇي شاعىن رايونىنىڭ 4-كۋرپسىنا كەلەدى. « فۋلين » اۋەلى 201- ءنومىرلى ءۇيدىڭ ەسىك الدىنا بارادى، ودان 301-ءنومىرلى ۇيگە شىعادى. ءبىراز اينالسوقتاعان سوڭ قايتادان 201-ءنومىرلى ۇيگە بارىپ تۇراقتايدى. سونىمەن ساقشىلار 201-ءنومىرلى ۇيدەگى ادامداردى تەكسەرۋ كولەمىنە ەنگىزەدى.
تۇستەن كەيىن بارلاۋشىلار حىشيەجۇي رايونىنىڭ 4-كۋرپس 201-ءنومىرلى ۇيىندە تۇراتىن بو xx تى قولعا تۇسىرەدى. بارلاۋشىلار بو xx تىڭ قولىنىڭ جانە قولتىعىنىڭ يىسىنەن ۇلگى الىپ، ودان كەيىن الەۋمەتتىك دارەتحانادان تابىلعان كيىمدەگى ءيىستى ساقشى يتىنە يىسكەتۋ ارقىلى قىلمىس كۇماندىسىن تۇراقتاندىرادى.
« فۋلينعا » قايتا – قايتا يىسكەتىپ پارىقتاتۋدىڭ ناتيجەسىندە قىلمىس كۇماندىسىنەن الىنعان ءيىس ۇلگىسىن جازباي تاۋىپ شىعادى. ساقشى ءيتىنىڭ ءيىسشىل تاناۋىنان قاشىپ قۇتىلا الماعان قىلمىس كۇماندىسى اقىرى قىلمىسىن مويىنداپ، توناۋشىلىق ىستەۋ بارىسىن تولىق تاپسىرادى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.