ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

تاندەگى تاڭبا

جولدانعان ۋاقىتى : 2014/3/18 18:46:39

تانيدزاكي دجيۋنيچيروۋ (جاپون)

  بۇل پەندەلەر ناداندىقتى بيىك پاراساتقا بالاپ، دۇنيە قازىرگىدەي قاتىگەزدىكتەن قاجالماعان كەزدە بولىپتى. بەك-باعلانداردىڭ قامسىز ءجۇزىن مۇڭ بۇركەمەگەن، سارايداعى بيكەشتەر مەن گيەيشالاردىڭ كۇلكىسى تاۋسىلماسىن دەپ، شەشەنسىماق، قىلجاقباستار ولاردىڭ شادىمان تىرلىگى ءۇشىن ەڭبەك ەتكەن، دۇنيەدە ەركىندىك بيلىك قۇرعان كەزەڭ ەكەن. ساداكۋرو، دجيرايا، نارۋكامي    سياقتى داڭقتى قاھارماندار تەاتر ساحنالارى مەن سۋرەتتى رومانداردا ايەل بەينەسىندە كورىنىپ، سۇلۋلار مىقتى بوپ، كورىكسىزدەر ءالسىز سانالدى. پەندەلەر ادەمى كورىنۋ ءۇشىن بارىنە دايىن، ءتاڭىر سيلاعان ءتانىن جۋساڭ دا كەتپەيتىن سۇيىقتىقپەن سىلاۋعا دا باردى. جارقىراعان سىزىق پەن بوياۋ سول كەزدەگى كىسىلەردىڭ تەرىسىندە ويناق سالدى.

  ول ۋاقىتتا جولاۋشىلار تاڭداپ تۇرىپ تانىنە عالامات سۋرەت سالدىرعان جۇك تاسۋشىنىڭ كۇيمەسىنە عانا مىنەتىن. يوشيۆارا مەن تاتسيەۋميدىڭ بيكەشتەرى ءتانىن تاڭبالاتقان جىگىتتەرگە عاشىق بولدى. قۇمارشىلار، ءورت سوندىرۋشىلەردەن باستاپ اۋقاتتى قالالىقتار مەن سامۋرايلارعا دەيىن دەنەسىن ويۋلاتتى. اندا-ساندا ريوۋگوكۋدە ءتان بوياۋشىلاردىڭ جيىنى    ءوتىپ، قاتىسۋشىلار ءبىر-ءبىرىنىڭ ارقاسىنان قاعىپ، مۇسىندەرىنىڭ تاڭعاجايىپ بەزەندىرىلگەنىن ايتىسىپ، ارقا-جارقا بولاتىن.

  سيەيكيچي دەگەن قولى قۇتتى جاس ءتان بەزەندىرۋشى بار ەدى. اساكۋسانىڭ چياريبۋنى مەن ماتسيەۋشيماماچيدىڭ ياتسيەۋحيەي، كونكوندزيروۋى سياقتى شەبەرلەرىنەن كەم تۇسپەيتىن داڭقتى، تالاي جاننىڭ ءتانى ونىڭ قىلقالامىنىڭ استىنا جىبەك  ءتارىزدى توسەلگەن. ءتان بەزەندىرۋشىلەردىڭ جيىنىندا ماقتاۋ العان تۋىندىلار ونىڭ قولىنان شىققان. دارۋماكين گراداتسيەيالىق وڭدەۋدىڭ شەبەرى بولسا، كاراكۋساگونتا قىزىل مينەرال جارقىلىمەن، ال سيەيكيچي باتىل سۋرەت، كوركەم سىزىقتارىمەن تانىلدى.

  تويوكۋني مەن كۋنيسادانىڭ ۋكييويە كوركەم سۋرەت مەكتەبىنەن وتكەن سيەيكيچي كاسىبىن ءتان بوياۋشىلىققا اۋىستىرعانىمەن، تاجىريبەسى ونىڭ عاجايىپ شەبەرلىگى مەن سەزىمتالدىعىنان كورىندى. جۇرەگىن جاۋلايتىنداي سۇلۋ ءمۇسىن بولماسا، شەبەردى ەشتەڭە كوندىرە المايتىن. كەيدە كەلۋشىلەر شەبەردىڭ سۋرەت پەن باعاعا قاتىستى كوزقاراسىمەن كەلىسۋگە   ءماجبۇر بولاتىن، سودان سوڭ ءبىر اي، ءتىپتى ەكى اي بويى ينە ازابىنا ءتوزۋى كەرەك-تى.

  جاس شەبەردىڭ جۇرەگىندە ەشكىم بىلمەيتىن ىڭكار سەزىم مەن جاسىرىن قيال بار ەدى. كىسىلەردىڭ تەرىسىنە ينەنى سۇققان كەزدە قىپ-قىزىل بوپ ىسىنگەن دەنەنىڭ دىرىلىنەن  ءلاززات الاتىن، ەركەكتەر ىڭىرانعاندا، قينالىسى نەعۇرلىم كۇشەيگەن سايىن سيەيكيچي  سوعۇرلىم راقاتتاناتىن. سۋرەتتى وڭدەۋ مەن قىپ-قىزىل مينەرال بوياۋدى ءسىڭىرۋ سياقتى ەڭ   ازاپتى ساتتەر وعان ۇلكەن راحات سيلايتىن. كۇنىنە شامامەن بەس-التى ءجۇز تال ينەنى قابىلداپ، بوياۋى ءسىڭۋ ءۇشىن ىستىق سۋعا ءتۇسىپ شىققان ادامدار ءولىمشى حالدە سيەيكيچيدىڭ اياعىنىڭ استىنا قۇلاعان كۇيى قيمىلسىز قالاتىن. بۇنداي ايانىشتى كورىنىسكە سيەيكيچي سالقىن قاندى قاراپ تۇرىپ: «شىنىمەن دە اۋىرادى، ءا ؟!» دەيتىن كۇلىمسىرەگەن كۇيى.

  شىدامى جەتپەگەن ەركەكتەر جانتاسىلىم الدىنداعى ازاپقا تۇسكەندەي ءتىسىن شىقىرلاتىپ، ىڭىرانسا، شەبەر: «يەدو (توكيو)  ۇلى ەمەسسىڭ بە؟ شىدا. سەن بار بولعانى ينەنىڭ ءالسىز سۇعىلعانىن عانا سەزىندىڭ» دەپ، مونشاقتاعان جاسى ءجۇزىن جۋعان ادامعا كوزىنىڭ قيىعىمەن قاراپ، ينەسىن سۇققىلاي بەرەتىن. ءتوزىمدى جان بار كۇشىن جيناپ، قاباعىن شىتپاستان شىداپ باقسا، «قاسارىسىپ قالعان نەمە ەكەنسىڭ ءوزىڭ. قازىر كورەسىنى كورەسىڭ. ەندى توزە الماستاي ەتەمىن» دەپ، اپپاق تىستەرىن اقسيتىپ كۇلۋشى ەدى.

  شەبەردىڭ ارمانى-عاجايىپ ايەل ءتانىن تاۋىپ، وعان ءوزىنىڭ جان دۇنيەسىن ورنەكتەۋ  ەدى. ول  ءۇشىن سۇلۋ ءجۇز بەن كوركەم ءمۇسىن عانا ەمەس،    ايەلدىڭ مىنەزى دە وتە ماڭىزدى. شەبەر يەدونىڭ ءتۇرلى-ءتۇستى اۋداندارىنىڭ اتاقتى سۇلۋلارىن تۇگەل زەردەلەپ شىققانمەن، كوڭىلىنە ۇناعانى تابىلمادى. ءالى كورمەگەن جاننىڭ كەلبەتىن جۇرەگىندە ورنەكتەپ، ءۇش-ءتورت جىلىن بوس قيالمەن  وتكىزسە دە ويىنداعى ارمانىن تاستامادى.

  تۋرا ءتورتىنشى جىلدىڭ جازىندا فۋكاگاۆانىڭ حيراسيەي مەيرامحاناسىنىڭ ماڭىنان ءوتىپ بارا جاتىپ، سۋرەتشى داربازا الدىندا تۇرعان كۇيمەدەگى ارۋدىڭ اپپاق اياعىن بايقاپ قالدى. سۋرەتشىنىڭ وتكىر كوزىنە ادامنىڭ اياعى ونىڭ ءجۇزى سياقتى تالاي نارسەنى اڭعارتقان-دى. بيكەشتىڭ بالتىرىنان وتكەن اسىل جوق ەدى شەبەر ءۇشىن. تىزىلگەن نازىك ساۋساقتار، يەنوشيما جاعالاۋىنداعى مەرۋەرت قابىرشاقتار سياقتى، ءىنجۋ-مارجانعا بالاعان جۇمىر وكشە، تاۋداعى كاۋسار تابانىن جۋعانداي جىلتىر تەرى. بۇل-ەركەكتەردىڭ قانىن كەشىپ، ءمايىتىن باسىپ وتەتىن اياق قوي. وسى اياقتىڭ يەسىن سۋرەتشى ۇزاق جىل ىزدەگەن. ناعىز حاس سۇلۋ دەپ ويلادى ول.

  سيەيكيچي جۇرەك ءدۇرسىلىن باسىپ، بەيتانىستىڭ ءجۇزىن كورمەككە كۇيمەنىڭ ىزىن قۋعانمەن، ەكى-ءۇش بۇرىلىستان سوڭ كولەڭكە كوزدەن تاسا بولدى.

  سيەيكيچيدىڭ سەزىمى عالامات عاشىقتىققا ۇلاسىپ، جىلدار ءوتتى. بەسىنشى جىلدىڭ كوكتەمگى تاڭى. سۋرەتشى فۋكاگاۆانىڭ ساگا اۋدانىنداعى قونىسىندا ءتىس تازالاعىشىن تىستەپ، قۇمىراداعى وموتو گۇلىن تاماشالاپ تۇرعاندا، باقتاعى شارباق قالقاسىنان ءبىر قىز كورىندى. سيەيكيچي ايداھار ءھام جىلانمەن ورنەكتەلگەن حاوريگە (كيمونو سىرتىنان كيەتىن كيىم ءتۇرى. - ش.ج.)  قاراپ، تانىس گيەيشا جىبەرگەن بولار دەپ ءتۇيدى.

  «اپكەمىز بۇل حاوريدى سىزگە بەرىپ جىبەردى، ارقاسىنا ءبىر سۋرەت سالىپ بەرۋىڭىزدى سۇرايدى...» دەپ، بويجەتكەن زاپرانگۇل ءتۇستى فۋروشيكي وراۋىن اشىپ، ىشىنەن ارتيست يۆاي تودجياكۋدىڭ سۋرەتى بەينەلەنگەن قالىڭ قاعازعا ورالعان ايەلدىڭ جىبەك كيمونوسى مەن حاتتى شىعاردى. حات يەسى حاوريگە قاتىستى ءوتىنىش جازىپتى، سوڭىندا حاتتى جەتكىزگەن بويجەتكەن جاقىندا گيەيشا بولاتىنىن، ءوزىنىڭ «ءسىڭلىسى»  رەتىندە قول استىنا وتەتىنىن ايتادى دا قىزعا وڭ كوزىمەن قاراۋدى وتىنەدى. «بۇرىن كورمەگەن سياقتىمىن، سوڭعى ۋاقىتتا بۇندا كەلمەدىڭ بە؟» دەدى سيەيكيچي قىزدىڭ مۇسىنىنەن كوزىن الماي. جاسى شامامەن ون التى، ون جەتىدە بولار دەپ ويلادى، ءبىراق قىزدىڭ جۇزىندە تولىمدى سۇلۋلىق بار ەدى، ايلار بويى ۋاقىتىن ساۋىق-سايران مەكەنىندە وتكىزىپ، تالاي ەركەكتىڭ جانىن ەلىتكەن كوركەم ءمۇسىن. ول ەلدەگى بار بىلىق پەن بۇكىل بايلىق توعىسقان استانادا ءومىر ءسۇرىپ، وسى ورتادا وتكەن عاجاپ جىگىتتەر مەن قىلىمسىعان بويجەتكەندەردىڭ سيقىرلى تۋىندىسى ىسپەتتى ەدى. «سەن بىلتىر ماۋسىمدا حيراسيەي جاقتان كۇيمەمەن قايتپاپ پا ەدىڭ؟» دەدى سيەيكيچي قىزدى دالىزگە وتىرعىزىپ، بينگو ساندالىن كيگەن نازىك اياعىنا باجايلاي قاراپ. «ءيا، ول كەزدە اكەم ءتىرى بولاتىن، حيراسيەيگە مەنى ءجيى اپاراتىن» دەپ، قىز استارلى سۇراققا كۇلىمسىرەي جاۋاپ قاتتى. «بەس جىل ءوتىپتى، سەنى كۇتكەنىمە. بۇگىن جۇزدەسسەم دە اياعىڭ ەسىمدە قالىپتى. ساعان كورسەتەتىن ءبىر زاتىم بار، جوعارى كوتەرىلەيىك» دەپ سيەيكيچي قايتۋعا ىڭعايلانعان قىزدىڭ قولىنان تارتىپ، دارياعا قارايتىن ەكىنشى قاباتتاعى شەبەرحاناسىنا اپاردى. قوس ورام شىعارىپ، ءبىرىن قىزدىڭ الدىنا جايىپ سالدى. بۇل - كونە چۋ يمپەراتورىنىڭ سۇيىكتى حانشايىمى بەينەلەنگەن سۋرەت ەدى. كارتيناداعى بيكەش ءىنجۋ- مارجانمەن بەزەندىرىلگەن ءتاجدىڭ سالماعىن كوتەرە الماي، باليۋستراداعا سۇيەنىپ، مولىنان پىشىلگەن جىبەك كويلەگىنىڭ ەتەگى باسپالداقتان تومەن توگىلىپ، وڭ قولىنا بانان ۇستاپ، ساراي باعىنداعى قۇرباندىققا    اكەلىنگەن ەركەككە قاراپ تۇر.  اياق-قولى شىنجىرمەن ءتورت جاقتان تەمىر باعانعا بايلانعان، اقىرىن كۇتىپ، حانشايىمنىڭ الدىندا باسىن سالبىراتىپ،  كوزىن جۇمعان ەركەك بەينەسى عاجاپ بەينەلەنىپتى.

  بويجەتكەن كوركەم كارتينانى كورگەندە كوزى جايناپ، ەرىندەرى دىرىلدەپ كەتتى. سول ساتتە  ونىڭ ءجۇزى كارتيناداعى حانشايىمنان اۋماي قالعان-دى. سۋرەتتەگى ءتىلسىم سىرلى «ءوزىن» تاپقانداي. «بۇل كارتينادا سەنىڭ جان دۇنيەڭ كورىنىس تاپقان» دەدى سيەيكيچي كۇلىمسىرەگەن كۇيى بويجەتكەننىڭ كوزىنە قاراپ تۇرىپ.

  «سونشالىقتى ۇرەيلى دۇنيەنى ماعان نەگە كورسەتتىڭىز؟» دەدى بويجەتكەن كوكپەڭبەك بولعان ءجۇزىن سيەيكيچيگە بۇرىپ.     «بۇل سۋرەتتەگى بيكەش سەنسىڭ، ونىڭ قانى سەنىڭ بويىڭدا بار» دەدى دە سۋرەتشى ەكىنشى ورامدى اشىپ جىبەردى. كارتينا «كوڭ» دەپ اتالادى ەكەن. سۋرەتتىڭ قاق ورتاسىندا جاس قىز ساكۋرانىڭ بۇتاعىنا سۇيەنىپ،  اياعىنىڭ استىندا جاتقان سانسىز ەركەكتىڭ مايىتىنە قاراپ تۇر. قىزدى اينالا جەڭىس جىرىن جىرلاعان قۇستار ۇشىپ ءجۇر. كارتيناداعى قىزدىڭ كوزىندە تاكاپپارلىق پەن شاتتىق ءتۇسى بەينەلەنىپتى. بۇل سوعىستان كەيىنگى كورىنىس پە، گۇلدى باقتاعى كوكتەم سۋرەتى مە؟ كارتينانى كورگەن بويجەتكەن ءوز جۇرەگىندە جاسىرىن جاتقان ءبىر نارسە بارىن سەزدى.

  «وسى كارتينادا سەنىڭ بولاشاعىڭ بەينەلەنگەن. ەركەك اتاۋلى بۇدان كەيىن سەن ءۇشىن ءومىرىن   قياتىن بولادى» دەپ سيەيكيچي قىزدان اۋماي قالعان سۋرەتتەگى بيكەشتى نۇسقادى.   «بەينە ءبىر كەلەسى ومىرىمدە دۇنيەگە كەلگەن (بۇددا ءدىنى بويىنشا ادام بىرنەشە  رەت  تۋىلادى. - ش.ج.) ءوزىمدى كورگەندەيمىن. تەزىرەك سۋرەتتى جابىڭىز» دەگەن قىز ورامنان تەرىس اينالدى دا تاتاميگە جايعاستى. سودان سوڭ «راسىندا، ءوزىمدى سول سۋرەتتەگى ايەل سياقتى سەزىنەمىن. شىداۋ  مۇمكىن  ەمەس، الىپ تاستاڭىزشى» دەدى.

  «جاقسىلاپ قاراساڭشى، قازىر قورقىنىشتى بولعانمەن، ۇرەي سەزىمى وتپەلى عوي».         سيەيكيچيدىڭ جۇزىندە مىسقىل بار ەدى. قىز باسىن كوتەرمەدى. كيمونوسىنىڭ جەڭىمەن ءجۇزىن كولەگەيلەپ، «وتىنەمىن، مەنى بوساتىڭىز. ءسىزدىڭ قاسىڭىزدا بولۋعا قورقامىن» دەپ بىرنەشە رەت قايتالادى. «توقتاي تۇر، مەن سەنى عاجاپ ارۋعا اينالدىرامىن» دەپ سيەيكيچي قىزعا تاقادى. كيمونوسىنىڭ قوينىندا گوللانديالىق دارىگەردەن العان   حلوروفورم تولى شيشا جاسىرىلعان ەدى.

  كۇن ساۋلەسى وزەن بەتىنە تۇسكەندە سەگىز تاتامي كولەمدەگى شەبەرحانا ورتەنەردەي قىزدى. سۋ بەتىندە جۇزگەن ساۋلە قامسىز ۇيىقتاپ جاتقان قىزدىڭ جۇزىنە، شيودجيدىڭ (جاپون   ۇيىندەگى بولمە ارالىق ەسىك. - ش.ج.) قاعازىنا التىن تولقىندار تۋدىرىپ ءدىر-ءدىر ەتەدى.      ەسىكتى جاۋىپ تاستاپ، ءتاندى ناقىشتايتىن قۇرالدارىن قولىنا العان سيەيكيچي سول ساتتە تاپجىلماستان وتىرىپ قالدى. سۋرەتشى سول ساتتە العاش ايەل سۇلۋلىعىن سەزىندى. سۇلۋدىڭ جۇزىنە تەسىلگەن كۇيى ون، ءجۇز جىل بويى وسى بولمەدە وتىرسام دا قۇمارىم قانباس دەپ ويلادى. ەجەلگى مەمفيس تايپاسى مىسىر جەرىن پيراميدالارمەن، سفينكستەرمەن بەزەندىرگەنى سياقتى سيەيكيچي قىزدىڭ   ءمىنسىز ءتانىن ماحابباتىمەن بوياماق ەدى.

  سۋرەتشى سول قولىنىڭ شىناشاعى، اتسىز ساۋساعى مەن باس بارماعىنىڭ اراسىنا قىسقان قىلقالامىنىڭ ءۇشىن قىزدىڭ ارقاسىنا تيگىزىپ، جوعارىدان باستاپ وڭ قولمەن ينە سالۋعا كوشتى. جاس ءتان بەزەندىرۋشىنىڭ جانى بوياۋمەن بىرگە ەرىپ، تەرىگە ءسىڭىپ جاتىر. سپيريت ارالاسقان ريۋكيۋ (جاپونيانىڭ وڭتۇستىك ولكەسى. - ش.ج.) قىزىل مينەرالىنىڭ ءار تامشىسى سۋرەتشى ءومىرىنىڭ تامشىسىنا اينالعانداي. سۋرەتشى بوياۋدان ءوز جۇرەگىنىڭ ءتۇسىن كوردى.

  ءتۇس اۋىپ، كوكتەمنىڭ جايما-شۋاق كۇنى باتۋعا تاقادى. سيەيكيچيدىڭ قولى ءبىر ساتكە دە تىنعان جوق، ارۋدىڭ ۇيقىسى دا بۇزىلمادى. بويجەتكەننىڭ نەگە قايتپاعانىن بىلۋگە كەلگەن   گيەيشانىڭ وكىلىنە «ول قىز قايتىپ كەتكەن» دەپ قايتارىپ جىبەردى. اي وزەن جاعاسىنداعى ۇيلەرگە ساۋلەسىن ءتۇسىرىپ، ارعى بەتتەگى چيوشيۋ مەيرامحاناسى شاتىرىنىڭ ۇستىنە كوتەرىلسە دە ءتان ناقىشتاۋ ءىسى جارتىسىنا دا جەتپەگەن ەدى. سيەيكيچي شىراق جارىعىمەن جۇمىسىنا بەرىلگەن. ءاربىر تال سىزىقتى ءتۇسىرۋ سۋرەتشىگە  وڭاي سوقپادى. ينەنى سۇعىپ، سۋىرعان سايىن تەرەڭ كۇرسىنىپ، سول ينە ءداپ ءبىر ءوزىنىڭ جۇرەگىنە قادالىپ جاتقانداي سەزىندى. ءبىرازدان سوڭ ينەنىڭ ءىزى ءداۋ دجيوروۋ ورمەكشىسىنىڭ پىشىنىنە يە بوپ، اسپان اعارعاندا جاۋىز قۇبىجىق سەگىز اياعىن سوزىپ، قىزدىڭ ارقاسىندا جايىلىپ جاتتى.

  كوكتەم ءتۇنى جوعارى-تومەن جۇزگەن وزەندەگى قايىقتاردىڭ ەسكەگىنىڭ دىبىسىمەن اشىلىپ، تاڭعى جەلمەن جەلبىرەگەن اق جەلكەننەن سەيىلە باستاعان تۇمان ىشىندە ناكاسۋ، حاكودزاكي، ريوۋگان ارالدارىنداعى ۇيلەردىڭ شاتىرى كۇن ساۋلەسىمەن جارقىراعان شاقتا، سيەيكيچي قىلقالامىن قويىپ، قىزدىڭ ارقاسىنا جابىسقان ورمەكشىنىڭ سۇلباسىنا كوز جۇگىرتتى. سۋرەتشىنىڭ ءومىرى وسى سۋرەتتە ەدى. جۇمىسىن بىتىرگەن سۋرەتشىنىڭ جان-دۇنيەسى ءبىر ءتۇرلى بوساپ قالدى.

  قوس كولەڭكە قوزعالىسسىز. ءبىر كەزدە سيەيكيچيدىڭ قارلىققان باسەڭ ءۇنى ەستىلدى :  «سەنى عاجاپ ارۋعا اينالدىرۋ   ءۇشىن جانىمدى سالدىم، بۇدان بىلاي بۇكىل جاپونيادا سەنەن اسقان سۇلۋ بولماس. بويىڭداعى ۇرەيىڭ سەيىلدى. ەركەك اتاۋلى سەنىڭ اياعىڭنىڭ استىنداعى كوڭ...»
قىزدىڭ ەرنىنەن جىبەكتەي نازىك دىبىس شىقتى. ەسىن جيناي باستاعانداي، ءاربىر اۋىر تىنىستاعان سايىن ورمەكشىنىڭ اياقتارى بەينە ءبىر ءتىرى جاندىك ءتارىزدى جىبىرلاپ قوزعالادى.

  «قيىن-اۋ ساعان، ءتانىڭدى ورمەكشى قۇشىپ جاتىر». وسى ءسوز ايتىلعاندا قىز كوزىن اشتى. كوزى اي جارىعىن مولايتقانداي، جارق-جۇرق ەتىپ، جىگىتتىڭ جۇزىنە ءتۇستى.

  «ارقامداعى سۋرەتتى تەزىرەك كورسەتىڭىزشى. ماعان ءومىرىڭىزدى قيعان ەكەنسىز، مۇمكىن، بۇرىنعىدان دا سۇلۋ بولىپ كەتكەن شىعارمىن؟!»

  قىزدىڭ ءسوزى ۇيقىلى-وياۋ ايتىلسا دا سەمسەردەي  وتكىر ەدى.

  «بوياۋى قانىق بولۋ ءۇشىن قازىر ىستىق سۋعا ءتۇسۋىڭ كەرەك. قينالساڭ دا شىدا» دەپ سيەيكيچي قىزدىڭ قۇلاعىنا جان اشىرلىقپەن سىبىرلادى.  «شىنىمەن سۇلۋ بولسام، قانداي قيىندىققا بولسا دا توزەمىن» دەپ قىز ءتانىنىڭ اۋىرعانىنا قاراماي كۇلىمسىرەدى.

  «ا-اي، ىستىق سۋ اشىتىپ جاتىر... وتىنەمىن، مەنى جالعىز قالدىرىپ، ەكىنشى قاباتقا بارىڭىزشى، بەيشارا حالىمدى ەر   ادامنىڭ كورگەنىن قالامايمىن».

  قىز ىستىق سۋدان شىققان سوڭ ءسۇرتىنىپ تە ۇلگىرمەي، سيەيكيچيدىڭ قولىن قاعىپ تاستاپ، اۋىر ازاپقا جانى شىداماي، بۇك ءتۇسىپ ەدەنگە قۇلادى.

  البا-جۇلبا شاشى بەتىنە توگىلدى. ارت جاعىندا اينا بار. اينادان اپپاق قوس وكشە كورىنەدى. كەشەدەن بەرى وزگەرگەن قىزدىڭ قىلىعىنا سيەيكيچي قاتتى تاڭ قالدى. ەكىنشى قاباتقا كوتەرىلىپ، جارتى ساعات وتكەندە جۋىلعان شاشىن ەكى يىعىنا ءتۇسىرىپ، ءۇستى-باسىن رەتكە كەلتىرگەن قىز كوتەرىلدى. اۋىر ازاپتىڭ ءىزى دە قالماعان، كوزى مولدىرەپ، دالىزدىڭ جاقتاۋىنا سۇيەنگەن كۇيى تۇماندانعان   اسپانعا قاراپ تۇر.

  «مىنا سۋرەتتەردى تانىڭدەگى تاڭبامەن قوسا ساعان سيلايمىن، ەندى قايتۋىڭا بولادى» دەپ سيەيكيچي ورامداردى قىزدىڭ الدىنا قويدى.

  «بۇرىنعى ۇرەيدەن تولىق   ارىلدىم. ءسىز مەنىڭ اياعىمنىڭ استىنا توسەلگەن كوڭ بولدىڭىز» دەپ قىز جانارىن سەمسەردەي جارق ەتكىزدى. قىزدىڭ قۇلاعىندا جەڭىس جىرى جاڭعىرىپ جاتتى. «قايتارىڭدا تانىڭدەگى تاڭبانى تاعى ءبىر رەت  كورسەتشى» دەدى سيەيكيچي.

  قىز ءۇنسىز باسىن يزەپ،  يىعىنان كيمونوسىن ءتۇسىردى. تاڭعى ساۋلە تاندەگى تاڭباعا تۇسكەندە ارۋدىڭ ارقاسى جارق ەتتى.

جاپون تىلىنەن اۋدارعان –
شارافات جىلقىبايەۆا
دايىنداعان – ق. ايدارحان

رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn