■ اۆتونوميالى رايوننىڭ حالىقتىق شارۋاشىلىقتى جوعارى ساپالى دامىتۋ جينالىسى تارباعاتايداعى حالىقتىق كاسىپورىنداردى ءورىس اشا جاڭالىق جاراتۋعا ىنتالاندىردى
تىلشىلەرىمىز جاڭ پەيچي، جوۋ ۋىنشين، داي جياۋمەي، ساي حۋچىڭ، الاشين سۋدىبەلىك حابارلايدى. 11 - ايدىڭ 10 - كۇنى تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسى اشىلىپ، جاڭا جورىقتا حالىقتىق شارۋاشىلىقتى جوعارى ساپالى دامىتۋ ۇلى جوسپارىن بىرگە اقىلداسىپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن ىلگەرىلەتۋگە ءتىپتى دە پارمەندى ساياساتتىق تىرەك ازىرلەدى. ايماعىمىزدىڭ قاتىستى تاراۋلارىنداعى كادرلار جانە حالىقتىق كاسىپورىنشىلار ايرىقشا جەلپىنىپ، جىگەر - قايراتتارى ەسەلەپ ارتىپ، جابال مىنالاردى ءبىلدىردى: ورايدى مىقتى يگەرىپ، ءورىس اشا جاڭالىق جاراتىپ، ناقتى شارالار ارقىلى حالىقتىق شارۋاشىلىقتىڭ زورايۋىن، ساپالىلانۋىن، كۇشەيۋىن جەبەپ، تارباعاتايدىڭ ەكونوميكاسىنىڭ جوعارى ساپالى دامۋىنا كۇش ۇستەيمىز.
ايماقتىق پارتكوم بىرلىكساپ ءبولىمىنىڭ ورىنباسار باستىعى، ايماقتىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى، ۇنەمىلىك ىستەرگە جاۋاپتى ورىنباسار ءتوراعاسى ەركىن بىلاي دەدى:”ايماقتىڭ حالىقتىق شارۋاشىلىعىنىڭ دامۋى جالپى تۇلعالىق جاقتان ورنىقتى جاقسارىپ، حالىقتىق شارۋاشىلىقتىڭ بازار تۇلعالارى ايماقتاعى بازار تۇلعالارىنىڭ ％90 تەن استامىن ۇستاپ، كولەم قالىپتاستىرعان كاسىپورىندار اراسىندا حالىقتىق شارۋاشىلىقتىڭ ۇلەسى ءبىرشاما جوعارى، حالىقتىق قارجى قوسۋدىڭ ارتۋ جىلدامدىعى ءبىرشاما تەز بولىپ، حالىقتىق كاسىپورىندار جۇمىستانۋدى جەبەۋدەگى نەگىزگى ارناعا، عىلىم -تەحنيكادا جاڭالىق اشۋدىڭ جالىندى كۇشىنە اينالىپ، ارتۋدى ورنىقتىرۋ، جۇمىستانۋدى جەبەۋ، حالىق تۇرمىسىن قامتاماسىز ەتۋ جاقتارىندا ماڭىزدى رول اتقاردى“.
ەركىن بىلاي دەدى:”وسى رەتكى جينالىستىڭ دەڭگەيى جوعارى، شارالارى ناقتى بولىپ، اۆتونوميالى رايوندىق پارتكوم مەن ۇكىمەتتىڭ حالىقتىق شارۋاشىلىقتى دامىتۋ، زورايتۋ بەكىمىن ايگىلەپ، حالىقتىق كاسىپورىنشىلاردىڭ دامۋ سەنىمىن ءونىمدى سەرپىلتتى. الداعى جەردە، ايماقتىق ساۋدا -ونەركاسىپشىلەر بىرلەستىگى ءماجىلىستىڭ رۋحىن مۇقيات دايەكتىلەندىرىپ، تياناقتاندىرىپ، كوپىرلىك، دانەكەرلىك رولىن ساۋلەلەندىرىپ، حالىقتىق كاسىپورىنداردىڭ دامۋىنا قولداۋ كورسەتەتىن ءتۇرلى ساياسات - شارالادىڭ تياناقتانۋىن ىلگەرىلەتىپ، حالىقتىق شارۋاشىلىقتىڭ دامۋ ورتاسىن ۇزدىكسىز ساپالىلاندىرىپ، حالىقتىق كاسىپورىندار مەن ۇكىمەتتىڭ بايلانىس جاساۋ ارناسىن كەڭەيتىپ، حالىقتىق كاسىپورىنداردىڭ تالاپ - تىلەگىن ورىنداۋ مەحانيزمىن اقاۋسىزداندىرىپ، حالىقتىق كاسىپورىندار مەن حالىقتىق كاسىپورىنشىلاردىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، حالىقتىق كاسىپورىنداردىڭ شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسىنا ات سالىسۋىنا قولداۋ كورسەتىپ، جانە ىنتالاندىرىپ، حالىقتىق شارۋاشىلىقتىڭ اقاۋسىز دامۋى مەن حالىقتىق شارۋاشىلىق قايراتكەرلەرىنىڭ اقاۋسىز جەتىلۋىن جەبەيدى“.
ايماقتىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى شۇي جيحۋا: ”حالىقتىق كاسىپورىندار ايماق ەكونوميكاسىنىڭ جوعارى ساپالى دامۋىنداعى جالىندى كۇش رەتىندە، جاڭالىق اشۋدى جەبەۋ، جۇمىستانۋدى ارتتىرۋ جاعىندا بەلسەندى رولدارىن ساۋلەلەندىردى، ايماقتىق ونەركاسىپ جانە ينفورماتسيالاندىرۋ مەكەمەسى حالىقتىق كاسىپورىندارعا قىزمەت وتەۋ، قامتاماسىز ەتۋدى بارىنشا كۇشەيتىپ، كاسىپورىنداردى ’مازالاعان ىستەردى‘’كوڭىل تورىندەگى ىستەر‘رەتىندە ساناپ، ماسەلەنى باعدار ەتۋگە، سۇرانىستى باعدار ەتۋگە تاباندى بولىپ، ايماقتىڭ حالىقتىق شارۋاشىلىعىنىڭ جوعارى ساپالى دامۋىنا شىن مانىندە كۇش ۇستەيدى“ دەدى.
”جينالىستىڭ اشىلۋى بىزگە اۆتونوميالى رايوننىڭ حالىقتىق كاسىپورىنداردى قولداۋ تەبىنىنىڭ ەرەكشە زور ەكەنىن سەزىندىرىپ، دامۋ سەنىمىمىزدى اناعۇرلىم بەكەمدەي ءتۇستى. سەرىكتەستىگىمىز باقتى وتكەلىنىڭ وڭىرلىك ورىن باسىمدىعىنا سۇيەنە وتىرىپ، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ جانە باقتى وتكەلى شەكارا حالىقتارى ءوزارا ساۋدا بازارىنىڭ ساياساتتىق تيىمدىلىگىنەن پايدالانىپ، يمپورت ەتىلگەن اۋىل شارۋاشىلىعى ونىمدەرىن جەرگىلىكتى ورىندا مانەرلەۋدى كۇش سالا دامىتادى. قازىر سەرىكتەستىگىمىزدە لياۋنيڭنىڭ شينجياڭعا كومەكتەسىپ سالعان ولشەمدى 14 زاۆود ءۇيى، 8 ءوندىرىس سەحى، 6 شيكىزات قامباسى جانە ءونىم قامباسى بار، شەكارا حالىقتارى ءوزارا ساۋدا بازارىندا اۋىل شارۋاشىلىعى ونىمدەرى ساۋداسى + جەرگىلىكتى ورىندا مانەرلەيتىن كاسىپورىندار ’تۇتاسىمەن كىرگىزىپ، تۇتاسىمەن شىعارۋ‘سىندى ساۋدا ۇلگىسىن جۇزەگە اسىردى. مانەرلەپ وندىرىلگەن كۇنباعىس ءدانى، كۇنباعىس ءدانى قاۋىزى، ازىقتىق ماي، كۇنجارا ونىمدەرى شينجياڭنىڭ جەر - جەرىنە ساتىلىپ، ساۋدا ءونىم قۇنى ％20 تىڭ ۇستىندە ارتتى“ دەدى شينجياڭ سىبەتى ساۋدا شەكتى سەرىكتەستىگىنىڭ اكىمشىلىك باس باقىلاۋشىسى لەي بيڭچياۋ.
شارۋالار شاتتىعى ساياجايىن اشۋدان سيىر ەتى قاتىرماسىن مانەرلەۋ دۇكەنىن اشقانعا دەيىن قوبىقسارى موڭعۇل اۆتونوميالى اۋدانى حاتۇڭشان سيىر ەتى قاتىرماسىن مانەرلەۋ دۇكەنىنىڭ جاۋاپتىسى جاڭ شيۋحۋا كاسىپورىن قۇرۋ جەرگىلىكتى ورىنداعى پارتكوم مەن ۇكىمەتتىڭ پارمەندى قولداۋىنان ايرىلا المايتىنىن انىق بىلەتىن. وسى كۇندە حاتۇڭشان سيىر ەتى قاتىرماسىن مانەرلەۋ دۇكەنىنىڭ ونىمدەرى اۋىزدان -اۋىزعا تارالعان جاقسى باعاسىمەن سۇرانىستى قامداي الماي وتىر. جەلىدەگى ساتىلىمى جالپى ءونىم مولشەرىنىڭ ％50 ىن يەلەپ، نەگىزىنەن گۋاڭدۇڭ، شاندۇڭ، سىچۋان سياقتى جەرلەرگە ساتىلادى. بيىلعى ءونىم قۇنى 8 ميلليون يۋاننان اساتىندىعى مەجەلەنۋدە ەكەن.
جاڭ شيۋحۋا: ”جينالىستىڭ اشىلۋى مەنى ەرەكشە جەلپىندىردى. شارۋاشىلىق قۇرعان 10 نەشە جىلدان بەرى پارتيا مەن ۇكىمەتتىڭ كاسىپورىنداردىڭ دامۋىنىڭ ەڭ پارمەندى تىرەگى ەكەنىن تەرەڭ سەزىندىم. بولاشاقتاعى دامۋعا تولىق سەنىمدىمىن، الداعى جەردە، ماركانىڭ تانىمالىلىعىن ارتتىرىپ، جاڭا ءوندىرىس جەلىسىن ەنگىزىپ، ءوندىرىس كولەمىن كەڭەيتىپ، حاتۇڭشان سيىر ەتى قاتىرماسىن شينجياڭنىڭ ۋاكىلدىك ءدامدى تاعامىنا اينالدىرامىن. كاسىپورىندى زورايتۋ ارقىلى اناعۇرلىم كوپ بۇقارانى سيىر باعىمشىلىعى كاسىپ سالاسىن دامىتۋعا جەتەكتەپ، تارباعاتاي سىندى قارجى قوسىپ، شارۋاشىلىقتى گۇلدەندىرۋدىڭ ىرىستى مەكەندە ۇزدىكسىز دامىپ، كولەمىن ۇلكەيتە تۇسەمىن“ دەدى.
تولى اۋدانى تيانشان شياۋگى اۋىل شارۋاشىلىعى عىلىم - تەحنيكا شەكتى سەرىكتەستىگى 2019 - جىلى قۇرىلعان، بۇرشاق ونىمدەرى، قارا استىق، ۇن ونىمدەرى سياقتىلاردى جىنتىكتەي مانەرلەۋ كاسىپورنى. 2022 – جىلى سەرىكتەستىكتىڭ تيجارات كىرىسى 12 ميلليون 700 مىڭ يۋانعا جەتىپ، 49 ادامدى جۇمىستاندىردى. سەرىكتەستىكتىڭ زاۆودقا جاۋاپتى قىزمەتكەرى لي شياۋبو:”اۆتونوميالى رايون مەن ايماقتىڭ ساياساتتىق دامۋ ورايىنان پايدالانىپ، سەرىكتەستىك جەرگىلىكتى ديقاندارمەن بىرگە جەرگىلىكتى باسىمدىققا، ەرەكشەلىككە يە كاسىپ سالاسىن دامىتىپ، ەگىنشى وتباسىلارىنىڭ كىرىسىن ارتتىرىپ، تارباعاتايدىڭ ەكونوميكاسىنىڭ جوعارى ساپالى دامۋىن جەبەيدى“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى