ءتىلشىمىز قۇرمەت مىرزاقان، ەرىكتى ءتىلشى چاڭ يۇيجە حابارلايدى. 11 -ايدىڭ 9 -كۇنى باقتى شەكارا وتكەلىنىڭ كەدەننەن وتكىزۋ قۋاتىن جوعارىلاتۋ ينجەنەرياسى (1 -مەرزىمدىك) نىسان قۇرىلىسى مايدانىندا جۇمىسشىلار جەدەل قۇرىلىس جۇرگىزىپ، قۇرىلىس مايدانى قاربالاستىققا ءتۇستى.
ۇعىسۋعا قاراعاندا، وسى نىساندا باستىسى، 12 جەكە تۇلعالى قۇرىلىس، قامتاماسىزداندىرۋ، قىزمەت وتەۋ ورتالىعى، شەكارا حالىقتارى ءوزارا ساۋدا بازارى ساۋداسىنا قىزمەت وتەۋ ورتالىعىنىڭ اۆتوكولىكتەردى تەكسەرۋ زالى، تاۋار تەكسەرۋ، سكانەرلەۋ زالى، سونداي -اق شەكارادان كىرگەندەردى تەكسەرۋ ءۇيى سياقتى قۇرىلىستار قامتىلىپ، جالپى 180 ميلليون يۋان قارجى قوسۋ جوسپارلانعان ەكەن.
2022 - جىلدان بەرى باقتى شەكارا وتكەلىنە جالپى 4 ميلليون يۋاننان استام قارجى قوسىلىپ، تاۋارلاردى تەكسەرۋ -كارانتيندەۋ ءۇيى، تەكسەرۋ -كارانتيندەۋ جابدىقتارى، جەدەل تەكسەرۋ - كارانتيندەۋ ارناسى جانە تاۋار تاسىمالى ارناسىنىڭ H986 ءدالىزى، بەلگىلەنگەن وڭىردەگى جول بەتىن اسفالتتاندىرۋ سياقتى قۇرىلىستاردى جەدەل ىلگەرىلەتتى. قۇرىلىس اياقتالعاننان كەيىن، شەكارا وتكەلىنىڭ جۇك تاسىمالىن كەدەننەن وتكىزۋ قۋاتى مەن دەڭگەيى زور دارەجەدە جوعارىلايدى ەكەن.
باقتى شەكارادان كىرىپ - شىعۋ شەكارالىق تەكسەرۋ پۋنكتىنىڭ ورىنباسار باستىعى جاڭ گۋاڭفەي: ”ءبىز تاعى’جاسىل ارنا‘اشىپ، الدىن الا تەكسەرۋگە مالىمدەۋ، جەدەل تەكسەرۋ سياقتى قىزمەت وتەۋ شارالارىن قولدانىپ، قىزمەت وتەۋ قابىلەتىمىز بەن دەڭگەيىمىزدى جوعارىلاتتىق“دەدى.
شينجياڭ شاڭكۇن قۇرىلىس ينجەنەرياسى شەكتى سەرىكتەستىگى كەدەننەن وتكىزۋ قۋاتىن جوعارىلاتۋ نىسانىنىڭ جاۋاپتىسى جاڭ زىحاۋ:”تاۋارلاردى تەكسەرۋ، سكانەرلەۋ زالى سالىنىپ بولعاننان كەيىن، ءبىر ۋاقىتتا 8 اۆتوكولىكتى يمپورت - ەكسپورتتىق تەكسەرۋ قىزمەتىن جۇرگىزە الادى، قازىر بولات قۇرىلىمى ورناتىلىپ بولدى، مەجەمەن 2024 -جىلى 5 -ايدا پايدالانۋعا بەرىلەدى“ دەدى.
ۇعىسۋعا قاراعاندا، باقتى شەكارا وتكەلىنىڭ كەدەننەن وتكىزۋ قۋاتىن جوعارىلاتۋ نىسانىنىڭ اتقارىلۋى كەدەن جىلىنا 2 ميلليون توننا جۇكتى تەكسەرىپ - كارانتيندەپ، جونەلتە الادى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى