ــــ 5 ـ كەزەكتى اۆتونوميالى رايوننىڭ جالپىلىق مەنشىككە جاتپايتىن شارۋاشىلىق قايراتكەرلەرى جۇڭگوشا سوتسياليزم ىستەرىنىڭ تاڭداۋلى قۇرىلىسشىسى، شاۋەشەك قالاسى جياڭچۇي ازىق -تۇلىك دۇكەنىنىڭ جاۋاپتىسى گاۋ يان جونىندە
□ ءتىلشىمىز داي جياۋمەي
11 - ايدىڭ 13 - كۇنى شاۋەشەك قالاسى جياڭچۇي ازىق -تۇلىك دۇكەنىنىڭ بالكۇلشە - پراندىك مانەرلەۋ سەحنا بارعانىمىزدا، جۇمىسشىلاردىڭ جۇمىستارىن قاربالاس ىستەي ءجۇرىپ، شاتتانا اڭگىمەدە بولىپ جاتقانىن كوردىك. ولاردىڭ اڭگىمەسىنىڭ تيەگى 5 ـ كەزەكتى اۆتونوميالى رايوننىڭ جالپىلىق مەنشىككە جاتپايتىن شارۋاشىلىق قايراتكەرلەرى جۇڭگوشا سوتسياليزم ىستەرىنىڭ تاڭداۋلى قۇرىلىسشىسى، شاۋەشەك قالاسى جياڭچۇي ازىق - تۇلىك دۇكەنىنىڭ جاۋاپتىسى گاۋ يان ەدى.
”تارباعاتايداعى ءار ۇلت بۇقاراسىنىڭ تازا، ءدامدى بالكۇلشە - پراندىكتى تۇتىنۋىنا ۇلەس قوسقانىما ەرەكشە قۋانىشتامىن. الداعى جەردە، كۇش ۇستىنە كۇش قوسىپ، تارباعاتايدىڭ ءتول ماركاسىن جاراتىپ، ءتىپتى دە كوپ جاسىل، تازا، ءدامى ءتىل ۇيىرەتىن بالكۇلشە -پراندىكتەردى قۇلشىنا زەرتتەپ جاسايمىن“ دەدى گاۋ يان.
گاۋ يان بيىل 30 جاستا، شاۋەشەكتىڭ ءتول تۋماسى. بەيفاڭ التىن، ءىنجۋ-مارجان تەحنيكا شۋەيۋانىنان وقۋ تاۋىسقان، مەكتەپ بىتىرگەننەن كەيىن، گۋاڭدۇڭداعى ءبىر ءىنجۋ - مارجان كاسىپورنىندا قىزمەت ىستەيدى. گاۋ يان زەرتتەۋگە جانى قۇشتار جان، قىزمەتتەن سىرت ۋاقىتتا كاسىپتىك اعالارىمەن بىرلەسىپ القا -مونشاق وڭدەۋ زاۆودىن قۇرادى. ول اتا مەكەنىنە دەگەن ىستىق ساعىنىشتىڭ جەتەگىندە، 2014 ـ جىلى شاۋەشەككە قايتىپ كەلىپ، ازىق ـ تۇلىك ءوندىرۋ، زەرتتەۋ ـ اشۋ ىستەرىن قولعا الادى.
”تارباعاتايدىڭ شيكىزاتى توتەنشە جاقسى، پىسىرىلعان بالكۇلشە -پراندىكتەر ءدامدى ءارى ءنارلى كەلەدى، ايتسەدە، ءتۇرى از. شاۋەشەكتەگى بۇقارانىڭ تابەتىنە ۇيلەسەتىن بالكۇلشە - پراندىكتەردى زەرتتەپ جاساۋ ءۇشىن، قانشا رەت تاجىريبە جاساپ، قانشا ءتۇرلى ازىقتىق ماتەريال قوسقانىمىز ساناپ تاۋىسقىسىز. كەيدە كوڭىلدەگىدەي بالكۇلشە - پراندىك جاساۋ ءۇشىن، وتباسىمىزداعىلار تاڭ اتقانشا جۇمىس ىستەيتىن“ دەدى گاۋ يان.
شارۋاشىلىق قۇرۋ جولىندا قيىنشىلىقتار مەن ساتسىزدىكتەر بولماي تۇرمايدى. اۋىلىنا قايتا سالىپ، وتباسىنىڭ شاعىن دۇكەنىن وتكىزىپ العاندا ەشتەڭەدەن حابارسىز ەدى. شاعىن دۇكەننىڭ ورنى جاقسى بولماي، الارماندارى از بولىپ، ونىمدەرىنىڭ ساتىلماي قالۋى ۇنەمى گاۋ ياننىڭ باسىن قاتىراتىن. ءبىراق، ول كەيىن شەگىنبەدى، قايتا زەرتتەۋ مەن جاڭالىق اشۋدى جەدەلدەتىپ، الارماندار بولماعان كەزدە جاڭا ونىمدەردى الاڭسىز زەرتتەپ، بالكۇلشە -پراندىك پىسىراتىن تاجىريبەلى ۇستازداردان اقىل سۇراپ، ۇزدىكسىز جاڭالىق اشىپ، وزگەرىس ەنگىزدى.
”ەڭ ۇلكەن ماسەلە تاعى دا قارجى تاپشىلىعى بولدى“ دەدى گاۋ يان. شارۋاشىلىق قۇرعان باستابىندا جۇمىسشىلارمەن بىرگە شىعىندى تەجەدى، اۋىزدارىنان تارتىپ، ۇنەمدەپ ىستەتتى، تۋىس ـ تۋعان، دوس ـ جارانداردان قارىز اقشا الدى، تاسىمال اقىسىن ۇنەمدەۋ ءۇشىن، ەكى ايەل قىزمەتتەسىمەن بىرگە ءۇرتىس 4 ساعات قاربالاستىققا ءتۇسىپ، 10 توننادان استام شيكىزاتتى ارقالاپ تۇسىرگەن كۇندەرى دە بولدى. ساۋداسى كۇسەت مەزگىلدە، تاپسىرىستى ۇلگىرتۋ ءۇشىن، ۇنەمى ۇستەمەلەپ جۇمىس ىستەدى، ءۇرتىس 4 تاۋلىك زاۆودتان شىقپادى... شارۋاشىلىق قۇرۋ بارىسىندا ول جەتىلە ءتۇستى ءارى تابىسقا قول جەتكىزدى.
2017 ـ جىلى گاۋ يان مەن وتباسىنداعىلار بىرگە قۇلشىنۋ ارقىلى ىرىمشىك بولكا دەپ اتالاتىن بولكانى زەرتتەپ جاسايدى ءارى بۇل تەز ارادا ينتەرنەتتە تانىمالى ونىمگە اينالادى، مۇنداي بولكانى ەل شاۋەشەكتىڭ ىرىمشىك بولكاسى دەپ اتايدى. ءبىر مەزەت شاۋەشەكتىڭ ىرىمشىك بولكاسى بۇكىل شينجياڭعا تانىلادى ءارى ەشكىمنىڭ نازارىندا جوق جاڭشى كوك بۇرشاق پراندىگىن (جياڭچۇي ازىق ـ تۇلىك دۇكەنى) شينجياڭنىڭ تۇستىگى مەن تەرىستىگىنە تانىتادى، سونىمەن بىرگە، سول جىلى ماركانى تىزىمگە الدىرىپ، جياڭچۇي ەركشە بالكۇلشە -پراندىك ماركاسىن تىركەۋگە الدىرادى.
2020 ـ جىلى 7 ـ ايدا گاۋ يان 3 ميلليون يۋانعا جۋىق قارجى جۇمساپ، شاۋەشەك قالاسىنداعى بۇرىنعى جاڭشى كوك بۇرشاق پراندىك دۇكەنىن كەڭەيتىپ، 2000 شارشى مەتر اۋماقتى يەلەيتىن جياڭچۇي ازىق ـ تۇلىك دۇكەنىن قۇرادى، قازىر 20 نەشە جۇمىسشى ىستەتىپ وتىر.
تارباعاتايدىڭ ىرىمشىك بولكاسىن جەگەنىڭىزدە، بولكانىڭ قىشقىل ءدامى، ءسۇتتىڭ قانىق ءدامى، سونداي -اق قاتتى قابىقتى جەمىستىڭ، جەل جەمىستىڭ ءدامى قوسىلىپ، ءدامى ءتىل ۇيىرەدى. وسىدان سوڭ، تارباعاتايدىڭ ەرەكشەلىگى توعىستىرىلعان ىرىمشىك ايگۇلشە، ىرىمشىك قاتتاما، جەمىس وزەكتى لەبا سياقتى ءار ۇلت بۇقاراسى ۇناتىپ جەيتىن 200 تۇردەن استام ەرەكشە ايگۇلشە - پراندىكتەر ارت -ارتىنان بارلىققا كەلدى.
گاۋ يان: ”قازىر تاپسىرىس بويىنشا وندىرەمىز، ۋاكىل ساۋداگەرلەر بۇكىل ەلدىڭ جەر ـ جەرىندە بار، ءار جىلعى ساۋدا سومامىز 2 ميلليون يۋاننان اسادى“ دەدى.
كاسىبى بىرتىندەپ وڭالعان گاۋ يان اقىرى قيىنشىلىق قىسپاعىنان قۇتىلىپ، شۇعىلالى كۇندەرمەن قاۋىشتى. سۋ ىشكەندە قۇدىق قازۋشىنى ۇمىتپاۋدى ۇستانعان ول 2020 -جىلى 3 كەدەي وقۋشىعا قارجىلاي كومەك بەرىپ، جيىنى 60 مىڭ يۋان اقشا، جالپى قۇنى 296 مىڭ يۋاننان اساتىن زاتتى جىلۋعا اتايدى ، سونىمەن بىرگە، جياڭچۇي ازىق ـ تۇلىك دۇكەنىندەگى حانزۋ، ۇيعۇر، قازاق، تاتار، ورىس، موڭعۇل، داعۇر، حۇيزۋ قاتارلى 20 نەشە جۇمىسشىنى بىرگە اۋقاتتانۋعا باستادى.
“الداعى جەردە، اۋەلگى ماقساتىمنان جازباي، ادەمى، تازا، ءدامى ءتىل ۇيىرەتىن بالكۇلشە – پراندىكتەردى ءوندىرىپ، بۇكىل ەلدىڭ جەر ـ جەرىندەگىلەرگە شاۋەشەكتىڭ ءدامىن تاتتىرىپ، جەرگىلىكتى ورىننان ءتىپتى دە كوپ اپەكە ـ سىڭلىلەردىڭ اۋقاتتانۋ جولىنا تۇسۋىنە جەتەكشىلىك ەتەمىن” دەدى گاۋ يان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى