تارباعاتاي ايماقتىق پارتكومعا توتە قاراستى ورگانداردىڭ پارتيا ىستەرىنە جاۋاپتى كادرلارى قارامايلى قالاسىندا تەكسەرۋدە، ۇيرەنۋدە بولدى
ءتىلشىمىز يان ۋىنحۋا حابارلايدى. 11 - ايدىڭ 14 - كۇنى تاڭەرتەڭ، شاۋەشەكتىڭ اۋا رايىندا العاشقى قىستىڭ ىزعارى ءبىلنىپ تۇرعانىمەن، قارامايلى قالاسىنا تەكسەرۋ - ۇيرەنۋگە جول العان اۆتوكولىكتىڭ ىشىنەن جىلى لەپ ەسىپ، پارتيا ىستەرىنە جاۋاپتى كادرلار قىزۋ تالقى ورىستەتىپ وتىردى.
سول كۇنى تارباعاتاي ايماقتىق پارتكومعا توتە قاراستى ورگاندار قىزمەت كوميتەتى ايماققا توتە قاراستى 16 ورىنداعى 26 پارتيا ىستەرىنە جاۋاپتى كادرلاردى ۇيىمداستىرىپ، جاۋاپكەرشىلىك پەن بورىشتى ارقالاپ، قارامايلى قالاسىنىڭ پارتيا قۇرىلىسى قىزمەتىن تەكسەرۋ، ۇيرەنۋ ءۇشىن اتتاندى.
قارامايلى قالاسىندا كۇن رايى تاماشا، شۋاق توگىلگەن جانعا جايلى اۋا رايىندا تەكسەرۋ گرۋپپاسىنداعىلار قارامايلى قالاسى يىنحى ءمالىسى قۇرعان ”قارامايلى قالالىق زەردەلى پارتيا قۇرىلىسى ــ قاينارلى قوزعاۋشى كۇشى جەلىدە“ تەكشەسىن، قارامايلى قالالىق اكىمشىلىك قىزمەت وتەۋ جانە الەۋمەتتىك بايلىق ساۋدا - ساتتىق ورتالىعىن، سونداي - اق قارامايلى بۇلت ەسەپتەۋ كاسىپ سالاسى باقشا رايونىن ەكسكۋرسيالادى.
تەكسەرۋ -ۇيرەنۋ ارقىلى پارتيا ىستەرى كادرلارى مول تابىسقا كەنەلىپ، تەرەڭ اسەر الدى.
ايماقتىق بازار باقىلاۋ -باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى نيۋ يانجى: ”وسى رەتكى تەكسەرۋ - ۇيرەنۋ الدا ورگان پارتيا قۇرىلىسى قىزمەتىن زەرتتەپ ورنالاستىرۋعا جانە اناعۇرلىم ىلگەرىلەتۋگە تىڭ وي جەلىسىن ازىرلەدى. الداعى جەردە، اناعۇرلىم ناقتى شارالاردى قولدانا وتىرىپ، ۇلگىلى ورگان جانە ’بەستە جاقسى‘پارتيا ياچەيكاسىن قۇرۋ قىزمەتىن تەرەڭدەتىپ، پارتيا قۇرىلىسىن جەتەكشى ەتۋدى كورنەكتىلەندىرىپ، ماسەلەلەردى، ولقىلىقتاردى تولىقتاپ، ورگاننىڭ پارتيا قۇرىلىسى مەن كاسىبىنىڭ تەرەڭدەي توعىسۋىن ىلگەرىلەتەمىز“ دەدى.
ايماقتىق پارتكومعا توتە قاراستى ورگاندار قىزمەت كوميتەتىنىڭ شۋجيى دۇڭ چاڭشى: ”وسى رەتكى تەكسەرۋ - ۇيرەنۋ ارقىلى پارتيا ىستەرىنە جاۋاپتى كادرلاردىڭ پارتيا قۇرىلىسىنىڭ جەتەكشىلىگىندە قايتكەندە كاسىپتىڭ ساپاسىن جوعارىلاتىپ، ونىمدىلىگىن ارتتىرۋعا بولاتىندىعىن سەزىندىرىپ، پارتيا قۇرىلىسى قىزمەتى تاجىريبەسىنەن ۇلگى الىپ، پارتيا قۇرىلىسى قىزمەتى وي جەلىسىن ايقىنداپ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتتىك“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى