ەرىكتىءتىلشى حۋ ۋي، ءتىلشىمىز ۋاڭ چۇنلين حابارلايدى. 11 -ايدىڭ 11 -كۇنى ساعات 18 مولشەرىندە ەڭ سوڭعى ءبىر تەكشە مەتر بەتوننىڭ ءساتتى قۇيىلۋىنا بايلانىستى، جۇڭگو تەمىر جول 8-مەكەمەسى 3 -سەرىكتەستىگى جاۋاپتى بولىپ سالعان شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ جىلۋمەن قامداۋ سايكەستى نىساندارىنىڭ تۇلعالىق قۇرىلىمىنىڭ توبەسى تولىق جابىلىپ بولدى.
ۇعىسۋعا قاراعاندا، بۇل نىسان 2023 -جىلى 6 - ايدا قۇرىلىس باستاپ، قۇرىلىس مەرزىمى ءبىر جىل ەكەن. جوباداعى جەر اۋماعى 19196.44 شارشى مەتر، جالپى قۇرىلىس كولەمى 5137.5 شارشى مەتر بولىپ، 6200 شارشى مەتر جەر جاسىلداندىرىلىپ، 12 مىڭ 609.66 شارشى مەتر جەردى اسفالتتاندىرادى ەكەن. مۇنىڭ ىشىندە، وتىندىق گاز جاعاتىن پار قازانىنان ۇشەۋى، ەلەكتر پار قازانىنان ەكەۋى، جىلۋ اۋىستىرۋ پۋنكتىنەن 38 ى، 60 كيلومەتر قۇبىر تورابى بار، نىسانعا جالپى 224 ميلليون 600 مىڭ يۋان قارجى قوسىلادى.
جۇڭگو تەمىر جول 8 -مەكەمەسى 3 -سەرىكتەستىگىنىڭ نىسانعا جاۋاپتىسى ۋاڭ فاننىڭ تانىستىرۋىنشا، ”تومەن كومىر قىشقىل گازدى، جاسىل، زەردەلى“باقشا رايونىن قۇرۋ ءۇشىن، سەرىكتەستىك ”حاۋىپسىزدىكتە مۇلدە شىرعالاڭ تۋىلماۋ، ساپادا مۇلدە كەمىستىك بولماۋ“ سىندى قۇرىلىس جۇرگىزۋ ۇستانىمىن ارقاۋ ەتە وتىرىپ، دەن قويا ۇيىمداستىرىپ، الدىن الا جوسپارلاپ، ارناۋلى ادام ورنالاستىرىپ، شاۋەشەك قالالىق شەكارا ەكونوميكالىق سەلبەستىك رايونىن جانە جوبالاۋ تاراۋلارىمەن قىزمەتتى ۇشتاستىردى ءارى جۇمىس باسىنا ۇسىنىس ەتىپ، نىسان قۇرىلىسىنداعى قيىنشىلىقتار مەن ماسەلەلەردى شەشىپ، ينجەنەريا قۇرىلىسىنىڭ ىركىلىسسىز جۇرگىزىلۋىنە شىنايى كەپىلدىك ەتتى.
نىسان قۇرىلىسىنىڭ اياق الىسىن جەدەلدەتۋ ءۇشىن، جۇڭگو تەمىر جول 8 -مەكەمەسى 3 -سەرىكتەستىگى ”جۇمىس باستاۋ دەگەنىمىز شەشۋشى شايقاس، 100 كۇن قارمانىپ ىستەۋ، ەڭبەك باسەكەسى“ قيمىلىن بەلسەنە ورىستەتتى. قيمىل كەزىندە بۇل سەرىكتەستىك ”ادام كۇشى، ماتەريال، ماشيناعا“ ۇسىنىلىمدى ارتتىرىپ، بۇرىنعى جوسپارداعى ءبىر گرۋپپادان 3 گرۋپپاعا كوبەيتىپ، ءبىر ۋاقىتتا قۇرىلىس جۇرگىزىپ، ەڭبەك ىستەۋ بارىسىنداعى قورعانۋ بۇيىمدارىن الدىن الا جەتكىلىكتى ساتىپ الىپ، نىساننىڭ ءساتتى جۇرگىزىلۋىنە شىنايى كەپىلدىك ەتتى.
قۇرىلىس بارىسىندا كۇن مەن ءتۇننىڭ تەمپەراتۋرا پارقى زور، زات تاسىمال جەلىسى ۇزاق، جەر استى سۋى مول بولۋ سياقتى ماسەلەلەرگە ءدوپ كەلدى، بۇل سەرىكتەستىك زەردەلى باقىلاۋ -مەڭگەرۋ تۇعىرىنان پايدالانىپ، قاتىستى تاراۋلارمەن جانە قامدايتىن ساۋدا ورىندارىمەن تاسىمال جەلىسىن سايكەستىرىپ، كوپ ورىندا جاۋىن -شاشىن قۇدىعى مەن جەلدەن قورعانۋ داۋالىن ورناتۋ سياقتى تاسىلدەر ارقىلى ءتۇرلى قيىنشىلىقتاردى جەڭدى. ناقتى ءونىمدى شارالار ارقىلى جىلۋمەن قامداۋ سايكەستى نىسانىنىڭ جارتى ايدا الاڭدى تەگىستەپ قازۋ، 45 كۇندە نەگىزدىك ينجەنەريا جۇمىسى ورىندالىپ، 3 ايدا تۇڭعىش عيماراتتىڭ توبەسى جابىلىپ، قۇرىلىس مەرزىمى نىساناسىن 10 كۇن بۇرىن ورىندادى.
كەلەسى قادامدا سەرىكتەستىك قۇرىلىس مىندەتىن بار كۇشپەن ورىنداپ، نىساننىڭ ۋاعىندا پايدالانۋعا تاپسىرىلۋىنا كەپىلدىك ەتىپ، ايماقتىڭ ەنەرگيا ۇنەمدەپ، لاس زاتتاردى ىعىستىرۋدى ازايتۋ قىزمەتىنە دەم بەرىپ، ايماقتىڭ جاسىل دامۋىنا كەپىلدىك ەتەدى.
نىسان سالىنىپ بولعاننان كەيىن، وتىندىق گاز + ەلەكتر سياقتى كوپ ءتۇرلى ەنەرگيا ءبىرىن -ءبىرى تولىقتاۋ ۇلگىسىن قولدانىپ تازا جىلۋمەن قامداپ، كومىرتەگى قوس توتىعىنىڭ شىعارىلۋ مولشەرىن 81 مىڭ توننا ءونىمدى ازايتىپ، كۇكىرت قوس توتىعىنىڭ شىعارىلۋ مولشەرىن 265 توننا ازايتىپ، ازوت توتىعىنىڭ شىعارىلۋ مولشەرىن 200 توننادان استام ازايتىپ، اتموسفەرانى لاستايتىن زاتتاردىڭ ەرەكشە تازا شىعارىلۋىن جالپى تۇلعالىق جاقتان جۇزەگە اسىرىپ، ايماق ەكونوميكاسىنىڭ جاسىل، اقاۋسىز دامۋىنا كۇش ۇستەدى. سونىمەن بىرگە، تارباعاتايداعى ماڭىزدى حالىق تۇرمىسى نەگىزدىك سايكەستى قىزمەت وتەۋ نىساندارىنىڭ ءبىرى رەتىندە، سالىنىپ بولعاننان كەيىن الدىمەن دامىتۋ رايونى مەن توڭىرەكتەگى 2 ميلليون 880 مىڭ شارشى مەترلىك قۇرىلىستىڭ جىلۋمەن قامداۋ قاجەتىن قاناعاتتاندىرىپ، الدىمەن دامىتۋ رايونى مەن توڭىرەكتەگى وڭىرلەردى ورنىقتى، جوعارى ءونىمدى جىلۋمەن قامداۋ قىزمەت وتەۋىمەن قامداپ، كاسىپورىندار مەن تۇرعىنداردىڭ تۇرمىس ساپاسىن ءونىمدى جاقسارتۋعا بولادى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى