□ ءتىلشىمىز ماقپال مىرزاقان
بيڭتۋان مەن جەرگىلىكتى ورىننىڭ توعىسا دامۋى ــ تارباعاتاي ايماعىنىڭ 5 ءىرى التىن ءارىپتى ماڭدايشالىعىنىڭ ءبىرى. 10 ـ ايدىڭ 30 - كۇنى تارباعاتاي ايماقتىق توعىسپالى مەديا ورتالىعى مەن بيڭتۋان 9 - شى بايياڭ قالالىق توعىسپالى مەديا ورتالىعىنىڭ بيڭتۋان مەن جەرگىلىكتى ورىننىڭ بىرلەسكەن تىلشىلىگى رەسمي باستالدى. تىلشىلىك ۇيىرمەسىندەگى 6 ءتىلشى نەگىزگى ساتىنىڭ ءبىرىنشى شەبىنە ىشكەرىلەي بارىپ، باي مازمۇندى، الۋان فورماداعى جالپىلىق اقپارات مەديا حابارلارىن بىرگە جازىپ، بيڭتۋان مەن جەرگىلىكتى ورىننىڭ توعىسا دامۋىنىڭ جاڭا جەتىستىكتەرىن، جاڭا بەينەسىن جان ـ جاقتى ايگىلەدى.
شاۋەشەك قالاسى جاڭاجامبىل ءمالى باسقارماسى قاراءدوڭ الەۋمەتتىك اۋماعىنداعى سالىقجان يمىن اتايدىڭ 100 دەن استام مەملەكەت تۋىنىڭ حيكاياسىن تاعى ءبىر رەت بايانداپ بەرگەنى؛ شاۋەشەك قالاسى اشىلى داعۇر ۇلتتىق اۋىلى جالعىزاعاش قىستاعىندا بيڭتۋان مەن جەرگىلىكتى ورىنداعى تۇرعىنداردىڭ ارالاسۋدىڭ، ىشتەسۋدىڭ، توعىسۋدىڭ تاماشا كارتيناسىن كەستەلەگەندىگى جونىندەگى حيكايانى تىڭداعانىمىز؛ بيڭتۋان 9 ـ شى بايياڭ قالاسى 165 ـ تۋانىندا جاڭبىردان كەيىن بالشىقتى كەشىپ سيىر قوراعا كىرىپ، سيىر باعاتىن ءىرى وتباسىنىڭ سيىرعا جەم ـ ءشوپ بەرۋ جالپى بارىسىن كورگەنىمىز؛ بيڭتۋان 9 ـ شىسى بايياڭ قالاسى 170 ـ تۋانىنداعى 10 مىڭ مۋلىق شىرعاناق ورمانىنداعى كوزدىڭ جاۋىن الاتىن، سامسىعان جاقۇتتاي شىرعاناق جەمىسىنىڭ تۇرعىندارعا كىرىستى ارتتىرۋدىڭ ءۇمىتىن ۇشقىنداتقانى... ەسىمىزدەن كوتەرىلەر ەمەس.
بيڭتۋان مەن جەرگىلىكتى ورىن ىنتىماقتى، قارايلاسىمدى بولىپ، ابزالدىلىقتارى ارقىلى ءوزارا تولىقتاپ، بىرگە دامۋى باستان - اياق نەگىزگى اۋەن بولىپ كەلەدى، ۇنەمى بارىس - كەلىس جاساسىپ، ءان ايتىپ، جىر جىرلاپ، باس قوسىپ سىرلاسىپ، ءوزارا تەحنيكا ۇيرەنىپ، دامۋدى بىرگە جوسپارلاپ، كىرىكپەلى ارالاسۋ، ىشتەسۋ، توعىسۋ سىندى قوعامدىق دامۋ ۇلگىسىن قالىپتاستىرىپ، شەكارا ءوڭىردى بىرگە قورعايتىن، بايلىقتان ورتاق يگىلىكتەنەتىن، باسىمدىقتاردى ءوزارا تولىقتايتىن، بىرلىكتە داميتىن جاعدايدى اناعۇرلىم بەكەمدەدى.
بىرگە سەلبەسىپ تىلشىلىك ىستەۋدى ۇزدىكسىز ىلگەرىلەتىپ، بيڭتۋان مەن جەرگىلىكتى ورىننىڭ ەكونوميكا، مادەنيەت، قوعام سياقتى جاقتارداعى اۋىس - كۇيىستى، سەلبەستىكتى بەلسەنە ىلگەرىلەتۋىنە قاتىستى حابارلاردى ويداعىداي جازامىز؛ بيڭتۋان مەن جەرگىلىكتى ورىننىڭ تاعدىرلاس ورتاق تۇلعاسىن، مۇددە ورتاق تۇلعاسىن تۇلعالاپ، كورىكتى مەكەندى بىرگە قۇرۋ بەكىمى مەن ءادىسىن جان ـ جاقتى ويداعىداي حابارلاپ، بيڭتۋان مەن جەرگىلىكتى ورىننىڭ توعىسا دامۋ گۇلىن اناعۇرلىم قۇلپىرتا تۇسەمىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى