9-ناۋرىز تاڭەرتەڭ پولشانىڭ سوپو قالاسىندا وتكىزىلگەن حالىقارالىق جەڭىل اتلەتيكا جۇلدەلى جارىسىنىڭ ەرلەردىڭ ۇزاققا سەكىرۋ شەشۋشى جارىسىندا ەلىمىز سپورتشىسى لي جينجى 8.23 مەترلىك ناتيجەمەن كۇمىس مەدالعا يە بولىپ، التىن مەدالدىڭ يەگەرى، اعا جۇلدەگەر برازيليالىق دۋسليۆانىڭ ناتيجەسىنە نە ءبارى 5 سانتيمەتر عانا جەتپەگەن. لي جينجى ازيا جەڭىل اتلەتيكا تاريحىندا وسى جارىس تۇرىنەن ءبىرىنشى رەت كۇمىس مەدالعا يە بولعان سپورتشى.
لي جينجى:« بۇل مەنىڭ وسى تۇردەگى جارىستا العان ەڭ جاقسى ناتيجەم، شىنىن ايتسام مۇنداي ناتيجە جاراتۋ راسىندا وڭايعا تۇسپەيدى، ءبىراق التىن مەدال الا الماعانىما وكىنەم» دەدى. تولىمدىلىق الۋ جارىسىمەن سالىستىرعاندا، لي جينجىنىڭ جارىستاعى بەينەسى ايتارلىقتاي بولدى، ول ءبىرىنشى بولىپ مايدانعا شىعىپ، العاشقى سەكىرۋدە 8.19 مەترگە سەكىرگەن، بۇل جاقسى ناتيجەسى وزىنەن كەيىن مايدانعا شىققان سپورتشىلارعا زور قىسىم اكەلدى، ەكىنشى رەتتە 8.07 مەترگە سەكىرگەن، ءۇشىنشى رەتكى سەكىرۋى وتە ءساتتى بولىپ، 8.23 مەترلىك بيىلعى ەڭ جاقسى ناتيجەسىن جاراتتى ءارى بۇل ونىڭ وسى جارىستاعى ەڭ تاماشا ناتيجەسى ەسەپتەلەدى. بارلىق سپورتشىلار الدىڭعى ءتورت رەتكى سەكىرۋىن ورىنداپ بولعاندا، لي جينجى باياعىسىنداي ءبىرىنشى ورىندا تۇردى. ەڭ سوڭعى ەكى رەتكى سەكىرۋدە، الدىندا نەشە رەت سەكىرگەن كەزدە ناتيجەسى ويداعىداي بولماعان دۋسليۆا كەنەتتەن 8.28 مەتر ارالىققا سەكىرىپ، الدىڭعى ورىنعا شىقتى.
لي جينجى: « بۇلاي بولار دەپ شىنىندا ويلاماعام، دەسەدە بۇل ناتيجەمدە جامان ەمەس» دەدى. وسى كەزەكتى حالىقارالىق جەڭىل اتلەتيكا جارىسى اياقتاعاننان كەيىن لي جينجى بەيجيڭگە قايتادى، ونىڭ الداعى جارىسى بيىل مامىر ايىندا بەيجيڭدەگى قۇس ۇياسىندا وتكىزىلەتىن حالىقارالىق جەڭىل اتلەتيكا بىرلەستىگىنىڭ جارىسى، وتكەن جىلعى جارىستا ول 8.31 مەترلىك ناتيجەمەن اعا جۇلدەگەرلىكتى يەلەگەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.