7-كەزەكتى ازيا گاز مىلتىقپەن نىسانا اتۋ جۇلدەلى جارىسى 10 –ناۋرىز كۆەيتتىڭ شەيحساباح.احمەد وليمپيادا نىسانا اتۋ ورتالىعىندا 2- كۇنگى جارىسىن وتكىزدى، ەلىمىز كومانداسى ەرلەردىڭ 10 مەترلىك ارالىقتان گاز مىلتىقپەن نىسانا اتۋ ءتۇرى جانە ايەلدەردىڭ 10 مەترلىك ارالىقتان گاز ناگانمەن نىسانا اتۋ تۇرىنەن توپتىق اعا جۇلدەگەرلىكتى ەنشىلەدى.
ەرلەردىڭ 10 مەترلىك ارالىقتان گاز مىلتىقپەن نىسانا اتۋ جارىسىندا پان جۇنحۇي، ليۋ جىگو جانە تان سۇڭداردان قۇرالعان جۇڭگو كومانداسى 1869.1 ۇپايلىق جالپى ناتيجەمەن توپتىق اعا جۇلدەگەرلىكتى ەنشىلەدى. يران كومانداسى 1860.9 ۇپايلىق ناتيجەسىمەن ەكىنشىلىكتى، ءۇندىستان كومانداسى 1856.1 ۇپايلىق ناتيجەمەن ۇشىنشىلىكتى ەنشىلەدى.
ايەلدەردىڭ 10 مەترلىك ارالىقتان گاز ناگانمەن نىسانا اتۋ جارىسىندا جۇڭگو كومانداسىنان سۋ يۇيليڭ، جي شياۋجيڭ جانە حۋاڭ ياميلار 1138 ۇپايمەن توپتىق اعا جۇلدەگەرلىكتى، ءۇندىستان كومانداسى مەن جۇڭحۋا تايبەي كومانداسى جەكە-جەكە ەكىنشىلىكتى جانە ۇشىنشىلىكتى ەنشىلەدى.
بۇل رەتكى جارىستا توپتىق جارىستا ناتيجەسى الدىڭعى قاتارداعى 8 سپورتشىنى جەكە ادامدىق شەشۋشى جارىسقا ءتۇسىرىپ، توپتىق جارىستاعى جەكە ناتيجەسىن شەشۋشى جارىسقا قوسپاۋدى بەلگىلەدى. شەشۋشى جارىستا ءار ادامعا 20 تال وق تاراتىلىپ، اتىلعان 8 وقتان باستاپ ناتيجەسىنە قاراي وتىرىپ سارالاۋ جۇرگىزىلەدى. ناتيجەدە ەرلەردىڭ 10 مەترلىك ارالىقتان گاز مىلتىقپەن نىسانا اتۋ جەكە ادامدىق جارىسىندا ءۇندىستان كومانداسىنداعى چاين.سينگح 206.6 ۇپايمەن اعا جۇلدەگەرلىكتى، ەلىمىز كومانداسىنداعى تان سۇڭ 204.8 ۇپايمەن ەكىنشىلىكتى ەنشىلەدى.
ايەلدەردىڭ 10 مەترلىك ارالىقتان گاز ناگانمەن نىسانا اتۋ جەكە ادامدىق جارىسىندا ءۇندىستان كومانداسىنداعى حاينەر.شيدر 200.3 ۇپايمەن اعا جۇلدەگەرلىكتى، جۇڭحۋا تايبەي كومانداسىنداعى ۋ جيايىڭ ەكىنشىلىكتى ەنشىلەسە، ەلىمىز كومانداسىنداعى سۋ يۇيليڭ مەن حۋاڭ يامي جەكە-جەكە ءتورتىنشى جانە جەتىنشى بولدى.
ازيا گاز مىلتىقپەن نىسانا اتۋ جارىسى ازياداعى ەڭ جوعارى دەڭگەيدەگى نىسانا اتۋ جارىس تۇرلەرىنىڭ ءبىرى. بۇل رەتكى جارىس نەگىزىنەن ەر-ايەل جاس وسپىرىمدەر جارىسى، جاستار جانە ەرەسەكتەر جارىسى سىندى ءۇش تۇرگە ءبولىنىپ، گاز مىلتىق جانە ناگانمەن 10 مەترلىك ارالىقتان نىسانا اتۋدان جيىنى 12 ءتۇرلى جارىس بولىپ، 31 مەملەكەت پەن رايوننان 400 دەن استام سپورتشى قاتىناسقان. ەلىمىزدىڭ مەملەكەتتىك نىسانا اتۋ كومانداسىنان 31 سپورتشى 10 تۇردەگى جارىسقا قاتىناسادى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.