شي جينپيڭ 2023 - جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسىنىڭ اشىلۋ سالتىندا بەينە ەكران ارقىلى ارناۋ ءسوز سويلەدى

　11 - ايدىڭ 8 - كۇنى تۇستەن بۇرىن مەملەكەت ءتوراعاسى شي جينپيڭ 2023 - جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسىنىڭ اشىلۋ سالتىندا بەينە ەكران ارقىلى ارناۋ ءسوز سويلەدى.
 

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
 

　　شينحۋا اگەنتتىگىنىڭ 11 - ايدىڭ 8 - كۇنى بەيجيڭنەن بەرگەن حابارى. 11 - ايدىڭ 8 - كۇنى تۇستەن بۇرىن مەملەكەت ءتوراعاسى شي جينپيڭ 2023 - جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسىنىڭ اشىلۋ سالتىندا بەينە ەكران ارقىلى ارناۋ ءسوز سويلەدى.
 

　　شي جينپيڭ بىلاي دەپ اتاپ كورسەتتى: 2015 - جىلى مەن 2 - كەزەكتى دۇنيە جۇزىلىك ينتەرنەت جينالىسىنىڭ اشىلۋ سالتىندا الەمدىك ينتەرنەتتى دامىتۋ مەن باسقارۋدىڭ ”4 ءتۇرلى پرينسيبىن، ”5 دارىپتەمەسىن“ العا قويىپ، ينتەرنەت كەڭىستىگى تاعدىرلاس ورتاق تۇلعاسىن قۇرۋدى دارىپتەگەن بولاتىنمىن، بۇل ۇستانىم حالىقارالىق قوعامنىڭ جاپپاي قۇپتاۋىنا جانە بەلسەنە ءۇن قوسۋىنا يە بولدى. بۇگىنگى دۇنيە جۇزىندە وزگەرىس پەن بىلىقپالىق قاباتتاسىپ، 100 جىلدىق وزگەرىس جەدەل قۇبىلۋدا، دامۋ قىزىل سيفرىن قالاي شەشۋ، حاۋىپسىزدىك قىسپاعىنان قالاي ارىلۋ، وركەنيەتتەردىڭ ءوزارا ۇلگى الۋىن قالاي كۇشەيتۋ − ءبىز ورتاق ءدوپ كەلىپ وتىرعان داۋىرلىك تاقىرىپ. ينتەرنەت دامۋدى ىلگەرىلەتەتىن جاڭا قوزعالىس قۋاتىنا، حاۋىپسىزدىكتى قورعايتىن جاڭا سالاعا، وركەنيەتتەر ءوزارا ۇلگى الاتىن جاڭا تۇعىرعا كۇن سايىن اينالۋدا، ينتەرنەت كەڭىستىگى تاعدىرلاس ورتاق تۇلعاسىن قۇرۋ − ءارى ءداۋىر تاقىرىبىنا جاۋاپ بەرۋدىڭ تابيعي تالعامى، ءارى حالىقارالىق قوعامنىڭ ورتاق ءۇنى. ءبىز اۋىس - كۇيىستى، ناقتى ىستەر سەلبەستىگىن تەرەڭدەتىپ، ينتەرنەت كەڭىستىگى تاعدىرلاس ورتاق تۇلعاسىن قۇرۋدىڭ تىڭ ساتىعا قادام تاستاۋىن بىرگە ىلگەرىلەتۋىمىز كەرەك.
 

　　ءبىز دامۋدى الدىڭعى ورىنعا قويىپ، اناعۇرلىم جالپىعا ءتيىمدى گۇلدەنىپ - كوركەيەتىن ينتەرنەت كەڭىستىگىن قۇرۋدى دارىپتەيمىز. سيفر سالاسىنداعى حالىقارالىق اۋىس - كۇيىستى، سەلبەستىكتى تەرەڭدەتىپ، عىلىم - تەحنيكا جەتىستىكتەرىن كادەگە جاراتۋدى جەدەلدەتۋىمىز كەرەك. ينفورماتسيالانعان قىزمەت وتەۋدىڭ جالپىلاسۋىن تەزدەتىپ، سيفر جىلعاسىن كىشىرەيتىپ، ينتەرنەتتى دامىتۋ بارىسىندا حالىق تۇرمىسىن قامتاماسىز ەتىپ جانە جاقسارتىپ، اناعۇرلىم كوپ مەملەكەت پەن حالىقتى ينتەرنەتتىڭ دامۋ جەتىستىكتەرىنەن بىرگە يگىلىكتەندىرۋىمىز كەرەك.
 

　　ءبىز بەينەت پەن زەينەتتى بىرگە وتكەرىپ، اناعۇرلىم بەيبىت، حاۋىپسىز ينتەرنەت كەڭىستىگىن قۇرۋدى دارىپتەيمىز. ينتەرنەت يەلىك ۇقىعىنا قۇرمەت ەتۋىمىز، ءار ەلدىڭ ينتەرنەتتى دامىتۋ جولىنا جانە باسقارۋ ۇلگىسىنە قۇرمەت ەتۋىمىز كەرەك. ينتەرنەت كەڭىستىگى حالىقارالىق ەرەجەسىنە بويسۇنىپ، ينتەرنەت زورەكەرلىگىمەن اينالىسپاۋىمىز كەرەك. ينتەرنەت كەڭىستىگى توپتار قارسىلاسۋىن جانە اسكەري دايىندىق باسەكەسىن تۋدىرماۋ كەرەك. ينتەرنەت حاۋىپسىزدىگى ناقتى ىستەر سەلبەستىگىن تەرەڭدەتىپ، ينتەرنەتتەگى زاڭعا قايشى قىلمىستىق ارەكەتتەرگە پارمەندى سوققى بەرىپ، ساندى مالىمەت حاۋىپسىزدىگىن جانە جەكەلەر ينفورماتسياسىن قورعاۋدى كۇشەيتۋىمىز كەرەك. عىلىم - تەحنيكانىڭ دامۋى الا كەلگەن ەرەجە قاقتىعىسىنا، قوعامدىق حاۋىپ - قاتەرگە، ەتيكا سىن - سايىسىنا ۇتىمدى توتەپ بەرۋىمىز كەرەك. جۇڭگو جاق ءار جاقپەن «الەمدىك جاساندى زەردەنى باسقارۋ دارىپتەمەسىن» قول ۇستاسا تياناقتاندىرىپ، جاساندى زەردەنىڭ حاۋىپسىز دامۋىن جەبەۋدى قالايدى.
 

　　ءبىز وركەنيەتتەردىڭ ءوزارا ۇلگى الىپ، اناعۇرلىم تەڭ، سيىسىمدى ينتەرنەت كەڭىستىگىن قۇرۋدى دارىپتەيمىز. ينتەرنەتتە اۋىس - كۇيىس جاساۋدى، تىلدەسۋدى كۇشەيتىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن جەبەپ، تۇرلىشە وركەنيەتتەردىڭ سيىسىمدى، بىرگە ءومىر ءسۇرۋىن ىلگەرىلەتىپ، بۇكىل ادامزاتتىڭ ورتاق قۇندىلىعىن اناعۇرلىم ويداعىداي اسقاقتاتۋىمىز كەرەك. ينتەرنەت وركەنيەتى قۇرىلىسىن كۇشەيتىپ، ساپالى ينتەرنەت مادەنيەتى ونىمدەرىن ءوندىرۋدى، تاراتۋدى جەبەپ، ادامزاتتىڭ تاڭداۋلى وركەنيەت جەتىستىكتەرىن تولىق ايگىلەپ، وركەنيەتتەردىڭ جالعاسۋىن، دامۋىن بەلسەنە ىلگەرىلەتىپ، ينتەرنەتتەگى رۋحاني مەكەندى بىرگە قۇرۋىمىز كەرەك.
 

　　شي جينپيڭ سوڭىندا بىلاي دەپ باسا دارىپتەدى: ينفورماتسيا توڭكەرىسىنىڭ ءداۋىر تولقىنى جوڭكىلە العا ىلگەرىلەۋدە، ينتەرنەت كەڭىستىگى ادامزاتتىڭ تاماشا بولاشاق جونىندەگى شەكسىز ارمانىن ارقالاۋدا. ءبىز قول ۇستاسىپ، ينتەرنەت كەڭىستىگى تاعدىرلاس ورتاق تۇلعاسىن قۇرىپ، ينتەرنەتتىڭ دۇنيە جۇزىندەگى ءار ەل حالقىن اناعۇرلىم ويداعىداي باقىتقا كەنەلتۋىنە مۇمكىندىك جاساپ، ادامزاتتىڭ اناعۇرلىم تاماشا بولاشاعىن بىرگە جاراتايىق!
 

　　”سيىسىمدى، جالپىعا ءتيىمدى، سەرپىمدى سيفرلى دۇنيە ءجۇزىن قۇرۋ − ينتەرنەت كەڭىستىگى تاعدىرلاس ورتاق تۇلعاسىن قول ۇستاسا قۇرۋدى“ نەگىزگى تاقىرىپ ەتكەن 2023 - جىلعى دۇنيە جۇزىلىك ينتەرنەت جينالىسىنىڭ ۋجىن باسشىلار ءماجىلىسى 11 - ايدىڭ 8 - كۇنىنەن 10 - كۇنىنە دەيىن جىجياڭنىڭ ۋجىنىندا وتكىزىلەدى.

 

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.