ايماقتىق اۋىل -قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ شۋجيى يۇي سانيوۋمەن ارناۋلى سۇحبات
ءتىلشىمىز داي جياۋمەي حابارلايدى. 10-ايدىڭ 15 -كۇنى ايماقتىق پارتكومنىڭ كەڭەيتىلگەن ءماجىلىسى اشىلعاننان كەيىن، تارباعاتاي ايماقتىق اۋىل - قىستاقتى گۇلدەندىرۋ مەكەمەسى بارلىق كادرلار مەن جۇمىسشى - قىزمەتكەرلەردى ۇيىمداستىرىپ، ءماجىلىستىڭ رۋحىن ىشكەرىلەي ۇيرەندى، ءتۇسىندى، دايەكتىلەندىردى. كوپشىلىك ءوز قىزمەتتەرىن تياناق ەتە وتىرىپ، قايراتتانا ىسكەرلىك كورسەتىپ، تارباعاتاي ايماعىنىڭ ەكونوميكاسىنىڭ جوعارى ساپالى دامۋىن ىلگەرىلەتۋگە تيەسىلى ۇلەس قوساتىندىقتارىن ءبىلدىردى.
4-ماۋسىمدا تارباعاتاي ايماقتىق اۋىل -قىستاقتى گۇلدەندىرۋ مەكەمەسى ءتۇرلى قىزمەتتى تياناقتاندىرۋدى قالاي مىقتى يگەرىپ، تارباعاتاي ايماعى ەكونوميكاسىنىڭ جوعارى ساپالى دامۋىن ىلگەرىلەتەتىندىگى جونىندە ايماقتىق اۋىل-قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ شۋجيى يۇي سانيوۋمەن ارناۋلى تىلشىلىك سۇحباتتا بولدىق.
ءتىلشى: بيىل جىل باسىنان بەرى، تارباعاتاي ايماعى اۋىل-قىستاقتى گۇلدەندىرۋ قىزمەتىن ىلگەرىلەتۋ بارىسىندا قانداي كورنەكتى ناتيجەلەرگە قول جەتكىزدى؟
يۇي سانيوۋ: بيىل جىل باسىنان بەرى، ايماعىمىز ساياساتتى، جاۋاپكەرشىلىكتى جانە قىزمەتتى تياناقتاندىرۋدى مىقتاپ يگەرىپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، اۋىل - قىستاقتى گۇلدەندىرۋدى ۇزدىكسىز ىلگەرىلەتىپ، ءتۇرلى ءتۇيىندى قىزمەتتەردى ءساتتى ىلگەرىلەتىپ، كەزەڭدىك ونىمدىلىككە قول جەتكىزدى. نەگىزىنەن تومەندەگىدەي ءتورت جاقتاعى جارقىن تۇيىندەر جارىققا شىقتى:
ءبىرىنشى، استىق حاۋىپسىزدىگى جاۋاپكەرشىلىك ءتۇزىمى جاپپاي تياناقتاندى. تۇتاس ايماق بويىنشا استىقتىڭ ەگىلۋ كولەمى 4 ميلليون 578 مىڭ 400 مۋعا جەتىپ، بىلتىرعىدان 389 مىڭ 900 مۋ ارتىپ، اۆتونوميالى رايون تۇسىرگەن مىندەت ارتىعىمەن ورىندالدى. ايماق بويىنشا 55 رەت استىق ءوندىرىسىن تەحنيكالىق جاقتان باسقارۋدى جۇمىس باسىندا كوزدەن كەشىرۋ ءماجىلىسى، 12 رەت بەينە ەكراندا ورنالاستىرۋ، ىلگەرىلەتۋ ءماجىلىسى اشىلدى ءارى ىلگەرىندى-كەيىندى 4 رەت اۆتونوميالى رايوننىڭ سولتۇستىك شينجياڭ وڭىرىندەگى ماقتا اتىزىنداعى قالدىق سۋلياۋ جارعاقتاردى جيناپ الۋ ماشيناسىنىڭ جۇمىس باسىندا ۇلگى كورسەتۋ، اۋىس -كۇيىس جاساۋ ءماجىلىسى، اۆتونوميالى رايون سولتۇستىك شينجياڭ اۋماعىنىڭ ماقتا جاپىراعىن ءتۇسىرۋ ءدارىسىن بۇركۋ جۇمىس باسى ءماجىلىسى سياقتىلار وتكىزىلدى.
ءدوربىلجىن اۋدانى ءبيداي تۇقىمىن جەتىلدىرۋشىلەر بازاسىنىڭ جوعارى ءونىم الۋدان ۇلگى كورسەتۋ رايونىنداعى دۇمبە ءبيدايدىڭ مۋ باسىندىق ءونىمى اۆتونوميالى رايوندىق ماماندار گرۋپپاسىنىڭ دالەلدەۋىنەن ءوتىپ، سوڭىندا 810.02 كيلوگرامعا جەتىپ، تارباعاتاي تاريحىنداعى ەڭ جوعارى ورەنى جاراتتى؛ شاۋەشەك قالاسىنىڭ 100 مىڭ مۋلىق جۇگەرىدەن جوعارى ءونىم الۋدان ۇلگى كورسەتۋ رايونىنىڭ جوعارى ءتۇسىمدى اتىز قۇرىلىسى اۋىل شارۋاشىلىعى، اۋىل -قىستاق مينيسترلىگىنىڭ ماماندار گرۋپپاسىنىڭ دالەلدەۋىنەن ءوتىپ، مۋ باسىندىقءونىمى 1117.4 كيلوگرامعا جەتىپ، مەملەكەت بويىنشا بىرلىك ءونىمدى كولەمدى جوعارىلاتۋدىڭ ەڭ جوعارى رەكوردىن جاراتتى.
ەكىنشى، كەدەيلىكتەن ارىلتۋدان قامال الۋدىڭ جەتىستىكتەرى ۇزدىكسىز بەكەمدەلدى. تۇتاس ايماق بويىنشا قاداعالاۋ، كومەكتەسۋ-سۇيەمەلدەۋ تۇزىمدەرى اناعۇرلىم كەمەلدەندىرىلىپ، 2023-جىلعى قايتا كەدەيلەسۋدەن ساقتانۋدى قاداعالاۋ كولەمى 7000 يۋاننان 9000 يۋانعا رەتتەلىپ، بۇكىل ايماقتاعى 180 مىڭ وتباسىنداعى 550 مىڭ اۋىل ـ قىستاق جان سانى جاپپاي اداقتاپ تەكسەرىلىپ، ”ەكىدەن تارىقتىرماۋ، ءۇشتى قامتاماسىز ەتۋ“ماسەلەسى ءجىتى قاداعالانىپ، اي سايىن تەكسەرىپ، تالداۋ جاساپ، تۇجىرىمداپ، قاداعالاۋ وبيەكتىلەرىنە كومەكتەسۋ ـ سۇيەمەلدەۋ شارالارى دالمە ـءدال تياناقتاندىرىلدى. اۋىل ـ قىستاقتى گۇلدەندىرۋدى ۇشتاستىرۋ نىسانىنان 291 ى اتقارىلىپ، 758 ميلليون يۋان قارجى تياناقتانىپ، كەدەيلىكتەن ارىلعان ەڭبەككۇشتەردەن 17 مىڭ ادامنىڭ جۇمىستانۋىنا كومەكتەسۋ-سۇيەمەلدەۋ جۇرگىزىلدى، جان باسىندىق تازا كىرىستەرى 20 مىڭ يۋاننان اساتىندىعىنان ءۇمىت زور.
ءۇشىنشى، جاراسىمدى، كورىكتى اۋىل - قىستاق قۇرىلىسى ۇزدىكسىز ىلگەرىلەدى. قىستاقتاردى تازارتۋ ارەكەتى ۇدايىلاندىرىلىپ ورىستەتىلىپ، 278 ميلليون يۋان ۇشتاستىرۋ قارجىسى قوسىلىپ، اۆتونوميالى رايوندىق اۋىل ـ قىستاقتى گۇلدەندىرۋدەن ۇلگى كورسەتەتىن 22 قىستاق، ۇلگى كورسەتەتىن ءبىر اۋىل ـ قالاشىق، ۇلگى كورسەتەتىن ءبىر اۋدان -قالا ۇيىمداستىرىلىپ قۇرىلىپ، 12 ميلليون يۋان قارجى قوسىلىپ دايراق پەن لاس سۋدى ءبىر تۇلعالاندىرىپ ءبىر جاقتى ەتۋدەن ۇلگى كورسەتەتىن 3 قىستاق قۇرىلىسى نىسانى اتقارىلىپ، 253 تازا دارەتحانا جاڭادان سالىندى، اۋىل -قىستاقتاردا تۇرمىستىق قوقسىقتاردى كومەتىن 8 الاڭ قۇرىلىپ، قوقسىقتى جوتكەپ تاسيتىن 17 پۋنكت سالىندى، اۋىل -قىستاق تۇرمىستىق قوقسىعىن تاسىمالداۋعا 443 اۆتوكولىك ورنالاستىرىلىپ، اۋىل -قىستاق تۇرمىستىق قوقسىقتارىنىڭ ءبىر جايلى ەتىلۋ مولشەرى %88 كە جەتتى. تارباعاتاي ايماعىنداعى 2 اۋىل ـ قالاشىق، 2 قىستاق جەكە - جەكە اۆتونوميالى رايوننىڭ ”شاعىن قالا ـ قالاشىقتاردىڭ قورشاعان ورتانى جونگە سالۋدىڭ ۇلگىسى“ جانە ”اۆتونوميالى رايوننىڭ كورىكتى، قونىسقا جايلى قىستاقتاردىڭ ۇلگىسى“اتاعىنا يە بولىپ، تۇتاس ايماقتاعى اۋىل ـ قىستاقتاردىڭ بەت ـ بەينەسى ۇزدىكسىز كورىكتەنە ءتۇستى.
ءتورتىنشى، اۋىل - قىستاق 1 -، 2 -، 3 -كاسىپتەردىڭ توعىسا دامۋىندا تىڭ تابىستارعا قول جەتتى. ايماق دارەجەلى وسى زامانعى اۋىل شارۋاشىلىعى كاسىپ سالاسى باقشاسىنان جەتەۋى قۇرىلدى؛ 3 كاسىپورىن مەملەكەت دارەجەلى باستاماشى كاسىپورىنعا كورسەتىلىپ، اۆتونوميالى رايون دارەجەلى 22 باستاماشى كاسىپورىن تىڭنان ارتتى، 79 ورگانيكالىق اۋىل شارۋاشىلىعىءونىمى، 34 جاسىل ءونىم كۋالاندىرىلىپ، 2 جاعراپيالىق بەلگى ورىندالدى. ءدوربىلجىن اۋدانى جاربۇلاق ەگىس الاڭى جيۋحۋا قىستاعى 2023 -جىلعى جۇڭگوداعى كورىكتى سەيىل ـ سەرۋەن اۋىل ـ قىستاعى بولىپ ءساتتى بەكىتىلدى؛ ساۋان قالاسىنداعى 4 قىستاق ـ قالاشىق 2023 ـ جىلعى اۆتونوميالى رايوننىڭ اۋىل ـ قىستاق ەرەكشە كاسىپ سالاسىنان ۇلگى كورسەتەتىن قىستاق ـ قالاشىقتاردى تۇراقتاندىرۋ تىزىمدىگىنە ءساتتى كىردى.
ءتىلشى: ايماقتىق پارتكومنىڭ كەڭەيتىلگەن ءماجىلىسىنىڭ ورنالاستىرۋىنا ساي، 4-ماۋسىمدا تاعى قانداي قىزمەتتەر ورىستەتپەكشىسىزدەر؟ ءتۇرلى قىزمەتتىڭ جوعارى ونىمدىلىكپەن ىلگەرىلەۋىنە، ناقتى ونىمدىلىككە قول جەتكىزۋىنە قالاي شىنايى كەپىلدىك ەتپەكشىسىزدەر؟
يۇي سانيوۋ: ايماقتىق پارتكومنىڭ كەڭەيتىلگەن ءماجىلىسىنىڭ ورنالاستىرۋىنا ساي، 4 - ماۋسىمدا تومەندەگى بىرنەشە جاقتاعى قىزمەتتەردى ءتۇيىندى تۇردە ويداعىداي يگەرمەكشىمىز:
ءبىرىنشى، كۇزگى جيىن ـ تەرىن، كۇزگى جەر جىرتۋ، كۇزگى تۇقىم ءسىڭىرۋ سياقتى كۇزگى ەگىس جۇمىستارىن تىڭعىلىقتى ىستەپ، كۇزگى جيىن ـ تەرىن، جوعارى ولشەمدى ەگىنجاي قۇرىلىسى جۇمىسىن جۇرگىزۋ جانە تەكسەرىپ وتكىزىپ الۋ، مال ىندەتىنەن ساقتانۋ جانە اپاتقا قارسى اتتانىپ، مالدى قورعاۋ دايىندىعى سياقتى جۇمىستاردى ءتۇيىندى تۇردە قۋزاپ، ويداعىداي تياناقتاندىرىپ، بيىلعى ەگىن، مال شارۋاشىلىعىنىڭ ءتۇرلى ءتۇيىندى مىندەتتەرىن تولىق ورىنداۋعا شىنايى كەپىلدىك ەتەمىز.
ەكىنشى، قايتا كەدەيلەسۋدەن ساقتانۋدى يكەمدى قاداعالاۋ قىزمەتىن ويداعىداي قۋزاپ تياناقتاندىرامىز. 11 ـ ايدىڭ باسىندا تۇتاس ايماعىمىزداعى كەدەيلىكتەن ارىلعان وتباسىلارىن ءتۇيىن ەتكەن اۋىل -قىستاق جان سانىنا جاپپاي اداقتاپ تەكسەرۋ جۇرگىزۋدى ۇيىمداستىرىپ، ساندى مالىمەتتەردى يكەمدى جاڭالاپ، ”ەكىدەن تارىقتىرماۋ، ءۇشتى قامتاماسىز ەتۋ“ جاعىندا ماسەلە ساقتالعان قاۋىمدى دەر كەزىندە ”قاداعالاۋ وبيەكتىسىنە “ ەنگىزىپ باسقارىپ، ەنگىزۋگە تيىستىلەرىن مۇمكىندىگىنشە ەنگىزۋگە، سۇيەمەلدەۋگە تيىستىلەرىن مۇمكىندىگىنشە سۇيەمەلدەۋگە شىنايى كەپىلدىك ەتىپ، قايتا كەدەيلەسۋدەن ساقتانۋدىڭ تومەنگى شەگىن مىقتاپ بەكەمدەيمىز.
ءۇشىنشى، اۆتونوميالى رايوندىق اۋىل ـ قىستاقتى گۇلدەندىرۋدەن ۇلگى كورسەتەتىن 22 قىستاق پەن دايراق پەن لاس سۋدى ءبىر تۇلعالاندىرىپ ءبىر جاقتى ەتۋدەن ۇلگى كورسەتەتىن 3 قىستاقتى جەدەل قۇرىپ، ولشەمگە جەتكىزىپ، تەكسەرىپ وتكىزىپ الۋدى ويداعىداي تياناقتاندىرۋعا قۋزايمىز.
ءتورتىنشى، اۆتونوميالى رايوننىڭ اۋىل شارۋاشىلىعى تاراۋلارىنىڭ قولداۋىن بەلسەنە قولعا كەلتىرىپ، اۋىل شارۋاشىلىعىنا قاتىستى ساياساتتاردى جالپى بەتتىك سارالاپ، مەملەكەتتىڭ جانە اۆتونوميالى رايوننىڭ نىسان قارجىسى قولداۋىن، جۇيەدەن ەل ىشىندەگى ءىرى كاسىپورىن، توپتاردىڭ قارجى قوسۋ قولداۋىن بارىنشا قولعا كەلتىرۋگە كۇش سالىپ، ەگىن، مال شارۋاشىلىعىمىزدىڭ مول بايلىق باسىمدىعىن ءونىم قۇنى پايداسىنا، ەگىنشى ـ مالشىلار كىرىسىن ارتتىراتىن قوزعاۋشى كۇشكە اينالدىرۋعا كۇش سالامىز.
وسى مىندەتتەردىڭ ناقتى، تىڭعىلىقتى، ەگجەي - تەگجەيلى تياناقتانۋىنا شىنايى كەپىلدىك ەتۋ ءۇشىن، ايماقتىق اۋىل شارۋاشىلىعى، اۋىل - قىستاق مەكەمەسى، اۋىل - قىستاقتى گۇلدەندىرۋ مەكەمەسى 30 دان استام سايلاۋىت كادرلاردان كۇزگى جيىن -تەرىن، كۇزگى جەر جىرتۋ، كۇزگى تۇقىم ءسىڭىرۋ جۇمىسىنا جەتەكشىلىك ەتەتىن 7 گرۋپپا ۇيىمداستىرىپ، 7 اۋدان ـ قالاعا بارىپ، اۆتونوميالى رايوننىڭ كۇزگى جيىن -تەرىن، كۇزگى جەر جىرتۋ، كۇزگى تۇقىم ءسىڭىرۋ قىزمەتىنە جەتەكشىلىك ەتۋ گرۋپپاسىمەن بىرلەسىپ، اۋدان، قالالاردىڭ كەزەكتەگى ءتۇيىندى قىزمەتتەردى تياناقتاندىرۋىنا كومەكتەسىپ، جەتەكشىلىك ەتىپ، ماسەلەلەردى ءتۇيىندى تۇردە بايقاپ، ماسەلەلەردى كومەكتەسىپ شەشىپ، جەتەكشىلىك ەتىپ، بيىلعى مىندەت - نىسانالاردىڭ ءساتتى ورىندالۋىنا شىنايى كەپىلدىك ەتىپ، كەلەر جىلعى اۋىل ـ قىستاقتى گۇلدەندىرۋ قىزمەتىنىڭ جاقسى باستاما اشۋىنا ويداعىداي دايىندىق جاسايمىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى