ءدوربىلجىن اۋدانىنىڭ قارتتاردى ۇيدە كۇتىمدەۋ قۇرىلىسى نىسانى حالىق تۇرمىسىنا تيىمدىلىك اكەلدى

جولدانعان ۋاقىتى : 2023/10/30 17:35:34

□  قارتتاردى كۇتىمدەۋدەن قىزمەت وتەۋ ورتالىعى قۇرىلىس نىسانىنىڭ جۇمىس مايدانى.
سۋرەتتى ەرىكتى ءتىلشى حى شيۋجۋان تۇسىرگەن

 

ءدوربىلجىن اۋدانىنىڭ قارتتاردى ۇيدە كۇتىمدەۋ قۇرىلىسى نىسانى حالىق تۇرمىسىنا تيىمدىلىك اكەلدى

 مەجەمەن 11 -ايدىڭ 25 -كۇنى قۇرىلىسى اياقتالىپ، تەكسەرىپ وتكىزىپ الادى
 

 
ەرىكتى ءتىلشى حى شيۋجۋان، ۋاڭ چيۋ حابارلايدى. جۋىقتا ءدوربىلجىن اۋدانى دۇڭچىڭ الەۋمەتتىك اۋماعىنىڭ قارتتاردى كۇتىمدەۋدەن قىزمەت وتەۋ ورتالىعىنىڭ قۇرىلىس ناق مايدانىندا اسحانا، قيمىل ءۇيى، دويبى، قارتا ءۇيى، ءىس كەڭسەسى سياقتى رايونداردىڭ تۇلعالىق قۇرىلىستارى سالىنىپ بولىپ، مەجەمەن 11 - ايدىڭ 25 - كۇنى قۇرىلىسى اياقتالىپ، تەكسەرىپ وتكىزىپ الادى ەكەن.
 
ۇعىسۋعا قاراعاندا، نىسان سالىنىپ بولعاننان كەيىن، تۇتاس اۋدانداعى قارتتاردى كوپ نەگىزدى كۇتىمدەۋدەن قىزمەت وتەۋ سۇرانىسىن ۇزدىكسىز قاناعاتتاندىرىپ، ۇكىمەتتىڭ الەۋمەتتىك قىزمەت وتەۋدەن جاڭالىق اشۋىن جانە ونى دامىتۋىن ىلگەرىلەتىپ، حالىق تۇرمىسىنىڭ ىرىس - قۇتىن ارتتىرادى ەكەن.
 
ءدوربىلجىن اۋداندىق الەۋمەتتىڭ اۋماقتاعى قارتتاردى ۇيدە كۇتىمدەۋدەن قىزمەت وتەۋ ورتالىعى نىسانىنىڭ تەحنيكالىق جاۋاپتىسى ۋىن يۇڭلي: ” قازىر قۇرىلىستىڭ جالپى مولشەرىنىڭ ％85 ى ورىندالىپ بولدى، ءبىز ۋاقىتتى قولدان بەرمەي قۇرىلىس قابىرعالارىن قورعاۋ قاباتىن، قاتتى قاباتىن ورناتۋ، عيمارات توبەسىنە قاڭىلتاق كەرپىش جاتقىزۋ، ەدەننەن جىلىتۋ قۇرىلعىسىن ورناتۋ، اشەكەيلەۋ سياقتى جۇمىستاردى تەڭ قادامدا جۇرگىزىپ، قۇرىلىس مىندەتىن سانى مەن ساپاسىنا كەپىلدىك ەتە وتىرىپ  ورىندايمىز“ دەدى.
 
ۇعىسۋعا قاراعاندا، ءدوربىلجىن اۋدانى بيىل سالعان ءدوربىلجىن قالاشىعى شاۋەشەك جولى الەۋمەتتىك اۋماعىنداعى، دۇڭچىڭ الەۋمەتتىك  اۋماعىنداعى، مادەنيەت جولى الەۋمەتتىك اۋماعىنداعى جوعارى ولشەمدى 3 الەۋمەتتىك اۋماقتاعى قارتتاردى ۇيدە كۇتىمدەۋدەن قىزمەت وتەۋ تورابى قۇرىلىسى نىسانى ءدوربىلجىن اۋدانى اتقارعان حالىق تۇرمىسىنا قاتىستى ون ناقتى  ءىستىڭ ءبىرى سانالادى ەكەن. نىسانعا جالپى 10 ميلليون 800 مىڭ يۋان قارجى قوسىلعان، ورتالىقتىڭ مەجە ەسەبىنەن بوساتىلعان قارجى 8 ميلليون 640 مىڭ يۋان، جەرگىلىكتى ورىننىڭ سايكەستى قارجىسى 2 ميلليون 160 مىڭ يۋان، جالپى قۇرىلىس كولەمى 2700 شارشى مەتر، نىساندا 90 توسەك ورىن جوسپارلانعان، دەمالىس رايونى، كوڭىل اشۋ قيمىلدارى رايونى، ۇيرەنۋ، اۋەسكەرلىك رايونى، اسحانا رايونى، دەنساۋلىق ساقتاۋدان قىزمەت وتەۋ رايونى سياقتى كوپ يقۋاتتى رايوندار سالىنىپ، قارتتاردى ۇيدە كۇتىمدەۋدەن قىزمەت وتەۋدىڭ ءتىپتى دە كوپ قارتتار مەن وتباسىلارىنا تيىمدىلىك اكەلۋىنە مۇمكىندىك جاراتادى ەكەن.
 
ءدوربىلجىن اۋداندىق حالىق ىستەرى مەكەمەسى نىسان باسقارۋ كەڭسەسىنىڭ مەڭگەرۋشىسى گو بين: ” نىسان سالىنىپ بولعاننان كەيىن، اۋدان، اۋىل، قىستاق (الەۋمەتتىك اۋماق) سىندى ءۇش دارەجەلى قارتتاردى كۇتىمدەۋدەن قىزمەت وتەۋ تورابىن اناعۇرلىم اقاۋسىزداندىرىپ جانە كەمەلدەندىرىپ، قىزمەت وتەۋ قابىلەتىن جوعارىلاتىپ، ءدوربىلجىن اۋدانىنىڭ جوعارى ساپالى دامۋى مەن حالىقتىڭ باقىتتى تۇرمىس كەشىرۋىنە كۇش قوسادى“ دەدى.



رەداكتورى : اراي ەركىن قىزى

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى