ءتىلشىمىز ۋاڭ گاۋشىڭ حابارلايدى. ” قازىر جەمىس قويمالجىڭىن جاساپ ءبىر جاعىنان، اقشا تابۋعا، ءبىر جاعىنان، ءوزىمىزدىڭ جەۋىمىزگە، تۋىس - تۋعان، دوس-جاراندارىمىزعا ساۋعا رەتىندە ۇسىنۋىمىزعا دا بولادى “دەدى جۋىقتا شاعانتوعاي اۋدانى التىن ەمىل اۋىلى قىزىلبۇلاق قىستاعىنىڭ تۇرعىنى قاليا.
2022 -جىلدان قازىرگە دەيىن قىزىلبۇلاق قىستاعى جالپى 17 ميلليون 260 مىڭ يۋان اۋىل – قىستاقتى گۇلدەندىرۋ قارجىسىنان پايدالانىپ، توعان رەمونتتاپ، جول جاتقىزىپ، جاڭادان تازالىق دارەتحاناسىن سالىپ، ءوندىرىس، تۇرمىس نەگىزىن بەكەمدەپ، تىنىش ءومىر، شات - شادىمان تۇرمىس كەشىردى. 2022 - جىلعى جان باسىندىق تازا كىرىس 29 مىڭ 400 يۋان بولىپ، قىستاقتىڭ كوللەكتيۆ كىرىسى ءنولدى جارىپ، 162 مىڭ يۋانعا جەتتى.
قازىر تۇتاس قىستاقتاعى 146 تۇراقتى وتباسىنىڭ بارلىعى جەمىس قويمالجىڭىن جاساپ، ءار وتباسىنىڭ كىرىسى جىلىنا 2000 يۋاننان ارتتى.
40 جاستاعى قىستاق تۇرعىنى گۇلنۇر قايروللا سالت باستى انا، ەكى بالاسى مەكتەپتە وقيدى. ونىڭ 40 مۋ جەرگە ەككەن ءبيدايى، 13 سيىرى بار.
بيىل گۇلنۇر نەگىزىنەن قارا ورىك قويمالجىڭىن جاساۋمەن شۇعىلداندى. ويتكەنى بىرنەشە جىلدىڭ الدىندا اۋداندىق ۇكىمەت قارا ورىك كاسىبىن دامىتۋ ءۇشىن قىستاق تۇرعىندارىنا 1200 ءتۇپ قارا ورىك قالامشاسىن تەگىن تاراتتى. قازىر 900 ءتۇبى جەمىس بەرىپ، قارا ورىك قويمالجىڭىن جاساۋ شيكىزاتى جەتكىلىكتى بولعان.
گۇلنۇر ءار جىلى ءار قۇماراسى 300 گرام كەلەتىن قارا ورىك قويمالجىڭىنان 100 قۇمارادان استامىن جاساپ، ءار قۇماراسىن 25 يۋاننان ساتىپ، 3000 مىڭ يۋان اينالاسىندا تازا كىرىس كىرگىزدى.
گۇلنۇر:” قازىر ساياسات جاقسى، كۇن كورىسىمىز جامان ەمەس، بەكەر وتىرعانشا قارا ورىك قويمالجىڭىن جاساپ ساتۋدان تاپقان كىرىسىم ەكى بالامنىڭ كۇندەلىكتى قاجەتىنە كەڭىنەن جەتەدى“ دەدى.
قىستاق تۇرعىنى قۋانىش قىدىرقاننىڭ اۋلاسى” اۆتونوميالى رايون دارەجەلى كورىكتى اۋلا “بولىپ باعالانعان. ءبىر مۋلىق كوكونىس باقشاسىنا ءتۇرلى كوكونىس، جەمىس – جيدەك ەگەدى.
قۋانىش قاۋىننان قاۋىن قويمالجىڭىن جاساپ، ءبىر قۇماراسى 300 گرامدىق قاۋىن قويمالجىڭىن 30 يۋاننان ساتادى. قىس، كۇز ماۋسىمدارىندا 100 نەشە قۇمارا ساتىپ، 3000 يۋان اينالاسىندا تازا كىرىس كىرگىزەدى.
قىستاق تۇرعىنى قاليا بيىل 70 جاستا. قاريا قۇرت ۋاريناسىن جاسايدى. نەگىزگى ماتەريالى قۇرت، وعان اق شەكەر، مەيىز جانە ورىك قوسادى، حورەكتىك قۇرامى مول، ءوتىمى دە جاقسى.
قىستاق پارتيا ياچەيكاسىنىڭ شۋجيى پاراسات ازاتقان: ” قازىر قىستاق تۇرعىندارىنىڭ يدەياسىندا، كوزقاراسىندا وزگەرىس بولىپ، پارتيانىڭ سوزىنە قۇلاق اسىپ، پارتياعا ىلەسىپ، وزدەرىنىڭ ەڭبەكشىل قوس قولدارىنا سۇيەنگەندە عانا ءتىپتى دە جاقسى تۇرمىس كەشىرەتىندىكتەرىن تەرەڭ ءتۇسىندى “ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى