تىلشىلەرىمىز ليۋ ۋي، اسحات قايرات حابارلايدى. قۋانىشتى حابار! 10 - ايدىڭ 29 - كۇنى G335 لەنياسىنىڭ شاۋەشەك جول ايرىعىنان تولى - باقتى وتكەلىنە دەيىنگى بولىگى نەگىزگى تۇلعالىق پويەز قاتىناۋدى سىناق رەتىندە جاپپاي جۇزەگە اسىرماقشى.
-10ايدىڭ 23 -كۇنى G335 لەنياسى نىسانىن جالپى كوتەرمەگە الۋ نىسانى قۇرىلىس ءبولىمىنىڭ باستىعى لي يىڭجيە: ” شينجياڭ جول كوپىر قۇرىلىس توبى G335 لەنياسىنىڭ شاۋەشەك جول ايرىعىنان تولى - باقتى وتكەلىنە دەيىنگى بولىگى قۇرىلىس جۇرگىزۋشى ورىن رەتىندە، جوباداعى جانە ولشەمدەگى تالاپقا قاتاڭ نەگىزدەلىپ، وسى نىساننىڭ قۇرىلىس جۇرگىزۋ مىندەتىن ساپاعا، سانعا كەپىلدىك ەتە وتىرىپ ورىندادى“ دەدى.
G335 لەنياسىنىڭ شاۋەشەك جول ايرىعىنان تولى - باقتى وتكەلىنە دەيىنگى (شاۋەشەك جول ايرىعىنان ءدوربىلجىن بولىگىنە دەيىنگى) تاس جول قۇرىلىسى نىسانىن شينجياڭ قاتىناسقا قارجى قوسۋ توبى شىڭتا يۇنتا قاتىناس نىسانىن باسقارۋ شەكتى سەرىكتەستىگى قارجى قوسىپ قۇرعان جانە قۇرىلىس جۇمىسىن باسقارۋعا جاۋاپتى. سەرىكتەستىكتىڭ بىرىككەن پارتيا ياچەيكاسىنىڭ مۇشەسى جاڭ شۋەسۇڭ: ” بۇل نىسان قازاقستانعا تۇتاساتىن ماڭىزدى شەكارا وتكەلى ارناسى، ەلىمىزدىڭ باتىسقا ەسىك اشۋى جانە جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋ جونىنەن ماڭىزدى مانگە يە“ دەدى.
ۇعىسۋعا قاراعاندا، بۇل نىسان شاۋەشەك جول ايرىعىنان باستالىپ، سوڭى G3015 قارامايلى - شاۋەشەك جوعارى قارقىندى تاس جولىنىڭ وڭتۇستىك بولىگىمەن تۇتاسىپ، نىساننىڭ جالپى ۇزىندىعى 205.93 كيلومەتر، جالپى 5 ميلليارد 70 ميلليون يۋان قارجى قوسىلعان. تۇتاس جەلىدە 23 ۇلكەن، ورتاشا كوپىر، 21 كىشكەنە كوپىر، 362 سۋ اعار، ۇزىندىعى 5258 مەترلىك 9 تۋنەل بار، قىزمەت وتەۋ رايونىنان ەكەۋى، كۇتىمدەۋ جۇمىس رايونىنان ۇشەۋى بار ەكەن.
نىساننىڭ سالىنۋى قۇلىستاي ويپاتىنا كىرىپ - شىعاتىن 2 -نەگىزگى ارنانى اشىپ، مايتاس قارلى بوران جول بولىگى بىتەلگەننەن كەيىن، قۇلىستاي ويپاتىنا كىرىپ - شىعاتىن تاعى ءبىر ماڭىزدى ارناعا اينالدى؛ تولى اۋدانىنىڭ جوعارى قارقىندى تاس جولىمەن تۇتاسۋ نىساناسىنىڭ ” ەڭ سوڭعى ءبىر شاقىرىمىن“ تۇتاستىرۋى ” ءبىر بەلدەۋ، ءبىر جولداعى“ نەگىزدىك قۇرىلعىلاردى ۇلاستىرۋدى، تۇتاستىرۋدى جەدەل ىلگەرىلەتۋگە پايدالى، جول بويىنداعى ساياحات بايلىعىن اشۋ، اۋىل - قىستاقتى گۇلدەندىرۋدى ىلگەرىلەتۋ، سىرتقى ساۋدانى كۇشەيتۋ سياقتىلار جونىنەن توتەنشە ماڭىزدى مانگە يە.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى