ەرىكتى تىلشىلەر انار، شىنار ەلەس حابارلايدى. قازىر ءدال جەر جاڭعاعىن جينايتىن مەزگىل. ساۋان قالاسىنداعى 7900 مۋ جەردەگى جەر جاڭعاعى مول ءونىم بەرىپ، جەر جاڭعاعىن ەككەن وتباسىلار اۋا رايى اشىق كەزدەن پايدالانىپ ءونىم جيناۋدىڭ قاربالاستىعىنا ءتۇستى.
جۋىقتا ساۋان قالاسى سىداۋحىزى قالاشىعىنداعى مىڭ مۋلىق جەر جاڭعاعىن ەگۋدەن ۇلگى كورسەتەتىن اتىزدان مول ءونىم الىندى. چۇيبيان جاڭا قىستاعى پارتيا ياچەيكاسى باس بولىپ قۇرعان ساۋان قالاسىنداعى رۇنمين ەگىمشىلىك شارۋالار كاسىپتىك سەلبەستىك كووپەراتيۆىنىڭ جەر جاڭعاعى اتىزىندا ءاربىر ءتۇپ جەر جاڭعاعى ساباعى جىپىرلاعان جەمىسكە تولىپ، جەر جاڭعاعىن تەرۋ ماشيناسى جەر جاڭعاعىن توپىراقتان سۋىرىپ الىپ، اتىز باسى مول ءونىم شاتتىعىنا شومدى. سەلبەستىك كووپەراتيۆى مۇشەسىنىڭ تانىستىرۋىنشا، بيىلعى بازار اۋقىمىنا نەگىزدەلگەندە، جەر جاڭعاعىنىڭ ءار كيلوگرامىنىڭ باعاسى 6.5 - 7 يۋان ارالىعىندا بولىپ، مۋ باسىندىق كىرىسى 3000 يۋان اينالاسىندا بولادى ەكەن.
سەلبەستىك كووپەراتيۆىنىڭ مۇشەسى يۋە چۇڭ - ي:” بيىل 600 مۋ جەرگە ’ لۋحۋا 11 -ءنومىرلى‘ جەر جاڭعاعىن ەكتىم، ساتىپ الۋشى جاقپەن كەلىسۋ ارقىلى ءار كيلوگرامىنىڭ باعاسى 6.5 يۋان اينالاسىندا بولدى، كەلەر جىلى جەر جاڭعاعىن جالعاستى سالماقشىمىن“ دەدى.
سىداۋحىزى قالاشىعى پارتكومىنىڭ ورىنباسار شۋجيى، قالاشىقتىڭ ورىنباسار باستىعى ما كۇن:” بيىل تۇتاس قالاشىقتا 1100 مۋدان استام جەرگە جەر جاڭعاعىن ەكتىك، ساتىپ الۋشى ساۋداگەرلەر وزدەرى كەلىپ ساتىپ الادى، ساتىلۋىنان الاڭدامايمىز. جەر جاڭعاعىنىڭ ەكونوميكالىق ونىمدىلىگى جاقسى بولىپ، بۇقارانىڭ كەلەر جىلى جەر جاڭعاعىن ەگۋگە بولعان سەنىمى ارتا ءتۇستى“ دەدى.
ساۋان قالاسى ۇلانۇس قالاشىعىنىڭ 600 مۋدان استام جەردەگى جەر جاڭعاعىنان دا مول ءونىم الىندى. جاقىندا سانگۇڭديان قىستاعىنداعى ەگىمشىلىكپەن شۇعىلداناتىن وتباسى ليۋ حۇڭچۋاننىڭ جەر جاڭعاعى اتىزىندا 4 جەر جاڭعاعىن جيناۋ ماشيناسى ارلى -بەرلى قايشالىسىپ، جيناۋ قىزمەتى ءتارتىپتى جۇرگىزىلدى. قازىرگە دەيىن تۇتاس قالاشىقتاعى جەر جاڭعاعى تۇگەلدەي جينالىپ بولدى.
ليۋ حۇڭچۋان:” بيىل 320 مۋ جەردى كوتەرمەگە الىپ جەر جاڭعاعىن ەگىپ، مول ءونىم الدىم، كەپتىرۋدەن بۇرىنعى مۋ باسىندىق ءونىم مولشەرى 800 كيلوگرام اينالاسىندا بولدى“ دەدى.
ساۋان قالالىق حالىق سوتى مەكەمەسىنىڭ ۇلانۇس قالاشىعىنىڭ سانگۇڭديان قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجيى جاۋ شيڭحاي:” قىزمەت اترەتى مەن قىستاق ‘ەكى كوميتەتى’ لياۋنيڭ، انحۇي، ءۇرىمجى سياقتى جەرلەردەگى تولايىم بازارلارىمەن بەلسەنە بايلانىس جاساپ، جەر جاڭعاعىنىڭ ساتىلۋ ارناسىن كەڭەيتتىك. كەلەسى قادامدا ءبىز بيىلعى بازار اۋقىمىنا نەگىزدەلە وتىرىپ ەگىمشىلىك قۇرىلىمىن بەلسەنە رەتكە سالىپ، شارۋالاردىڭ مول ءونىم الىپ، كىرىستەرىن ارتتىرۋلارىنا شىنايى كەپىلدىك ەتەمىز “دەدى.
ۇعىسۋعا قاراعاندا، بيىل ساۋان قالاسى جالپى 7900 مۋ جەرگە جەر جاڭعاعىن ەگىپ، قازىرگە دەيىن 6400 مۋىن جيناپ بولعان.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى