■ 1 -ايدان 9 -ايعا دەيىن، جالپى تەكسەرىلىپ جونەلتىلگەن قاتىناس قۇرالدارى 42 مىڭ رەتكە جەتىپ، سايكەس مەزگىلدەگىدەن %76.4 ارتتى
ءتىلشىمىز قۇرمەت مىرزاقان حابارلايدى. 10 - ايدىڭ 9 - كۇنى شينجياڭ شەكارادان كىرۋ - شىعۋ شەكارا قورعانىسى تەكسەرۋ باس پۋنكتى باقتى شەكارادان كىرۋ - شىعۋ شەكارا قورعانىسى تەكسەرۋ پۋنكتىنەن ۇعىسۋعا قاراعاندا، بيىل الدىڭعى 3 توقساندا باقتى شەكارا وتكەلىندە تەكسەرىلىپ جونەلتىلگەن جالپى قاتىناس قۇرالدارى 42 مىڭ رەتكە جەتىپ، سايكەس مەزگىلدەگىدەن % 76.4 ارتىپ، 2022 -جىلعى تۇتاس جىلدا تەكسەرىلىپ جونەلتىلگەن جالپى مولشەردەن اسىپ، تاريحتاعى ەڭ جوعارى دەڭگەي جاراتقان.
بيىل تارباعاتاي ايماعى شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىن قۇرۋ ماڭىزدى ورايىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىردى. باقتى شەكارا وتكەلى جۇڭگونىڭ ” ءبىر بەلدەۋ،ءبىر جول“ بويىنداعى ەلدەرمەن جاساسقان ساۋداسىنىڭ مول جەتىستىگىنە كۋا بولدى، يمپورت -ەكسپورت تاۋارلارى قازاقستاننان كەلگەن بال، كامپيت، كۇندەلىكتى تۇتىنۋ بۇيىمدارى سياقتىلاردى قامتىدى، ەل ىشىنەن ەكسپورت ەتىلگەن جاڭا اۆتوكولىك، ءىرى تۇرپاتتى جەل ەلەكتر جابدىقتارى، شاعىن ءۇي ەلەكتر جابدىقتارى جانە استىق داقىلدارى سياقتى ونىمدەر يمپورت ـ ەكسپورت ساۋداسىنىڭ تەبىندى ارتۋىن جەبەدى. قازىرگە دەيىن باقتى شەكارا وتكەلىنەن جالپى 460 مىڭ توننا زات يمپورت - ەكسپورت ەتىلىپ، جالپى ساۋدا سوماسى 14 ميلليارد 600 ميلليون يۋانعا جەتتى.
شاۋەشەك قالاسىنداعى شينفي ساۋدا شەكتى جاۋاپكەرشىلىك سەرىكتەستىگىنىڭ كاسىپتىك ديرەكتورى لي دىشياڭ: ” ءۇشىنشى توقساندا 12 مىڭنان استام تاۋار اۆتوكولىك ەكسپورت ەتتىك، ساۋدا سوماسى 500 ميلليون دوللار اينالاسىندا بولىپ، تاريحتاعى ەڭ جوعارى دەڭگەي جاراتتى. كەدەن، شەكارالىق تەكسەرۋ سياقتى قاتىستى تاراۋلار بىرلەسىپ العا قويعان كەدەننەن وتۋگە قولايلىلىق جاراتۋ شارالارىنىڭ ارقاسىندا، كەدەننەن ءوتۋ ونىمدىلىگى بارىنشا جوعارىلاپ، باۋىرلاس كاسىپورىنداردىڭ جاقسى باعاسىنا يە بولدى“ دەدى.
شەكارا وتكەلىنىڭ كەدەننەن جەدەل وتكىزۋىنە دەم بەرۋ ءۇشىن، باقتى شەكارادان كىرىپ - شىعۋ شەكارا قورعانىسى تەكسەرۋ پۋنكتى شەكارا وتكەلدەرىنىڭ ۋاقىتىن ۇزارتۋ، الدىن الا كەلىسۋ شارالارىن ورگانيكالى بىرىكتىرىپ، كەدەننەن وتكىزۋ بارىسىن ۇزدىكسىز ساپالىلاندىرىپ، ساياسات كولەمى ىشىندە شەكارا وتكەلىنىڭ اپتا سوڭىندا، مەرەكە – مەيرامداردا قالىپتى كەدەننەن وتكىزۋگە، الدىن الا كەلىسىپ كەدەننەن وتكىزۋگە بارىنشا قولداۋ كورسەتتى؛ ماڭىزدى سىرتقى ساۋدا تاۋارلارىن، جەمىس - جيدەك، كوكونىستەردى تاسىمالدايتىن شەكارا اتتاعان جۇك اۆتوموبيلدەرىن جەدەل وتكىزۋ ارناسىن اشۋ شاراسىن بەلسەنە تياناقتاندىرىپ، تاسىمالدىڭ مەملەكەتتىڭ جوسپارى مەن حالىق تۇرمىسىنا قاتىستى ماڭىزدى ءوندىرىس قۇرال - جابدىقتارىن، تۇرمىستىق زاتتىق ماتەريالداردى الدىمەن تەكسەرىپ جونەلتىپ، توستىرماي كەدەننەن وتكىزدى.
باقتى شەكارادان كىرۋ -شىعۋ شەكارا قورعانىسى تەكسەرۋ پۋنكتى ساياسي باسقارماسىنىڭ مەڭگەرۋشىسى لو جىڭ: ” بيىل باقتى شەكارا قورعانىسى تەكسەرۋ پۋنكتى ءتۇرلى يمپورت -ەكسپورت زاتتارىنىڭ ىركىلىسسىزدىگىن بار كۇشپەن قامتاماسىز ەتىپ، شەكارادان كىرىپ - شىعاتىن قاتىناس قۇرالدارىن كەدەننەن جەدەل وتكىزۋ ۇلگىسىن جاپپاي اتقارىپ، الدىن الا جيناۋ، ەستەلىككە الۋ، اپتاسىنا 7 كۇن ءار كۇنى 12 ساعات قىزمەت ىستەۋ ءتۇزىمى، كەدەننەن جەدەل وتكىزۋ سياقتى سايكەستى شارالاردى اتقارىپ، باقتى شەكارا وتكەلىنىڭ قاتىناس - تاسىمال قۇرالدارىن كەدەننەن وتكىزۋ ونىمدىلىگىن ۇزدىكسىز جوعارىلاتتى. كەلەسى قادامدا، شەكارا قورعانىسى تەكسەرۋىنەن قىزمەت وتەۋدى ۇزدىكسىز ساپالىلاندىرىپ، اناعۇرلىم كوپ ءونىمنىڭ حالىقارالىق بازاردا جەدەل ساۋدالانۋىنا كۇش ۇستەيمىز“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى