■1- ايدان 9 - ايعا دەيىن ساۋداگەر شاقىرىپ، قارجى ەنگىزۋ نىسانىنان 639 ى، 39 ميلليارد 511 ميلليون يۋان قارجى تياناقتانىپ، سايكەس مەزگىلدەگىدەن %44.74 ارتتى
ءتىلشىمىز ۋاڭ گاۋشىڭ حابارلايدى. 10 - ايدىڭ 10 - كۇنى تارباعاتاي ايماقتىق ساۋدا ىستەرى مەكەمەسىنەن ۇعىسۋعا قاراعاندا، 1 - ايدان 9 - ايعا دەيىن ايماعىمىزدا ساۋداگەر شاقىرىپ، قارجى ەنگىزۋ نىسانىنان 639 ى تۇگەلدەي جۇمىس باستاپ، قۇرىلىس نىساندارىنا جالپى 130 ميلليارد 701 ميلليون يۋان قارجى قوسىلعان. 39 ميلليارد 511 ميلليون يۋان قارجى تياناقتانىپ، سايكەس مەزگىلدەگىدەن ％44.74 ارتىپ، تۇتاس جىلدىق مىندەتتىڭ ％76.73 ى ورىندالعان.
شاعانتوعاي اۋدانى جيەك قالاشىعىنىڭ جۇگەرى ءدانىن كەپتىرۋ زاۆودى بيىلعى ساۋداگەر شاقىرىپ، قارجى ەنگىزۋ نىسانى، بۇعان جالپى 22 ميلليون يۋان قارجى قوسىلعان. 5 – ايدىڭ 20 -كۇنى قۇرىلىس باستاپ، قازىر اياقتالۋ كەزەڭىنە ءوتىپ، تولىق ىسكە تۇسپەكشى.
كەپتىرۋ زاۆودى 60 مىڭ توننا جۇگەرى ءدانىن ساقتاپ، كەپتىرە الاتىن بولىپ، شاعانتوعاي اۋدانىنىڭ قۇدىق سۋىمەن سۋارىلاتىن وڭىرلەرى بويىنداعى 4 اۋىل - قالاشىقتاعى 50 مىڭ مۋ جەرگە ەگىلگەن جۇگەرى ءدانىن ساقتاۋ، كەپتىرۋ قاجەتىن قاناعاتتاندىرىپ، تۇتاس اۋدان بويىنشا ەگىلگەن جۇگەرىنىڭ ءونىم مولشەرىنىڭ ％25 ىن يەلەپ، 1000 نان استام جۇگەرى ەگەتىن وتباسى يگىلىگىن كورەدى ەكەن.
كەپتىرۋ زاۆودى ءار كيلوگرامىن بازار باعاسىنان 0.05 يۋان جوعارى باعامەن ساتىپ الاتىن بولىپ، وسىنىڭ وزىنەن ەگىنشى وتباسىلارىنىڭ ارتقان كىرىسى 15 ميلليون يۋانعا جەتىپ، ءار وتباسىنىڭ ارتقان كىرىسى ورتا ەسەپپەن 15 مىڭ يۋان اينالاسىندا بولادى ەكەن.
جيەك قالاشىعىنىڭ ورىنباسار باستىعى جۋ فيفي:” كەپتىرۋ زاۆودىنىڭ ىسكە قوسىلۋى جۇگەرى ەككەن ەگىنشى وتباسىلارى ءۇشىن زور يگى ءىس سانالىپ، ولاردىڭ جۇگەرى ءدانىن جاقىن ماڭدا ساتۋىنا مۇمكىندىك جاراتىپ قالماستان، تاسىمال نارقىن دا ازايتادى“ دەدى.
شينجياڭ حاندا كيىم –كەشەك ءوندىرۋ شەكتى سەرىكتەستىگى ــ شيحۋ قالاسىنىڭ بيىلعى ساۋداگەر شاقىرىپ، قارجى ەنگىزۋى بويىنشا ىرگە تەپكەن كاسىپورىن ءارى سىرتقى ساۋدا كاسىپورنى سانالىپ، جالپى 80 ميلليون يۋان قارجى قوسىلعان، 150 دانا كومپيۋتەر ارقىلى مەڭگەرىلگەن تىگىن ماشيناسى بار، نەگىزىنەن قوي تەرىسىنەن، بۇعى تەرىسىنەن جوعارى ساپالى قولعاپ وندىرەدى، جىلدىق ءونىم مولشەرى 5 ميلليون جۇپ، جىلدىق ءوندىرىس قۇنى 30 ميلليون يۋان بولىپ، 500 مىڭ يۋان پايدا سالىعىن تاپسىرادى.
بيىل 4 - ايدىڭ 15 - كۇنى وسى سەرىكتەستىك شيحۋ قالاسىنداعى ورتا، شاعىن كاسىپورىنداردىڭ شارۋاشىلىق قۇرۋ باقشاسىنا ىرگە تەۋىپ، 3000 شارشى مەترلىك ولشەمدى زاۆود ءۇيىن سالىپ، جەرگىلىكتى ورىنداعى 500 نەشە ادامنىڭ جۇمىستانۋ ماسەلەسىن شەشتى، ءاربىرىنىڭ ايلىق ەڭبەكاقىسى 3500 يۋان اينالاسىندا ەكەن.
شيحۋ قالالىق ساۋدا ىستەرى جانە ونەركاسىپتى ينفورماتسيالاندىرۋ مەكەمەسىنىڭ ورىنباسار باستىعى ۋاڭ چىڭ:” شينجياڭ حاندا كيىم - كەشەك جاساۋ شەكتى سەرىكتەستىگى شيحۋ قالاسىندا ەڭ ەرتە وندىرىسكە قوسىلعان ساۋداگەر شاقىرىپ، قارجى ەنگىزۋ بويىنشا ىرگە تەپكەن كاسىپورىن سانالادى، بيىل بۇكىل قالاداعى ساۋداگەر شاقىرىپ، قارجى ەنگىزۋ نىساندارىنىڭ جۇمىس باستاۋىنا جاقسى باستاما كورسەتتى. الدا بەلگىلەنگەن مىندەتتەردى تولىق ورىنداۋعا كۇش سالامىز“ دەدى.
بيىل الدىڭعى 3 توقساندا، ايماقتاعى پارتيا، ۇكىمەت ورىندارىنىڭ نەگىزگى باسشىلارى وزدەرى جوسپارلاپ ورنالاستىرۋعا تاباندى بولىپ، تياناقتاندىرۋدى يگەرىپ، بەتالىستى بەلگىلەپ، وي جەلىستى ايقىنداپ، قىزمەت قارقىنىن قاداعالاپ، ايماققا توتە قاراستى 52 تاراۋدىڭ، اۋدان - قالالاردىڭ ساۋداگەر شاقىرۋ باسشىلىق گرۋپپالارى، سىرت ورىندارداعى بايلانىس جاساۋ باسقارمالارى، لياۋنيڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ ساۋداگەر شاقىرۋعا قىزمەت وتەۋ ورتالىعى، بازارلانعان دەلدالدىق قۇرىلىمدار سياقتى ساۋداگەر شاقىرۋ كۇشتەرىن ءبىر تۇتاس جوسپارلاپ، تۇتاس ايماقتى” ءبىر تۇتاس جۇيە“ بويىنشا بىرىككەن كۇشىن ۇيىستىرىپ، ساۋداگەر شاقىرىپ، قارجى ەنگىزۋدى جان -جاقتى ىلگەرىلەتىپ، ءتۇرلى قىزمەتتەن كورنەكتى ونىمدىلىك جاراتىپ، ساۋداگەر شاقىرىپ، قارجى ەنگىزۋدىڭ ارتۋ مولشەرى بۇكىل شينجياڭداعى ايماق، وبلىس، قالالاردىڭ ىشىندە 4 - ورىندى يەلەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى