ءتىلشىمىز جاڭ گوحۇي، ەرىكتى ءتىلشى ليۋ يۇي حابارلايدى. جۋىقتان بەرى شيحۋ قالاسى حۋاڭگۇڭ قالاشىعى لاۋجۋاڭزى قىستاعىندا ءىرى تۇرپاتتى ماقتا تەرۋ ماشينالارى ماقتا اتىزىندا ارلى -بەرلى جۇيتكىپ، اپپاق ماقتانى جيناۋدىڭ قاربالاستىعىنا ءتۇسىپ، ءبىر ـ بىرلەپ تايلانعان ماقتا تەز ارادا اتىز باسىنا رەتتى ءتىزىلدى.
قازىر شيحۋ قالاسىنىڭ ءبىر ميلليون 750 مىڭ مۋ جەردەگى ماقتاسى جيىن - تەرىن مەزگىلىن قارسى الدى. ۇشى ـ قيىرىنا كوز جەتكىسىز ماقتا اتىزىندا ماقتا تەرۋ ماشينالارى جاڭا ماقتانى جيناۋدىڭ قاربالاستىعىنا ءتۇسىپ، اتىز باسىندا كۇزگى جيىن - تەرىن قاربالاستىعى جارىققا شىقتى.
ساناققا قاراعاندا، بيىل حۋاڭگۇڭ قالاشىعى 120 مىڭ مۋدان استام جەرگە ماقتا ەگىپ، ماشينامەن تەرۋ سالىستىرماسى ％100 كە جەتكەن. قالاشىق پارتكوم ىرىقتىلىقپەن ءىس تىندىرىپ، الدىڭعى شەپتە قىزمەت وتەپ، 12 ماقتا تەرۋ ماشيناسىن، 23 تاسىمال اۆتوكولىگىن، 2 ءورت ءسوندىرۋ - ورتتەن ساقتانۋ اۆتوكولىگىن سايكەستىرىپ، ماقتا تەرۋ قىزمەتىنىڭ ءساتتى جۇرگىزىلۋىنە شىنايى كەپىلدىك ەتتى.
حۋاڭگۇڭ قالاشىعى لاۋجۋاڭزى قىستاعىنداعى ماقتا ەگەتىن شارۋا رىن جيانيوۋ: ” بيىل 100 مۋ جەرگە ماقتا ەگىپ، مۋ باسىنان 400 كيلوگرامعا جۋىق ءونىم الدىم. قىستاق’ ەكى كوميتەتى‘ مەن تەحنيكتەردىڭ كومەگىندە كوپتەگەن قيىن ماسەلەلەردى شەشىپ، ماقتا تەرۋ قىزمەتىن ۋاعىندا ورىنداپ، كەيىنگى ەگىمشىلىك جۇمىسىنا ويداعىداي دايىندالدىم“ دەدى.
لاۋجۋاڭزى قىستاعى پارتيا ياچەيكاسىنىڭ شۋجيى لي ۋشيڭ: ” 10-ايدىڭ 3 ـ كۇنى ماقتا تەرۋ جۇمىسى باستالعاننان بەرى قىستاق كادرلارى مەن پارتيا مۇشەلەرىنەن ۇيىمداسقان ەرىكتىلەر شاعىن اترەتىنىڭ مۇشەلەرى اتىز باسىنا بارىپ، تۇتاس بارىستا سوڭىنا ءتۇسىپ قىزمەت وتەپ، ماقتانىڭ تولىق قامبالانۋىنا شىنايى كەپىلدىك ەتتى“دەدى.
قازىرگە دەيىن شيحۋ قالاسىنىڭ ءارقايسى اۋىل ـ قالاشىقتارىنداعى ماقتا تۇگەلدەي تەرۋ ساتىسىنا ءوتتى. ماقتا تەرۋ مىندەتىن ساپاعا، سانعا كەپىلدىك ەتە وتىرىپ ورىنداۋ ءۇشىن، ءارقايسى اۋىل - قالاشىقتار تەحنيكتەردى جۇمىس باسىندا تەحنيكالىق جاقتان جەتەكشىلىك ەتۋگە جىبەرىپ، اۋىل شارۋاشىلىعى ماشينالارىن جۇرگىزۋشىلەردىڭ حاۋىپسىز جۇمىس جۇرگىزۋىنە شىنايى كەپىلدىك ەتىپ، جۇمىستىڭ ساپاسى مەن حاۋىپسىزدىگىن قاتاڭ يگەردى. سونىمەن بىرگە، تەرۋ جاعدايىنا قاراي ماشينا جابدىقتارىن ۇيلەسىمدى سايكەستىرىپ، ماقتا تەرۋ قارقىنىن جەدەلدەتتى.
جۋىق جىلداردان بەرى شيحۋ قالاسى ماقتانى عىلمي باسقارۋ، ماشينالاسقان جۇمىس جۇرگىزۋ، كولەمدەنگەن ءوندىرىس دەڭگەيى سياقتىلاردى ۇزدىكسىز جوعارىلاتىپ، ماقتا ەگەتىن شارۋالاردى ءونىم مولشەرى جوعارى، ماقتا تالشىعى ۇزىن جاڭا سورتتاردى ەگۋگە جەتەكتەپ، زياندى جاندىكتەر مەن دەرت - دەربەزدەن ساقتانۋ جانە ونى جونگە سالۋ، باسقارۋ تەحنيكالىق ورەسى سياقتى كۋرستاردى دەر كەزىندە ورىستەتىپ، ماقتانىڭ ساپاسى مەن ەگۋ ونىمدىلىگىن جىل سايىن جوعارىلاتتى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى