ءتىلشىمىز الاشىن سۋدىبەلىك حابارلايدى. كوز سۇرىندىرەر كوركەم كورىنىستەر مەن ءدامدى تاعامدار شارتاراپتان كەلگەن قوناقتاردى قارسى الدى. 10 - ايدىڭ 4 - كۇنى ءدوربىلجىن اۋدانىنىڭ ” التىن كۇزدەگى 10 - ايدا قوڭىرالا قازدى تاماشالاۋ . مەملەكەت مەرەكەسىن قۋانىشپەن قارسى الۋ“ نەگىزگى تاقىرىپتىق قيمىلى ءدوربىلجىن اۋدانى ءۇشقاراسۋ قالاشىعى قوڭىرالا قاز سازدىق باقشاسىنىڭ قوڭىرالا قاز سارايىندا وتكىزىلدى.
سول كۇنى ءدوربىلجىن اۋدانىنىڭ قوڭىرالا قاز ەتىنەن جاسالعان ءدامدى تاعامداردى باعالاۋ قيمىلى جانە قوڭىرالا قاز سارايىنىڭ اشىلۋ سالتى وتكىزىلدى. قيمىلدىڭ نەگىزگى الاڭى قوڭىرالا قاز سارايىندا بولسا، قالعان جەرلەردە قوڭىرالا قاز سازدىق باقشاسىنىڭ ىشىندەگى ينتەرنەتتە تانىمالى، ءسوزسىز، باراتىن جەرلەر، كەشكى جايما ورىندارى (ەرەكشەلىككە يە كوشە) ورنالاستىرىلدى. 20 نەشە ءتۇرلى جەرگىلىكتى ورىننىڭ ساپالى قاز ەتىنەن جاسالعان ءدامدى تاعامدار، قۋىرماشتار قوناقتارعا مول داستارقاننان ءدام تاتقىزىپ، قوڭىرالا قاز ءدامدى تاعامدار مادەنيەتىن ايگىلەدى.
تۇستەن بۇرىن ساعات 11 مولشەرىندە قيمىل مايدانىندا ادامدار ءيىن تىرەسىپ، اشتى - تۇشتى كەپتىرىلگەن قاز ەتى، دامدەندىرگىشپەن بىقتىرىلعان قاز ەتى، بىقتىرىلعان بالاپان قاز ەتى، بۇرمە سياقتى ەرەكشەلىككە يە اۋىل شارۋاشىلىق ونىمدەرىنەن جانە جەرگىلىكتى ورىننىڭ ساپالى ازىق - تۇلىك شيكىزاتتارىنان دەن قويا جاسالعان ءدامدى تاعامداردىڭ حوش ءيىسى اڭقىپ، ەكسكۋرسيالاۋشىلاردى بارىنشا ءتانتى ەتىپ، اۋىز جاپپاي القاستى.
” بۇگىن ەرەكشە تەبىرەنىپ تۇرمىن، قوڭىرالا قاز ءدامدى تاعامدار اسپازدىق جارىسىندا ءبىرىنشى دارەجەلى سيلىق الدىم، ۇكىمەتتىڭ اسپازدىق ونەرىمدى ايگىلەۋىمە وسىنداي جاقسى تۇعىر ازىرلەپ بەرگەنىنە العىس ايتامىن “ دەدى ءدامدى تاعامدار جارىسىنا قاتىناسقان قىستاق تۇرعىنى اينۇر قىدىربەك.
” قوڭىرالا قاز ءدامدى تاعامدار مەرەكەسىنە جيىلعان ادام دا، وتكىزىلگەن قيمىل دا كوپ ەكەن، مەن ۇپاي جيناۋ ويىنىنا قاتىناستىم، ءۇنحاتتاعى دوستارىمنىڭ قولداۋىمەن 66 ۇپاي جيناپ، سيلىقتى جۇمىرتقا جارىپ، سيلىق بەلەتىنە يە بولىپ، قىزارتىپ قۋىرىلعان قاز ەتى، سۇرلەنگەن قاز ەتى سياقتى ەرەكشەلىككە يە تاعامداردان ءدام تاتتىم، وسىنداي قيمىلداردىڭ ۇدايى وتكىزىلىپ تۇرۋىن ءۇمىت ەتەمىن“ دەدى ءدوربىلجىن اۋدانىنىڭ تۇرعىنى يىن حۋافاڭ.
قوڭىرالا قازدى ۇشىرۋ، سيلىقتى جۇمىرتقا جارۋ، توسىن سي، اتقا ءمىنۋ، تۇيەگە ءمىنۋ سياقتى ويىن تۇرلەرى قيمىلعا قاتىناسقان بۇقارا مەن ساياحاتشىلاردى شاتتىققا بولەدى.
جۋىق جىلداردان بەرى ءدوربىلجىن اۋدانى باستان - اياق پارتيا قۇرىلىسىن جەتەكشى ەتۋگە، مادەنيەت ارقىلى قۋات ۇستەۋگە، بيڭتۋان مەن جەرگىلىكتى ورىن بىرلەسىپ ارەكەتتەنۋگە، بازاردىڭ جەتەكشىلىك ەتۋىنە، كاسىپ سالاسىنىڭ تىرەكتىك رولىنا تاباندى بولىپ، ەرەكشەلىككە يە اس - سۋ سالاسىندا ايگىلى تاعامداردى، ايگىلى دۇكەندەردى باعالاۋ، مادەنيەت - ساياحات جاعىندا حالىققا تيىمدىلىك جەتكىزىپ، تۇتىنۋدى جەبەۋ سياقتى جەلىلەس قيمىلداردى دەن قويا جوسپارلاپ جانە ىلگەرىلەتىپ، قوڭىرالا قاز سياقتى ساپالى اۋىل شارۋاشىلىق ونىمدەرىنىڭ تانىمالىلىعى بۇرىن -سوڭدى بولماعان دارەجەدە جوعارىلاپ، اس - سۋ جانە ەرەكشە، باسىمدىققا يە اۋىل شارۋاشىلىق ونىمدەرى جەدەل دامىدى.
ءدوربىلجىن اۋدانى ءۇشقاراسۋ قالاشىعى پارتكومىنىڭ مۇشەسى، ورىنباسار قالاشىق باستىعى تاڭجارىق اقىلبەك: ” ءۇشقاراسۋ قالاشىعىنىڭ قوڭىرالا قاز كاسىپ سالاسى مانەرلەۋ ءۇيىنىڭ اشىلۋى ساياحاتتىڭ تاماشا ورايى مەن ۇتىمدى مەزگىلىن مىقتى يگەرىپ، ساياحات كاسىبىنىڭ دامۋىن جەبەۋگە قولايلىلىق جاراتىپ، بۇقارانى كىرىستى ارتتىرىپ، اۋقاتتانۋعا جەتەلەدى. كەلەسى قادامدا ساياحات ورتاسىن جالعاستى جاقسارتىپ، ساياحاتتىڭ ساپاسىن جوعارىلاتىپ، بۇقارانى كىرىستى ارتتىرىپ، اۋقاتتانۋعا باستايمىز “ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى