قوس مەرەكەدە ايماعىمىزدىڭ تۇتىنۋ سوماسى 150 ميلليون يۋانعا جەتتى

جولدانعان ۋاقىتى : 2023/10/11 12:01:32

□ شاۋەشەك قالاسىنداعى جويۋە - بايشىڭ زات ساتىپ الۋ باقشاسىنىڭ سىرتىندا ءدامدى تاعامدار مەرەكەلىك قيمىلى قىزا ءتۇستى. سۋرەتتى ءتىلشىمىز جاڭ پەيچي تۇسىرگەن
 
ءتىلشىمىز جاڭ پەيچي حابارلايدى. ساۋدا شەڭبەرلەرىندە، كورىنىس  رايوندارىندا ادامدار ءيىن تىرەستى، كوشە بويى، كەشكى بازارلار دۋمانعا بولەندى، اسحانا، قوناقجايلاردا بوس ورىن قالمادى... قويۋ تىرشىلىك تىنىسى ايماعىمىزدىڭ تۇتىنۋ بازارىنىڭ تاسقىنداعان ومىرشەڭدىك كۇشىن ايگىلەدى. 10-ايدىڭ 7-كۇنى ايماقتىق ساۋدا ىستەرى مەكەمەسىنەن ۇعىسۋعا قاراعاندا، قوس مەرەكە كەزىندە ايماقتىڭ تۇتىنۋ سوماسى 150 ميلليون يۋانعا جەتىپ، تۇتىنۋ بازارىندا ءبىرشاما تەز ارتۋ جاعدايى جارىققا شىققان ەكەن.بيىل ايماقتىق ساۋدا ىستەرى مەكەمەسى” 2023-جىلعى التىن كۇز تۇتىنۋ ماۋسىمى“ قيمىلىمەن ۇشتاستىرىپ، تۇتاس ايماقتاعى ءتۇيىندى ساۋدا شەڭبەرلەرىن قوس مەرەكەدەگى تۇتىنۋدىڭ قاۋىرت مەزگىلىنىڭ ءتيىمدى ورايىن مىقتى يگەرىپ، ءىرى ساۋدا كەشەندى تۇلعالارى، ەرەكشەلىككە يە ساۋدا كوشەلەرى، ساۋدا سارايلارى جانە ەرەن بازار سياقتى تۇتىنۋ دانەكەرلەرىن ارقاۋ ەتە وتىرىپ، ” قوس مەرەكەدە ەرەن تيىمدىلىك جاساۋ“سياقتى جەلىلەس تۇتىنۋدى جەبەۋ قيمىلدارىن ىشكەرىلەي ورىستەتۋگە  بەلسەنە جۇمىلدىرىپ، مەرەكە ارقىلى كۇش - قۋات توپتاپ، مەرەكە ارقىلى بازاردى گۇلدەندىرىپ، جەلىلەس تۇتىنۋدى جەبەۋ قيمىلدارىن وتكىزۋ ارقىلى كيىم ـ كەشەك، اۆتوكولىك سياقتى تاۋارلاردىڭ ساتىلۋىن جەبەپ، كوپ تۇتىنىلاتىن اس - سۋ، مادەنيەت - دەنە تاربيە، كوڭىل اشۋ سياقتى قىزمەت وتەۋلەر قىزۋ قارسى الۋعا بولەنىپ، بازاردىڭ تۇتىنۋ ورتاسى بارىنشا جانداندى.

10 - ايدىڭ 6 - كۇنى ءتۇن شىمىلدىعى جابىلىپ، اشەكەيلى شامدار جامىراي باستاعان شاقتا، شاۋەشەك قالاسى جويۋە - بايشىڭ زات  ساتىپ الۋ باقشاسىندا سەيىلدەپ جۇرگەنىمدە، ساۋدا سارايىندا ادامداردىڭ قايشالىسىپ، كۇزدىك، قىستىق كيىم ـ كەشەك، اياق كيىم، باس كيىم، ءۇي توقىما بۇيىمدارىنىڭ بازارعا سالىنعانىن كوردىم.
 
” قوس مەرەكە كەزىندە كوپشىلىكتىڭ زات ساتىپ الۋ ارىنىن ارتتىرۋ ءۇشىن، زات ساتىپ الۋ باقشاسى ەرەن تيىمدىلىك جاساۋ باعاسى، ەرەكشە تومەن باعا ، 10 ەسە ءنومىر جيناقتاپ ناق اقشاعا ايىرباستاۋ سياقتى قيمىلداردى وتكىزدى. سونىمەن بىرگە، ءدامدى تاعامدار مەرەكەلىك قيمىلىن وتكىزىپ، تۇتىنۋ بازارىن ونان ارى جانداندىردى، قاريدارلار مولشەرى الدىڭعى ساناق مەزگىلىمەن سالىستىرعاندا ％60  ارتتى، تيجارات سوماسى الدىڭعى ساناق مەزگىلىمەن سالىستىرعاندا ％50 ارتتى“ دەدى شاۋەشەك قالاسى جويۋە -بايشىڭ زات ساتىپ الۋ باقشاسى تيجارات  ءبولىمىنىڭ مەڭگەرۋشىسى ما يان.
 
مەرەكە كەزىندەگى تۇتىنۋ بازارىن جانداندىرۋ ءۇشىن، ايماقتىق ساۋدا ىستەرى مەكەمەسى بايلىقتى بىرىكتىرىپ، ۇكىمەت پەن كاسىپورىننىڭ كۇش -قۋاتىن كۇشەيتىپ،ءۇي ەلەكتر جابدىقتارى، ءۇي جيھازدارىنىڭ ساتىلۋىن جەبەيتىن ءبىر قىدىرۋ قيمىلدار وتكىزدى. اۋدان - قالالاردىڭ ساۋدا ىستەرى تاراۋلارى دا نازاردى اۆتوكولىك، ءتۇرلى بۇيىمدار، اس ـ سۋ سياقتى ءتۇيىندى سالالارعا شوعىرلاندىرىپ، تۇتىنۋدى جەبەۋ تاقىرىپتىق قيمىلدارىن وتكىزىپ، بازاردىڭ ومىرشەڭدىك كۇشىن تاسقىنداتتى. قوس مەرەكە كەزىندە كوپ تۇتىنىلاتىن تاۋارلاردىڭ ساتىلۋ سوماسى 50 ميلليون يۋانعا جەتتى.
 
جاڭا كاسىپ كۇيى، جاڭا بەت -بەينە تۇتىنۋدىڭ جاڭا سالتقا اينالۋىنا جەتەكشىلىك ەتتى. اۋدان - قالالار ” مادەنيەت -   ساياحات + “، ” + مادەنيەت -ساياحات“ ىستەرىن ويداعىداي ىستەپ، كەشكى ەكونوميكا جانە ساياحات كونسەرت قيمىلدارى سياقتى ساياحاتتىڭ جاڭا كاسىپ  كۇيى، جاڭا بەت - بەينەسى مادەنيەت - ساياحات تۇتىنۋىنىڭ جاڭا تۇيىنىنە، جاڭا سالتىنا اينالدى. شاۋەشەكتىڭ مىڭبۇلاق كەشكى بازارى،  ءدوربىلجىننىڭ شىعىس كوشەسى، شيحۋدىڭ سىرا كوشەسى، ساۋاننىڭ تورە تاباق ءدامدى تاعامدار بازارى، تولىنىڭ ەكولوگيالىق باقشا كەشكى بازارى، شاعانتوعايدىڭ جينيۇي ۋۋيلي، قوبىقسارى اۋدانىنىڭ ” بايىرعى بەيجيڭ“ ءدامدى تاعامدار الاڭى سياقتى جەرگىلىكتى ەرەكشەلىككە يە جالپىلىق تۇتىنۋ كەشكى بازارى كوشە اۋماقتارى ساياحاتشىلاردىڭ قىزۋ قارسى الۋىنا بولەندى. مۇنان تىس، توي ـ تومالاق، دوستار باس قوسۋى سياقتىلار دا دەمالىس كەزىندەگى اس ـ سۋ تۇتىنۋىنىڭ نەگىزگى مازمۇنىنا اينالىپ، قوناق ءۇي، اس ـ سۋ، كوڭىل اشۋ سياقتى كاسىپ سالالارىنىڭ تۇتىنۋ سوماسى 20 ميلليون يۋانعا جۋىق ارتتى.
 
 ” دەمالىس كۇندەرىندەگى ەكونوميكانىڭ قاۋىرت جاندانۋىنا ىلەسە، تۇتىنۋ  بازارىنىڭ سەنىمى ارتا ءتۇستى. تۇتىنۋعا قىزمەت وتەۋدىڭ ساپاسىن ءوسىرىپ، دارەجەسىن جوعارىلاتىپ، قامداۋدى ساپالىلاندىرىپ، قوس مەرەكە دەمالىسى كەزىندە بازاردىڭ سەرپىمدىلىگى مەن ومىرشەڭدىك كۇشى ارتا ءتۇستى“ دەدى ايماقتىق ساۋدا ىستەرى مەكەمەسىنىڭ قاتىستى جاۋاپتىسى.



رەداكتورى : اراي ەركىن قىزى

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى