ءتىلشىمىز سۇڭ جيانلياڭ، ەرىكتى ءتىلشى گۋان بيڭ حابارلايدى.” ۇلانۇس قالاشىعىندا سەلەندى اۋىل شارۋاشىلىق ونىمدەرى مادەنيەت مەرەكەسى وتكىزىلەتىنىن ەستىپ، وتباسىمداعىلارمەن بىرگە شىحىزىدان ارنايى كەلدىم ءارى بۇل ارانىڭ ەرەكشەلىككە يە ءدامدى تاعامدارىنان تەگىن ءدام تاتتىق “دەدى جۋىقتا ساياحاتشى جاۋ جىفىڭ.
9 - ايدىڭ 21 - كۇنى ساۋان قالاسى ۇلانۇس قالاشىعى تۇڭعىش كەزەكتى سەلەندى اۋىل شارۋاشىلىق ونىمدەرى مادەنيەت مەرەكەسىن جانە اۋىل شارۋاشىلىق قوسىمشا ونىمدەرى ساۋدا كەلىسىمىنە قول قويۋ سالتىن وتكىزدى.
شىحىزى، ساۋان جانە ماڭايداعى جەرلەردەن كەلگەن ساۋداگەرلەر، ساياحاتشىلار جانە بۇقارا كورمە ورنىنا جينالسا، قارا استىق ءوندىرۋ، ساتۋ، مانەرلەۋمەن شۇعىلداناتىن كاسىپورىن ۋاكىلدەرى وسى ارادا باس قوسىپ، ءوندىرۋ مەن ساتۋدى ۇشتاستىرىپ، سەلبەسىپ، اۋىس - كۇيىس جاساپ، سەلەندى اۋىل شارۋاشىلىق قوسىمشا ونىمدەرى كاسىپ سالاسىنىڭ دامۋ بولاشاعىن بىرلىكتە تالقىلادى.
قيمىل الاڭىنداعى ەرەكشەلىككە يە سەلەندى اۋىل شارۋاشىلىق ونىمدەرى جارمەڭكەسى، ادەبيەت - كوركەمونەر كونسەرتى، سەلەندى ءدامدى تاعامداردان ءدام تاتۋ سياقتى جەلىلەس قيمىلدار التىن كۇزدەگى سەلەندى شاعىن قالاشىققا مول ءونىمنىڭ شاتتىعىن سيلادى.
ۇلانۇس قالاشىعى ۇكىمەتى كاسىپورىندارمەن اۋىل شارۋاشىلىق ونىمدەرىمەن قامداۋ - ساتۋ، اۋىل شارۋاشىلىق ونىمدەرى سەلبەستىك نيەتى، ەكولوگيالىق سەيىل - سەرۋەن اۋىل شارۋاشىلىعى سەلبەستىك جۇلگەلىك كەلىسىمىن جاساستى.
ۇلانۇس قالاشىعىنداعى ءتاتتى كارتوپ ەگىمشىلىگىمەن شۇعىلداناتىن شارۋا شى لي: ” وسى رەتكى مادەنيەت مەرەكەسىنىڭ وتكىزىلۋىن كوپتەن كۇتكەن ەدىك، سەلەندى ونىمدەرى كورمەسى ارقىلى جەر - جەردەن كەلگەن دوستارعا ءتۇرلى ءدامدى تاعامداردان ءدام تاتقىزىپ، وسى ارانىڭ سالت - داستۇرىمەن تانىستىرىپ، سەلەندى كاسىپ سالاسىن دامىتۋ سەنىمىمىزدى ايگىلەيمىز. وسى جولعى اۋىل شارۋاشىلىق ونىمدەرى مادەنيەت مەرەكەسى ارقىلى سەلەندى ونىمدەرىمىز ءتىپتى دە الىس جەرلەرگە ساتىلىپ، تانىمالىلىعى اناعۇرلىم ارتا تۇسسە دەيمىن “ دەدى.
جۋىق جىلداردان بەرى ۇلانۇس قالاشىعى سەلەن مول بولۋداي بايلىق باسىمدىعىن تولىق ساۋلەلەندىرىپ، سەلەندى اۋىل شارۋاشىلىق ونىمدەرى بازارىن ءتىپتى دە كەڭەيتىپ، سەلەندى اۋىل شارۋاشىلىق ونىمدەرى ايگىلى ماركاسىن تۇلعالادى. وسى رەتكى سەلەندى اۋىل شارۋاشىلىق ونىمدەرى مادەنيەت مەرەكەسىن وتكىزۋدەگى ماقسات ــ بۇكىل قالاشىقتاعى پارتيا مۇشەلەرىنىڭ، كادرلاردىڭ جانە بۇقارانىڭ جىگەرىن تاسقىنداتىپ، تۇتاس قالاشىقتىڭ ەكونوميكانى جوعارى ساپالى دامىتۋ سەنىمىن بەكەمدەپ، اۋىل شارۋاشىلىعى كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋدى جەبەپ، شارۋالاردىڭ كىرىسىن ارتتىرۋ.
” ’ ۇكىمەت ىلگەرىلەتەتىن، كاسىپورىن باستاماشى بولاتىن، بازار اينالىمعا سالاتىن، شارۋا وتباسىلارى ات سالىساتىن‘ ماركا جاراتۋ جانە اينالىمعا سالۋ مەحانيزمىنە بەلسەنە ىزدەنىس جاساپ، اۋىل -قىستاقتى گۇلدەندىرۋدى ىلگەرىلەتۋدى وراي ەتىپ، عىلمي، ەرەكشەلىككە يە اۋىل شارۋاشىلىعى ونىمدەرى ماركاسىنىڭ قالاشىق، قىستاق ەكى دارەجەلى دامىتۋ جوباسىن جاساپ، كەمەلدى ماركا ستراتەگيالىق جوبا كارتاسىن قالىپتاستىرامىز. سونىمەن بىرگە، جاعراپيالىق بەلگى ماركاسىنىڭ’ ءبىر ءونىمدى قورعاۋ، ءبىر توپ كاسىپورىنعا جەتەكشىلىك ەتۋ، ءبىر كاسىپ سالاسىن زورايتۋ، ءبىر ءوڭىردىڭ بۇقاراسىن بايىتۋ‘سىندى ماسەلەنى شەشىم ەتۋ قۋاتىن ساۋلەلەندىرىپ، جاڭاشا تيجارات نەگىزگى تۇلعاسىن جەتىلدىرىپ، ايگىلى، ساپالى ماركا جاراتۋعا قۇلشىنامىز“ دەدى ۇلانۇس قالاشىعى پارتكومىنىڭ شۋجيى لەي جۇن.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى