تىلشىلەرىمىز ۋاڭ چۇنلين، اسقات قايرات، حۋاڭ جىڭبين حابارلايدى. جاقىندا شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ الدىمەن دامىتىلاتىن رايونىنداعى لياۋنيڭنىڭ شينجياڭعا كومەكتەسۋ كاسىپ سالاسى باقشاسىنىڭ قۇرىلىس مايدانىندا زاۆود ۇيلەرى جەدەل سالىنىپ، ءبىر ءبولىم زاۆود ۇيلەرىنىڭ توبەسى جابىلىپ، بارلىق جەردەن قاۋىرت قۇرىلىس ناۋقانى كوتەرىلدى.
ۇعىسۋعا قاراعاندا، شاۋەشەك قالاسىنىڭ ەگىن، مال شارۋاشىلىعى ونىمدەرى كاسىپ سالالارىن توعىستىرىپ جىنتىكتەي مانەرلەۋ بازاسىنىڭ قۇرىلعىلار قۇرىلىسى نىسانى مەن شاۋەشەك قالاسىنىڭ شەكارا حالىقتارى ءوزارا ساۋدا بازارىنىڭ قامبادا ساقتاۋ -زات اينالىمى قۇرىلىسى نىسانىنىڭ 7 جەكە تۇلعالىق قۇرىلىسىنىڭ جالپى قۇرىلىس كولەمى 40 مىڭ شارشى مەترگە جەتەدى ەكەن. بۇل نىسان بيىل 7-ايدا قۇرىلىس باستاپ، جوسپار بويىنشا 2024 -جىلدىڭ سوڭعى جارتىسىندا پايدالانۋعا بەرىلەدى ەكەن.
لياۋنيڭ قۇرىلىس توبى شەكتى سەرىكتەستىگىنىڭ ورىنباسار باس ديرەكتورى، شينجياڭعا كومەكتەسۋ نىسانى الدىڭعى شەپ قولباسشىلىق شتابىنىڭ باس قولباسشىسى جاڭ ليچىڭ:” 7-ايدىڭ 13-كۇنى قۇرىلىس مايدانىنا كىرىپ، قۇرىلىس جۇرگىزگەننەن بەرى، تارباعاتاي ايماعىنداعى ءارقايسى تاراۋلاردىڭ جانە لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ بار كۇشپەن قولداۋىندا، حاۋىپسىزدىككە كەپىلدىك ەتىپ، ساپانى يگەرىپ، قارقىندى جەدەلدەتىپ، قۇرىلىستى جاپپاي ىلگەرىلەتىپ كەلەمىز. قازىرگە دەيىن 3 -ءنومىرلى زاۆود ءۇيىنىڭ توبەسى جابىلدى، 4 ـ ءنومىرلى زاۆود ءۇيىنىڭ نەگىزگى سۇلباسى سالىنۋدا، 5 -، 6 - ءنومىرلى زاۆود ۇيلەرىنىڭ جالپى قۇرىلىس قارقىنىنىڭ ％70 ى ورىندالدى، جابدىقتاردى ورناتۋ ءۇيى، سۋ كولشىگى قۇرىلىسى اياقتالدى، بيىل 5 جەكە تۇلعالىق قۇرىلىستىڭ توبەسىن جابۋعا كۇش سالامىز“دەدى.
جاڭ ليچىڭ: ” كەلەسى قادامدا، مەملەكەت مەنشىگىندەگى كاسىپورىنداردى باسقارۋ، دارىندى جانە تەحنيكا جاقتارىنداعى باسىمدىقتارىن تولىق ساۋلەلەندىرىپ، جوعارى ولشەممەن، قاتاڭ تالاپپەن قۇرىلىس جۇمىسىن باسقارۋ - مەڭگەرۋدى كۇشەيتىپ، ۇستا رۋحىن ساۋلەلەندىرىپ، اناعۇرلىم كوپ سارا قۇرىلىستاردى سالىپ، تارباعاتاي حالقىنا تارتۋ ەتىپ، لياۋنيڭنىڭ شينجياڭعا كومەكتەسۋ ىستەرىنە ۇزدىكسىز اناعۇرلىم زور ۇلەس قوسامىز “ دەدى.
لياۋنيڭ فاڭيۋان قۇرىلىس نىسانىن باسقارۋ شەكتى سەرىكتەستىگىنىڭ نىسان باس باقىلاۋشىسى ياۋ بيڭ: ” سەرىكتەستىگىمىز لياۋنيڭنىڭ شينجياڭعا كومەكتەسۋ كاسىپ سالاسى باقشاسىنداعى قۇرىلىس نىساندارىن باقىلاۋعا جاۋاپتى، ينجەنەريا قۇرىلىسىنا قاتىستى زاڭداردى، زاڭ -ەرەجەلەردى، جۇيەلەردى، ولشەمدەردى جانە تۇزىمدەردى قاتاڭ اتقارادى. نەگىزگى فاكتورلاردى ارقاۋ ەتە وتىرىپ، باقىلاۋ قىزمەتىن ورىستەتىپ، قاتاڭ باقىلاپ - باسقارىپ، ىستىق ىقىلاسپەن قىزمەت وتەپ، كورىكتى شينجياڭ قۇرۋعا كۇش ۇستەيمىز“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى