قوس مەرەكەنى قۇتتىقتاپ، ءماندى” كەزدەسۋلەر“ بولدى

جولدانعان ۋاقىتى : 2023/10/7 12:13:33

قوس مەرەكە كەزىندە شيحۋ فوشان مەملەكەتتىك ورمان باقشاسىنىڭ دەپسىن كورىنىس رايونىنداعى 30 مۋدان استام گوللانديا لالا گۇلى سياقتى گۇلدەر قۇلپىرا اشىلىپ، كوزدىڭ جاۋىن الىپ، شينجياڭنىڭ ءىشى - سرتىنداعى كوپتەگەن ساياحاتشىلاردى باۋرادى. سۋرەتتە: ساياحاتشىلار دەپسىن كورىنىس رايونىنىڭ ەكولوگيالىق باقشاسىنداعى گۇل اتىزىندا سۋرەتكە تۇسۋدە.

10 - ايدىڭ 1 - كۇنى ءدامدى تاعامدارعا تولى ءارى قىزىقتى جۇڭگو ۇلگىسىندەگى نەگىزگى تاقىرىپتىق ۇلكەن جارمەڭكە شاعانتوعاي اۋدانىنىڭ ۋ - ۋيلي كوشەسىندە سالتاناتپەن اشىلىپ، مەملەكەتتىك سالت - سانا   نەگىزگى تاقىرىبىنداعى كوشە ارلى -بەرلى قايشالىسقان ادامدارعا تولدى. سۋرەتتە: قاريدار بۇيىمداردى تاڭداپ ساتىپ الۋدا.

 9 - ايدىڭ 30 - كۇنى ءدوربىلجىن اۋدانى ءدوربىلجىن قالاشىعى ارشاتى جولى الەۋمەتتىك اۋماعى بيڭتۋان 9 -شى اقتەرەك قالاسىنىڭ حىنان تەاتر ۇيىرمەسىمەن بىرلەسىپ، ” ءبىزدىڭ جۇڭگو ارمانىمىز“ ـــ مادەنيەتتى سان مىڭداعان وتباسىنا جەتكىزۋ نەگىزگى   تاقىرىبىنداعى مەملەكەت مەرەكەسىن قۇتتىقتاۋ قيمىلىن ورىستەتتى. سۋرەتتە: ارتيستەر ۇلتتىق ءبي بيلەۋدە.

9 – ايدىڭ 27 - كۇنى ساۋان قالاسى كونەساۋان جولى الەۋمەتتىك اۋماعى ” ەكى كوميتەتى“ قاراستى وڭىردەگى باستاۋىش مەكتەپ وقۋشىلارىن ۇيىمداستىرىپ، ” تاريحتى ءتۇسىنۋ، وتاندى ءسۇيۋ، ءسابي جۇرەكتەر پارتيا دەپ سوعادى“ نەگىزگى تاقىرىپتىق ۇگىت -تاربيە قيمىلىن ورىستەتىپ، پارتيا تاريحى سارايىن ەكسكۋرسيالاۋ، قولجازبا گازەتىن جاساۋ، سيلىقتى سۇراۋ -جاۋاپ، قىزىل ءان ايتۋ سياقتى تاسىلدەرمەن جاستار مەن وسپىرىمدەردى پارتيانى، وتاندى، سوتسياليزمدى ءسۇيۋ سۇيىسپەنشىلىگىن نىعايتۋعا جەتەلەدى. سۋرەتتە: وقۋشىلار ” مەن جانە مەنىڭ وتانىم“ ءانىن بىرلىكتە ورىنداۋدا.

 

قوس مەرەكە كەزىندە شاۋەشەك قالاسىنداعى جويۋە بايشىڭ زات ساتىپ الۋ باقشاسى  شىعىرىق تاستاۋ،  شام جۇمباق شەشۋ سياقتى قيمىلداردى ورنالاستىرىپ،  ساپالى بۇيىمدار تيىمدىلىك باعاسى،  ەرەكشە تومەن باعادا تيىمدىلىك جاساۋ،  ون ەسەلىك جيناق ءنومىردى ناق اقشاعا سىندىرۋ سياقتى تيىمدىلىك قيمىلدارىن ورىستەتۋ ارقىلى قالا تۇرعىندارىن كەلىپ كوڭىل   كوتەرىپ،  زات ساتىپ الۋعا باۋرادى. سۋرەتتە: زات ساتىپ الۋ باقشاسىندا قايشالىسقان ادامدار.


ءبىر رەتكى وتانشىلدىق تاربيە قيمىلىنا قاتىناستى، ءبىر مايدان وزگەشە كونسەرت كوردى، سومكاسىن اسىنىپ، وتاننىڭ تاۋ-سۋلارىن تاماشالادى، ساۋدا دۇكەندەرىنە بارىپ، ءيىن تىرەسكەن دۋماندى كورىنىستەن ءلاززاتتاندى... قوس مەرەكە كەزىندە، ايماعىمىزداعى ءار ۇلت بۇقاراسى ءاربىر ” كەزدەسۋلەردى “ قالت جىبەرمەي، ءوز ارەكەتتەرىمەن وتانعا دەگەن ىزگى تىلەكتەرىن ءبىلدىردى. ءاربىر ادامنىڭ جۇزىنەن باقىت كۇلكىسى ەسىپ، گۇلدەنىپ - كوركەيگەن وتانعا دەگەن ماقتانىش سەزىم  مەنمۇندالادى.
 

سۋرەتىن تارتىپ، حابارلاعان تىلشىلەرىمىز جاڭ گوحۇي، ليۋ ۋي، ماقپال مىرزاقان، جاڭ پەيچي،
ۋاڭ ياجۇن، ۋاڭ چۋانميڭ،ۇسىنىس ەتىلگەن ءتىلشى لي ميڭشىڭ، ەرىكتى تىلشىلەر ۋاڭ مين، لي نا، شۇي يۋە

رەداكتورى : اراي ەركىن قىزى

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى