تىلشىلەرىمىز ماقپال مىرزاقان، الاشىن سۋدىبەلىك، جاڭ گوحۇي، داي جياۋمەي، ەرىكتى ءتىلشى جاڭ حۇيمين حابارلايدى. 9-رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ اشىلۋى تارباعاتايداعى ءار ۇلت كادر-بۇقاراسى مەن شينجياڭعا كومەككە كەلگەن كادر -دارىندىلار اراسىندا قىزۋ اڭىس قوزعادى. كوپشىلىك مىنالاردى جابال ءبىلدىردى: يدەيا مەن ارەكەتتى پارتيا ورتالىق كوميتەتىنىڭ ورنالاستىرۋلارىمەن شىن مانىندە بىرلىككە كەلتىرىپ، عىلمي جوسپارلاپ، جاڭا داۋىردەگى جاڭا جورىقتا شينجياڭعا باعىتتامالى كومەكتەسۋ قىزمەتىن تىڭعىلىقتى ىلگەرىلەتىپ، ۋاقىت كۇتىپ تۇرمايدى دەيتىن رۋحپەن قۇلشىنا ىستەپ، قول ۇستاسا ۇدەرە العا تارتىپ، قىزمەتتە ۇزدىكسىز جاڭا جاعداي اشىپ، ءتۇرلى قىزمەتتەن تاعى دا تىڭ ناتيجە جاراتۋدى ىلگەرىلەتەمىز.
شاۋەشەك كەدەنى پارتكومىنىڭ مۇشەسى، ورىنباسار كەدەن باستىعى شۇي بو: ” 9 -رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ اشىلۋى پارتيا ورتالىق كوميتەتىنىڭ شينجياڭ حالقىنا دەگەن قامقورلىعى مەن مەيىرىن تولىق ايگىلەيدى. شاۋەشەك كەدەنى وسى رەتكى ءماجىلىستىڭ رۋحىن باتىل دايەكتىلەندىرىپ، باقتى وتكەلىنىڭ’ءبىر بەلدەۋ، ءبىر جولداعى‘ الدىڭعى لەكتىك باسىمدىعىن تولىق ساۋلەلەندىرىپ، ايماقتىڭ اشىق ەكونوميكاسىنىڭ جوعارى ساپالى دامۋىنا قىزمەت وتەيدى جانە قولداۋ كورسەتەدى. الداعى قىزمەت بارىسىندا، ءماجىلىستىڭ ورنالاستىرۋلارىن ارقاۋ ەتە وتىرىپ، كەدەن قوسىنىنىڭ تاڭداۋلى ستيلىن جالعاستى اسقاقتاتىپ، زەردەلى كەدەن قۇرىلىسىن جەدەلدەتىپ، ’زەردەلى كەدەندە قۋاتتى ەل‘ ارەكەتىن اتقارىپ، باقىلاۋ -باسقارۋ ونىمدىلىگى مەن قىزمەت وتەۋ دەڭگەيىن جوعارىلاتىپ، مەملەكەت قاقپاسى حاۋىپسىزدىك قالتقىسىن بەكەمدەپ، جوعارى ساپالى دامۋدى ىلگەرىلەتۋگە كۇش ۇستەپ، جوعارى دەڭگەيدە دامىتىپ،’ءبىر بەلدەۋ، ءبىر جول‘وزەكتى رايونى قۇرىلىسىنا كەدەننىڭ كۇش -قۋاتىن ارنايمىز“ دەدى.
لياۋنيڭ ولكەسى يىڭكوۋ قالالىق جوعارى دارەجەلى ورتا مەكتەپتەن كەلگەن وقىتۋشى شين جىحۇڭ قازىر شيحۋ قالالىق 1-ورتا مەكتەپ تولىق ورتا 1 -جىلدىعىنىڭ ادەبيەت وقىتۋشىسى بولىپ ىستەيدى. ول شيحۋداعى وقۋشىلارمەن تەرەڭ دوستىق ورناتقان، شين جىحۇڭ: ”شينجياڭعا كومەككە كەلگەن وقىتۋشى رەتىندە، شينجياڭعا باعىتتامالى كومەكتەسۋ قىزمەتىن باستان -اياق كەلەلى ساياسي جاۋاپكەرشىلىك ساناپ، قىزمەت ورنىمدى تياناق ەتە وتىرىپ بەلسەنە ىستەيمىن؛ ۇيرەنگەندەرىمدى ءاربىر وقۋشىعا شىن ىقىلاسپەن ۇيرەتىپ، مەكتەپتەگى وقىتۋشىلارمەن بىرگە ءوزارا ۇيرەنىپ، بىرگە ىلگەرىلەپ، بىرلىكتە جەتىلىپ، كوپشىلىكپەن ءبىر نيەتپەن سەلبەسىپ، ءبىلىم بەرىپ ادام تاربيەلەۋ سىندى كەلەلى مىندەتىن بىرلىكتە ورىندايمىن“ دەدى.
“قازىر قىستاعىمىز كوركەيىپ، قىستاق تۇرعىندارى باقىتتى تۇرمىسقا كەنەلدى، كوپشىلىك ۇلى كوممۋنيستىك پارتياعا شىن جۇرەكتەن العىس ايتادى. پارتيا ورتالىق كوميتەتىنىڭ قامقورلىعى مەن لياۋنيڭ ولكەسىنىڭ قالتقىسىز كومەگىندە، قىستاعىمىزدا جىل سايىن جاڭا وزگەرىستەر تۋىلۋدا. قازىر يسىنتولاعاي قىستاعى اۆتونوميالى رايوندىق اۋىل -قىستاقتى گۇلدەندىرۋدەن ۇلگى كورسەتەتىن قىستاق قۇرۋ ۇستىندە، ءبىز ءتىپتى دە كوپ داڭققا قول جەتكىزىپ، لياۋنيڭ حالقى سياقتى اناعۇرلىم جاراسىمدى، باقىتتى تۇرمىسقا بىرلىكتە كەنەلۋگە سەنىمدىمىز» دەدى قوبىقسارى موڭعۇل اۆتونوميالى اۋدانى قوستولاعاي قالاشىعى يسىنتولاعاي قىستاعى كوميتەتىنىڭ مەڭگەرۋشىسى يالقۇن مامەت.
شاۋەشەك قالالىق اۋىل شارۋاشىلىعى، اۋىل-قىستاق مەكەمەسىنىڭ ابدىرا اۋىلى كۇجىباي وڭتۇستىك قىستاعىندا تۇراتىن قىزمەت اترەتىنىڭ مۇشەلەرى، قىستاق ”ەكى كوميتەتى“القاسىنىڭ مۇشەلەرى 9 -رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن مۇقيات ۇيرەندى. قىزمەت اترەتىنىڭ باستىعى، قىستاقتىڭ ءبىرىنشى شۋجيى جاڭ جىتاڭ:”9-رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ اشىلۋى كوپشىلىككە زور شابىت سيلادى. جاقىنعى جىلداردان بەرى، پارتيا ورتالىق كوميتەتىنىڭ قامقورلىعىندا، لياۋنيڭ ولكەسىنىڭ قالتقىسىز كومەگىندە تۇتاس قىستاقتاعى كادر -بۇقارا ءبىر نيەتپەن ىنتىماقتاسا وتىرىپ دامۋدى جوسپارلادى، كوپشىلىكتىڭ تۇرمىسى كۇن سايىن جاقسارا ءتۇستى. الداعى قىزمەت بارىسىندا، ءماجىلىس رۋحىن جاپپاي دايەكتىلەندىرىپ، تياناقتاندىرىپ، العىس سەزىمىن ەكپىندەي ىلگەرىلەيتىن كۇش-قۋاتقا اينالدىرىپ، قىستاقتىڭ ءىس جۇزىندىگىن تياناق ەتە وتىرىپ، مال شارۋاشىلىعى كاسىپ سالاسىنىڭ دامۋىن ىلگەرىلەتىپ، ەگىمشىلىك قۇرىلىمىن اناعۇرلىم رەتتەپ، بۇقارانىڭ اۋقاتتانۋ ارناسىن كەڭەيتىپ، قىستاق تۇرعىندارى تۇرمىسىنىڭ بارعان سايىن باقىتتى بولۋىنا مۇمكىندىك جاراتامىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى