گازەتىمىزدىڭ حابارى. قۋانىشتى حابار! ايماعىمىزدان ەكى ادام اۆتونوميالى رايون جاعىنان داڭقتى اتاققا يە بولدى. لي جيانحۇڭ 2023 -جىلعى اۆتونوميالى رايوننىڭ كاسىپورىنداردىڭ”جاڭالىق اشۋ شەبەرى“ اتاعىنا يە بولسا، ۋاڭ شۋەرۋ 7 -كەزەكتى شينجياڭ عىلىم جالپىلاستىرۋ سيلىعىنا يە بولدى.
2023 -جىلى اۆتونوميالى رايونداعى كاسىپورىنداردىڭ”جاڭالىق اشۋ شەبەرلەرىن“ اۆتونوميالى رايوندىق عىلىم -تەحنيكا قوعامى، مەملەكەت مەنشىگىندەگى مال -مۇلىكتى باقىلاۋ -باسقارۋ كوميتەتى، ساۋدا -ونەركاسىپشىلەر بىرلەستىگى باعالادى. لي جيانحۇڭ قوبىقسارى موڭعۇل اۆتونوميالى اۋدانى چۋانرۇڭ شەكتى جاۋاپكەرشىلىك سەرىكتەستىگىنىڭ ماشينا جابدىقتارى باس ينجەنەرى. قىزمەت بارىسىندا لي جيانحۇڭ قاجىرلىلىقپەن زەرتتەپ، ۇيرەنىپ، ۇلگىلىك رولىن ساۋلەلەندىرىپ، جاڭالىق اشۋعا، ناتيجە جاراتۋعا جەتەكشىلىك ەتىپ، تەحنيكالىق قيىن ماسەلەلەر مەن ولقىلىقتاردى كۇش سالا شەشىپ، ۇيرەنگەن كاسىپتىك بىلىمدەرىن ءىس جۇزىندىك وندىرىسكە پايدالاندى، ول باستاعان قوسىن ىلگە رىندى -كە يىندى ىلعالداندىرۋ مۇناراسىنىڭ بۇراندالى جەتكىزۋ ماشيناسى قۇرىلىمىن جاقسارتۋ، قىسقى زاپاس مانەرلەنگەن شيكىزاتتاردى جوتكەۋ جۇيەسىن دەربەس جوبالاۋ جانە جابدىقتاردى تاڭداۋ سياقتى نىسان تەحنيكالارىن جاڭالاۋدى ورىنداپ، كاسىپورىننىڭ دامۋىن قۇدىرەتتى قوزعاۋشى كۇشپەن قامدادى.
7 -كەزەكتى شينجياڭ عىلىم جالپىلاستىرۋ سيلىعىن اۆتونوميالى رايوندىق عىلىم -تەحنيكا قوعامى، عىلىم -تەحنيكا مەڭگەرمەسى، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى باعالايدى. ايماقتىق اۋا رايى مەكەمەسىنىڭ ورىنباسار اعا ينجەنەرى ۋاڭ شۋەرۋ اۋا رايى شەبىندە 25 جىل قىزمەت ىستەپ، جالپىلىق باقىلاۋ جانە الدىن الا مالىمەت بەرۋ، اپاتتان ساقتانۋ، اپات زيانىن ازايتۋ سياقتى كاسىپتەردى باسقارۋ قىزمەتىمەن شۇعىلدانعان. ول ۇزاق ۋاقىت اۋا رايى عىلىمىن جالپىلاستىرۋ بىلىمدەرىن ءتۇسىندىرۋشى بولىپ، عىلىم جالپىلاستىرۋ شاعىن كەسكىنىن ءتۇسىردى. مۇنىڭ ىشىندە، ”اتموسفەرا شارىنىڭ قۇپيالىعى“ بەيجيڭ عىلىم -تەحنيكا گازەتى كليەنتى، بايدۋ، دوۋيىن سياقتى 5 تەكشەدە ءبىر ۋاقىتتا تاراتىلدى. 2022 - جىلى 11 -ايدا ول جۇڭگو عىلىم -تەحنيكا قوعامى جاستار -ورەندەر عىلىم -تەحنيكا ورتالىعى مەن جۇڭگو جاستار -ورەندەر عىلىم - تەحنيكا، وقۋ -اعارتۋ قىزمەتكەرلەرى قوعامى بىرلەسىپ تاراتقان اشىق ساباق باۋلۋ كۋالىگىن الىپ، 2023 -جىلعى بۇكىل شينجياڭ بويىنشا اۋا رايى عىلىمىن جالپىلاستىرۋ، ءتۇسىندىرۋ جارىسىنا قاتىناسىپ، تاڭداۋلى سيلىققا يە بولدى.سونىمەن بىرگە، ول جاساعان عىلىم جالپىلاستىرۋ ۇگىت ساباق دەتالدارى شينجياڭ اۋا رايى عىلمي قوعامى جاعىنان 2022 -جىلعى ۇزدىك عىلىم جالپىلاستىرۋ تۋىندىسى بولىپ باعالاندى.
الداعى جەردە ايماعىمىز سيلانعاندار مەن ولاردىڭ كورنەكتى ناتيجەلەرىن ۇگىتتەۋدى، حابارلاۋدى كۇشەيتىپ، قالىڭ عىلىم ـ تەحنيكا قىزمەتكەرلەرىن عىلىم جالپىلاستىرۋ قابىلەتىن جوعارىلاتۋ جانە جالپى حالىقتىڭ عىلىم ساپاسىن جوعارىلاتۋ قىزمەتىندە ىرىقتىلىقپەن ءىس تىندىرىپ، ايماق ەكونوميكاسى مەن قوعامنىڭ جوعارى ساپالى دامۋىن ىلگەرىلەتۋگە كۇش قوسۋعا ىنتالاندىرادى.
(ماقالانى ايماقتىق عىلىم -تەحنيكا قوعامى قامداعان)
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى