■ ايماقتىق پارتكوم بىرلىكساپ ءبولىمىنىڭ ورىنباسار باستىعى، ايماقتىق ۇلت، ءدىن ىستەرى مەكەمەسىنىڭ باستىعى دۇڭ دىچۋانمەن ارناۋلى سۇحبات
تىلشىلەرىمىز جاڭ ياڭ، اسقات قايرات حابارلايدى. باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ايماقتىق پارتكومنىڭ بىرلىكساپ ءبولىمى قالاي دايەكتىلەندىرىپ، تياناقتاندىراتىندىعى جونىندە ايماقتىق پارتكوم بىرلىكساپ ءبولىمىنىڭ ورىنباسار باستىعى، ايماقتىق ۇلت، ءدىن ىستەرى مەكەمەسىنىڭ باستىعى دۇڭ دىچۋانمەن ارناۋلى سۇحباتتا بولدىق.
”جاقىنعى كۇندەردەن بەرى ايماقتىق پارتكومنىڭ بىرلىكساپ ءبولىمى بارلىق كادرلار مەن جۇمىسشى -قىزمەتكەرلەردى باس شۋجيدىڭ ماڭىزدى ءسوزىنىڭ رۋحىن ىشكەرىلەي ۇيرەنۋگە ۇيىمداستىردى. كوپشىلىك مىنالاردى ءبىلدىردى: ىقىلاستى تاپسىرما جۇرت كوڭىلىن جەلپىندىرىپ، شىنايى ءۇمىت ادامدى العا باسۋعا شابىتتاندىرادى، باس شۋجي شي جينپيڭ نۇسقاعان دۇرىس بەتالىستى بويلاپ، ءبىر نيەتپەن ىنتىماقتاسىپ، قايراتتانا العا ۇمتىلىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ءتۇرلى قىزمەتتىڭ نەگىزگى جەلىسى ەتۋدەن بۇلجىماي، ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەپ، تارباعاتايدىڭ ءتۇرلى ىستەرىنىڭ دامۋىنىڭ جاڭا جاعدايىن ۇزدىكسىز اشامىز“ دەدى 9 -ايدىڭ 7 -كۇنى دۇڭ دىچۋان.
ءتىلشى: بيىل جىل باسىنان بەرى ايماق جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىندە قانداي جەتىستىكتەرگە قول جەتكىزدى؟
دۇڭ دىچۋان: جۇڭحۋا ۇلتى ورتاق تۇلعا تانىمىن بەرىك ورناتۋ ــ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ءارى ۇلتتار وڭىرلەرىنىڭ ءتۇرلى قىزمەتتەرىنىڭ نەگىزگى جەلىسى. ايماقتىق پارتكومنىڭ بىرلىكساپ ءبولىمى ۇلتتار ىنتىماعى، العاباسارلىعى بويىنشا وزات ورىن قۇرۋداعى ”ون ءبىر ورىنعا جەتكىزۋدى“ تۇتقا ەتىپ،”اپتا سايىن ورنالاستىرۋ، اي سايىن قورىتىندىلاۋ، ماۋسىم سايىن ىلگەرىلەتۋ“ شاراسىن قولدانىپ، جۇڭحۋا ۇلتىنىڭ ورتاق رۋحاني مەكەنى قۇرىلىسىن جاپپاي ىلگەرىلەتىپ، ءار ۇلتتىڭ سوتسياليستىك وسىزاماندانۋعا بىرگە قادام تاستاۋىن ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ سياقتى جاقتاردا اۆتونوميالى رايون بويىنشا ۇلتتار ىنتىماعى، العاباسارلىعىنان ۇلگى كورسەتەتىن 17 ورىن قۇردىق. جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، ءار ۇلت بۇقاراسىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى مەن تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەدىك.
ءتىلشى: باس شۋجي شي جينپيڭ بىلاي دەپ اتاپ كورسەتتى: جۇڭحۋا ۇلتى ورتاق تۇلعا تانىمىن بەرىك ورناتۋ ـــ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ءارى ۇلتتار وڭىرلەرىنىڭ ءتۇرلى قىزمەتتەرىنىڭ نەگىزگى جەلىسى. جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن تىڭعىلىقتى يگەرۋ كەرەك. ايماقتىق پارتكومنىڭ بىرلىكساپ ءبولىمى قالاي جاپپاي دايەكتىلەندىرمەكشى، تياناقتاندىرماقشى؟
دۇڭ دىچۋان: ايماقتىق پارتكومنىڭ بىرلىكساپ ءبولىمى جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى ارقاۋ ەتىپ، اۆتونوميالى رايوننىڭ ۇلتتار ىنتىماعى، العاباسارلىعى بويىنشا وزات ورىن قۇرۋ قىزمەت تاجىريبەلەرى اۋىس -كۇيىس ءماجىلىسىنىڭ شاۋەشەك قالاسىندا اشىلۋىن وراي ەتە وتىرىپ، مازمۇنىن بايىتىپ، ءتاسىل مەن ادىستە جاڭالىق اشىپ، “بەرەكەلى شاڭىراق”، “كىرىكپەلى”، “بيڭتۋان مەن جەرگىلىكتى ورىننىڭ توعىسۋى” سياقتى انار گۇلى اشىلدى ۇلتتار ىنتىماعى ماركاسىن كۇش سالا سومداپ، تارباعاتاي حيكاياسىن ويداعىداي بايانداپ، “مەملەكەتتىك ۇلتتار ىنتىماعى، العاباسارلىعىنداعى ۇلگىلى ايماق” جەتىستىكتەرىن ۇزدىكسىز بەكەمدەپ، ۇلتتار ىنتىماعىنىڭ “التىن ءارىپتى ماڭدايشالىعىن” ۇزدىكسىز جارقىراتا تۇسەمىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى