شاۋەشەك قالاسى قاراقاباق اۋىلىنىڭ العا قىستاعى:
ەرىكتى تىلشىلەر لي ديڭچۋان، مىڭ لينيۋان حابارلايدى. تىرشىلىك تىنىسى قاۋلاپ، جۇرت قالاۋىنان شىقتى. 9 ـ ايدىڭ 5 ـ كۇنى شاۋەشەك قالاسى قاراقاباق اۋىلىنىڭ العا قىستاعىنداعى شاعىن بازار تيجاراتىن باستادى، بۇل كولەمى شاعىن بازاردان بۇرىشتى سورپا ءىشىپ، ءتۇرلى قاقتامالاردى جەۋگە دە، شارۋالاردىڭ شاعىن اۋلاسىندا وسكەن جەمىس ـ جيدەك، كوكونىستەردى دە ساتىپ الۋعا بولاتىن بولىپ، كوپتەگەن ادامدى وزىنە باۋرادى.
ۇعىسۋعا قاراعاندا، شاعىن بازار رەسمي تيجارات باستاعان كۇنى، قىستاق ارناۋلى تيجارات باستاۋ سالتىن وتكىزىپ، قىستاق تۇرعىندارى ءان ايتىپ، ءبي بيلەپ، ويىن ويناپ، ورتا بارىنشا دۋمانعا بولەنگەن.
العا قىستاعىنىڭ شاعىن بازارىن قىستاق ”ەكى كوميتەتى“ قىستاق تۇرعىندارىن اتتانىسقا كەلتىرىپ، قىستاقتىڭ كىرە بەرىسىنەن سالعان، بۇرىن بۇل ارادا دا جەمىس ـ جيدەك ساتاتىن بىتىراندى جايما ورنى بار بولاتىن. قازىر، قىستاق”ەكى كوميتەتى“ ءتىپتى كوپ قىستاق تۇرعىندارىن ءبىر اراعا شوعىرلانىپ، مەملەكەت جولىنا جاقىن ورنالاسۋداي وڭىرلىك باسىمدىعى مەن شارۋالار ءونىمىنىڭ داڭقىنا سۇيەنىپ، كوپتەگەن قىستاق تۇرعىندارىن كىرىستەرىن ارتتىرۋعا ۇندەدى.
وسى اراعا كەلىپ زات ساتىپ العان شاۋەشەك قالاسىنىڭ تۇرعىنى سۇڭ شياڭ -ان: ”بۇل شاعىن بازاردان تۇتىنۋشىلار زالالسىز شارۋالار ەككەن كوكونىستى ساتىپ الۋمەن بىرگە، قىستاق تۇرعىندارىنا دا كىرىستى ارتتىرۋ ورايىن ازىرلەپ بەردى“ دەدى.
العا قىستاعىنىڭ تۇرعىنى تيان ايجىن:”مەن بۇرىن شاعىن جايما اشقانمىن، وسى جولى قىستاقتا اشقان شاعىن بازارعا اۋىل شارۋاشىلىق قوسىمشا ونىمدەرىن ساتۋعا كەلدىم، ۇيگە جاقىن بولىپ قالماستان، بوس ۋاقىتتان پايدالانا الامىن. كوپشىلىكتىڭ بۇل اراعا كوبىرەك كەلۋىن ءۇمىت ەتەمىن،ءسوز جوق، باعاسى لايىقتى، زالالسىز، ساپالى ءتۇرلى اۋىل شارۋاشىلىق ونىمدەرىمەن قامدايمىز“ دەدى.
العا قىستاعى پارتيا ياچەيكاسىنىڭ شۋجيى لي حۇڭيۇن: ”قىستاق تۇرعىندارى ءۇيىنىڭ ىرگەسىنەن جايما اشسا، ەگىس جۇمىستارىنا نۇقسان جەتپەۋدەن تىس، كىرىستەرىن دە ۇيلەسىمدى ارتتىرىپ، ەكى جاققا دا ءتيىمدى بولادى. وسى شاعىن بازار ارقىلى ءتىپتى دە كوپ ادامداردى العا قىستاعىن تاماشالاۋعا باۋراپ، كوپتەگەن ادامدى يگىلىككە كەنەلتەمىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى