ءتىلشىمىز ۋاڭ چۋانميڭ حابارلايدى. 8-ايدىڭ 25-كۇنى شاۋەشەك قالاسى ەمىل اۋىلى اياققى ليۋشىڭ قىستاعىنىڭ تۇرعىنى ما ياننىڭ شاعىن اۋلاسىنان جاعىمدى اككوردەون ءۇنى شارىقتاپ، ”سۇيىكتى تارباعاتاي“ءانىنىڭ اۋەنىنە ىلەسە كوپشىلىك ءان سالىپ، بيگە باسىپ، شاعىن اۋلانى دۋمانعا بولەدى.
اياققى ليۋشىڭ قىستاعى حانزۋ، داعۇر، سىبە، ورىس قاتارلى 10 ۇلتتان قۇرالعان كوپ ۇلت شوعىرلى قونىستانعان قىستاق. ۇزاق ۋاقىتتان بەرى كوپ ۇلتتىڭ شوعىرلى قونىستانۋى قىستاقتىڭ مادەنيەتىن توعىستىرىپ، بارعان سايىن جاراسىمدى بولا ءتۇستى.
“اكەم حۇيزۋ، شەشەم داعۇر، جەزدەم حانزۋ، كەلىنىم قازاق. ءار جىلى مەرەكە -مەيرامداردا وتباسىمىز ەرەكشە دۋمانعا بولەنەدى، ويتكەنى تويلايتىن مەرەكەمىز كوپ، دايىندايتىن تاعامنىڭ ءتۇرى دە مول”. ما يان كوپ ۇلتتى شاڭىراقتارىنىڭ جاراسىمدىلىققا تولعان باقىت حيكاياسىن بايانداپ بەردى.
ۇلتتار ىنتىماعى جاراسقان شاڭىراق ۇلتتار ىنتىماعىنىڭ ۇلگىسىنە اينالدى. ما يان وتباسىنىڭ مۇشەلەرى ءار ۇلتتان قۇرام تاپقانىمەن ءبىر ءۇيلى جان تاتۋ -ءتاتتى وتەدى، ءبىر-ءبىرىن قۇرمەتتەپ، ءوزارا ءتۇسىنىسىپ، ءبىر -بىرىنە قولداۋ كورسەتىپ وتىرادى. ءبىر ءۇيلى جان ەجەلدەن ءتۇس شايىسىپ كورگەن ەمەس، جالپى جۇرتقا تانىلعان ۇلتتار ىنتىماعى جاراسقان شاڭىراق.
بالا تاربيەسى جاعىندا ما يان ۇنەمى بالالارىنا ۇلتتار ىنتىماعىنا ءتيىمدى ءىس ىستەۋ، قيىنشىلىعى بار بۇقاراعا كوبىرەك قولعابىس ەتۋ، قوعامعا جارامدى ادام بولۋ جونىندە تاربيە بەرىپ وتىرادى. سوندىقتان دا ما يان وتباسى ەمىل اۋىلىنىڭ قىستاق -دۇيلەرىندەگى بارلىق وتباسىنىڭ ۇيرەنەتىن ۇلگىسىنە اينالعان.
ما ياننىڭ جۇبايى يۇڭ جۇڭ: “وتباسىمىزدىڭ جان سانى كوپ، كوپ ۇلتتان قۇرالعان، تۇرمىس داعدىلارى دا تۇرلىشە، الايدا كوپشىلىك ءبىر -ءبىرىن قۇرمەتتەپ، ءوزارا سيىسىمدى بولىپ، وتە شىعىسىمدى ءوتىپ كەلەدى” دەدى.
ما يان مەن جولداسى كورشى وتىراتىن حى چيڭ وتباسىمەن تاتۋ وتەدى. حى چيڭ داعۇر، جۇبايى حانزۋ. ما يان ۇزاتىلىپ كەلگەننەن بەرى حى چيڭنىڭ جۇبايىمەن جاقىن قۇربى بولىپ ارالاسىپ كەتكەن. بىرنەشە جىلدان بەرى حى چيڭنىڭ جۇبايىنىڭ دەنساۋلىعى جاقسى بولماي جۇرگەندىكتەن، ما يان مەن جولداسى ۇنەمى ولاردىڭ ۇيىنە بارىپ ءۇي جۇمىستارىن ىڭعايلاسىپ، ەگىس جۇمىستارىنا كومەكتەسەدى.
حى چيڭ: “جاقسى كورشى تۋعان تۋىسقانىڭداي بولىپ كەتەدى ەكەن، مۇنداي جاقسى كورشى ءبىزدىڭ باعىمىز ” دەدى.
“اينالامىزدا ما يان سياقتى كوپ ۇلتتان قۇرالعان وتباسىلار وتە كوپ، ولار ىنتىماقتى، بەرەكە -بىرلىكپەن وتەدى، ءبىزدىڭ ۇيرەنۋ ۇلگىمىز سانالادى. الداعى جەردە وسىنى شىعار ءتۇيىن ەتىپ، قيمىل فورمالارىندا ۇزدىكسىز جاڭالىق اشىپ، قيمىل مازمۇنىن بايىتىپ، ءار ۇلت كادرلارى مەن بۇقارانىڭ ءوزارا ارالاسۋ، ىشتەسۋ، توعىسۋ بارىسىندا تۇسىنىگىن تەرەڭدەتۋىنە مۇمكىندىك جاراتىپ، سۇيىسپەنشىلىكتەرىن قويۋلاتىپ، ۇلتتار ىنتىماعى گۇلىن قۇلپىرتا تۇسەمىز” دەدى ەمىل اۋىلدىق پارتكومنىڭ مۇشەسى، بىرلىكساپ ءبولىمىنىڭ مۇشەسى لي چياڭ.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى