سەگىز مىڭ شاقىرىم جول باسىپ،”كومەكتەسۋ“ مەن”نارلەندىرۋدى“ ۇشتاستىرۋدان سۇبەلى تابىس جاراتتى

جولدانعان ۋاقىتى : 2023/9/11 12:00:11

□ لياۋنيڭنىڭ ”اق قار حانىشا“ اتتى بالالار تەاترى شاۋەشەكتە قويىلدى.


□ 2023 -جىلى لياۋنيڭ بالەت ءبيى ۇيىرمەسى تارباعاتايدا كونسەرت قويدى.

□ لياۋنيڭ مەن تارباعاتاي “سەگىز مىڭ شاقىرىمدىق جولداعى ەرلىك سۇيىسپەنشىلىك” اتىنداعى ۋاقىت -كەڭىستىك  اتتاعان يدەيا -ساياسي ساباعىن وزدىردى.

(بۇل بەتتەگى سۋرەتتەر ماتەريال سۋرەتتەن الىندى)

 

□ ءتىلشىمىز جاڭ پەيچي
 
لياۋنيڭ شينجياڭعا كومەكتەسۋدە جۇڭحۋا مادەنيەتىن نەگىزگى جەلى ەتىپ، لياۋنيڭنىڭ مادەنيەتتە قۋاتتى  ولكە باسىمدىعىنا سۇيەنىپ، قوعامنىڭ ءار سالاسىنداعىلاردىڭ كۇشىنەن  پايدالانىپ،”جۇرت كوڭىلىن  نارلەندىرىپ، دامۋدى جەبەۋدى“ارقاۋ ەتە وتىرىپ، كوپ فورمادا”كومەكتەسۋ“، كوپ تۇرعىدان  ”نارلەندىرۋ“ ارقىلى مادەنيەت -  ساياحات كاسىپ سالاسى، سارا  ادەبيەت-كوركەمونەر تۋىندىسىن  جاراتۋ، مادەنيەت جاعىندا قارىم - قاتىناس، اۋىس - كۇيىس جاساۋ  جاقتارىندا كورنەكتى تابىسقا قول   جەتكىزدى.

مەكتەپ اۋلاسى مادەنيەتى جان دۇنيەنى نارلەندىردى
 

2022 - جىلى 6 -ايدا لياۋنيڭ  ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى مەن شينجياڭعا كومەكتەسۋ ۇجىمى  بىرلىكتە”سەگىز مىڭ شاقىرىمدىق جولداعى ەرلىك سۇيىسپەنشىلىك“ اتىنداعى ۋاقىت  ـ  كەڭىستىك اتتاعان يدەيا - ساياسي ساباعىن ءبىر تۇتاس جوسپارلادى. ءداۋىر ۇلگىسى، داليان تەڭىز ىستەرى داشۋەسىنىڭ   پروفەسسورى چۇي جيان -ۋ ”ۇلكەن يدەيا -ساياسي ساباعىن“ تۇعىر ەتە وتىرىپ، قىزىل مادەنيەت ارقىلى مازمۇنىن ”نارلەندىرىپ“، ۇلتتار ىنتىماعى ارقىلى  سۇيىسپەنشىلىكتى ”نارلەندىرىپ“،  لياۋنيڭ - شينجياڭ ەكى جەردەگى   وتانشىل قاھارمان ۇلگىلەردىڭ حيكايالارىن جارىققا شىعارىپ،”1-شىلدە وردەنىنىڭ“ يەگەرلەرى  سۇن جينكۇن، ۋي دى -يوۋ   قاتارلىلاردى كىرىسۋ ءتۇيىنى ەتىپ،   وقۋشىلارعا وزگەشە يدەيا -ساياسي ساباعىن ءوتىپ، بۇكىل مەملەكەتتىڭ كۇشتى اڭىسىن قوزعادى جانە كولەمدى نازارىن اۋداردى.

سونىمەن بىرگە، لياۋنيڭنىڭ جوعارى دارەجەلى كاسىپتىك وقۋ -اعارتۋى  ارقىلى شينجياڭعا كومەكتەسۋ ۇجىمىنىڭ دانەكەر بولۋىندا، تارباعاتاي كاسىپتىك -تەحنيكالىق شۋەيۋانىنداعى وقىتۋشى - وقۋشىلار لياۋنيڭ رەليستى قاتىناس كاسىپتىك - تەحنيكالىق  شۋەيۋانى سياقتى لياۋنيڭدەگى 6  جوعارى دارەجەلى كاسىپتىك  شۋەيۋانمەن ۇزاق ۋاقىتتىق سەلبەستىك، اۋىس - كۇيىس قاتىناسىن ورناتتى. جينجوۋ شىفان جوعارى تەحنيكۋم مەكتەبى مەن تارباعاتاي كاسىپتىك -تەحنيكالىق شۋەيۋانى بۇلتتا حات الىسىپ، ”شالعاي جەردى الىسسىنباي، لياۋنيڭ - تارباعاتاي تىلەكتەس بولىپ كيىم -كەشەك جولداۋ ــ 2022 -  جىلعى لياۋنيڭ مەن تارباعاتايداعى وقىتۋشى - وقۋشىلاردىڭ كاسىپتىك  وقۋ -اعارتۋدى بۇلتتا ىسكە قوسۋ  قيمىلى اپتالىعى جانە’ءساندى كيىم -كەشەك‘ مادەنيەتىمەن شينجياڭدى نارلەندىرۋ اتىنداعى جۇڭحۋانىڭ ءداستۇرلى كيىم -كەشەگىن ۇسىنۋ    سالتىن“ ورىستەتتى.

بۇدان سىرت، ەكى ورىن تاعى ”بۇلتتا قول ۇستاسۋ، شينجياڭدى مادەنيەتپەن نارلەندىرۋ لياۋنيڭ - تارباعاتاي ساپارى“اتىنداعى مەملەكەتتە ءبىر    تۇتاس قولدانىلاتىن ءتىل - جازۋدى جالپىلاستىرۋ قيمىلىن ورىستەتتى؛ ”ماي بوياۋلى سۋرەتتەي قالانىڭ سالتىن   سەزىندىرىپ، تارباعاتاي كاسىپتىك ـ تەحنيكالىق شۋەيۋانىنىڭ كەلبەتىن  ايگىلەۋ“ تاقىرىبىنداعى تۇڭعىش  كەزەكتى تارباعاتاي كاسىپتىك -  تەحنيكالىق شۋەيۋانى وقۋشىلارىنىڭ جول -جوسىن اترەتى كەلبەتى  سياقتى ءبىرقىدىرۋ جەلىلەس كولەمدى قيمىلدار ورىستەتتى. سونىمەن بىرگە، ساباقحاناعا، جاتاققا، اسحاناعا بارۋ، اتا-انالارمەن، وقۋشىلارمەن بايلانىس  جاساۋ، وقۋشىلارمەن دوستاسۋ قيمىلىن ىشكەرىلەي ورىستەتىپ، شينجياڭعا كومەككە كەلگەن وقىتۋشىلار 26 وقۋشىمەن جۇپ قۇراپ   تۋىس بولدى.

لياۋنيڭنىڭ جوعارى دارەجەلى كاسىپتىك وقۋ -اعارتۋ ارقىلى شينجياڭعا كومەكتەسۋ ۇجىمىنىڭ جەتەكشىسى، تارباعاتاي كاسىپتىك -تەحنيكالىق شۋەيۋانىنىڭ باستىعى چىن شيۋجيا: ”الداعى جەردە جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى تاقىرىپ ەتىپ، ءتۇرلى قيمىلداردى ۇزدىكسىز ورىستەتىپ، شينجياڭدى مادەنيەتپەن نارلەندىرۋ قىزمەتىن ناقتى تياناقتاندىرىپ، ناقتىلى ونىمدىلىككە قول جەتكىزەمىز“ دەدى.

تالاي جىلدان بەرى لياۋنيڭ شينجياڭعا كومەكتەسۋدە”شينجياڭدى مادەنيەتپەن نارلەندىرۋدىڭ“ كەلەلى ءمانىن تەرەڭ ءتۇسىنىپ، ۇزدىكسىز ارالاۋ، جاعداي ۇعىسۋ، تۋىستاسۋ،  بايلانىس ورناتۋ، كومەكتەسۋ  ارقىلى ”نارلەندىرۋدىڭ“ اسەرىن ۇلتتار ىنتىماعىن كۇشەيتۋدەن شىنايى  ايگىلەپ، ”نارلەندىرۋ“ ارقىلى ءار ۇلت كادر -بۇقاراسىنىڭ سۇيىسپەنشىلىگىن ارتتىرۋعا كۇش سالدى. 500 رەتتەن ارتىق ءتۇرلى قيمىلداردى  ۇيىمداستىرىپ ورىستەتىپ، شينجياڭعا كومەككە كەلگەن كادرلار مەن دارىندىلار 1000 نان استام وتباسىمەن تۋىستاسىپ، جەرگىلىكتى ورىنداعى كادرلار مەن بۇقارادان جالپى 150   مىڭنان استام ادام -رەت جاعداي  ۇعىسىپ، ارالاسۋدى، ىشتەسۋدى،  توعىسۋدى جەبەۋمەن بىرگە، جۇڭحۋا ۇلتى ورتاق تۇلعا تانىمىن بەرىك  ورناتتى.

 

 

شينجياڭدى مادەنيەتپەن نارلەندىرۋ”قان قۇيۋدى“”قان جاساۋعا“ وزگەرتتى
 

2022 - جىلى شاعانتوعاي اۋدانى   مەملەكەت جولى 219 - لەنياسىنىڭ وڭىرلىك  ورىن باسىمدىعى مەن شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسى ورايىن مىقتى يگەرىپ، شينجياڭعا  كومەكتەسۋ قارجىسىن جانە اۋىل - قىستاقتى گۇلدەندىرۋ ارناۋلى  قارجىسىن ەنگىزۋ ارقىلى قارابۋرا اۋىلى سولتۇستىك قارابۋرا قىستاعىندا  جينجوۋ - شاعانتوعاي ”ۋ - ۋيلي“ۇلتتار سالت - ساناسى ساۋدا -ءدامدى تاعامدار كوشەسىن قۇردى ءارى سول جىلى 6 - ايدا ىسكە قوستى.

”ۇلتتار سالت - سانا مادەنيەتى ءداستۇرلى ويىندارى، جۇڭحۋانىڭ ءداستۇرلى باسەكەلىك قيمىل مادەنيەتى، شينجياڭعا كومەكتەسەتىن ولكە، قالالاردىڭ تاريحي مادەنيەتى، جەرگىلىكتى ورىننىڭ ساياحات مادەنيەتى، پارتيا تاريحىن ۇيرەنۋ تاربيەسى سياقتى فاكتورلاردى كىرىستىرىپ، كورۋ -سەزىنۋ رايونىن قۇرىپ، شاعانتوعايدىڭ ەرەكشەلىككە يە ونىمدەرى جارمەڭكە ءتۇيىنىن بەلگىلەپ، ساياحاتشىلاردىڭ ءدامدى تاعامداردان ءدام تاتىپ، كوڭىل اشۋدان ءلاززاتتانۋىنا مۇمكىندىك جاساۋمەن بىرگە، جەرگىلىكتى ورىننىڭ  ەرەكشەلىككە يە ونىمدەرىن تۇسىنۋىنە جانە ساتىپ الۋىنا مۇمكىندىك  جاراتامىز. بۇقارانىڭ زاتتىق مادەنيەت جاعىنداعى سۇرانىسىن قاناعاتتاندىرۋمەن بىرگە، ءار ۇلت بۇقاراسىنىڭ رۋحاني مادەنيەت جاعىنداعى سۇرانىسىن بارىنشا  جوعارىلاتىپ، كوپشىلىككە سەيىل - سەرۋەن قۇراتىن ورىن ازىرلەيمىز“   دەدى قارابۋرا اۋىلدىق پارتكومنىڭ شۋجيى ۋاڭ ياجۇن.

جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ماڭىزدى قۇرامداس بولىگى بولعان”شينجياڭدى مادەنيەتپەن نارلەندىرۋدىڭ“سامالى تارباعاتايدىڭ بايتاق دالاسىن ءوپتى. جاقىنعى  جىلداردان بەرى لياۋنيڭ ولكەسىنەن شينجياڭعا كومەككە كەلگەن كادرلار شينجياڭدى مادەنيەتپەن نارلەندىرۋدى شينجياڭعا كومەكتەسۋدىڭ ماڭىزدى مازمۇنى ەتىپ،”شينجياڭدى مادەنيەتپەن نارلەندىرۋدى“ ىشكەرىلەي ورىستەتتى.

اسىرەسە، بيىل  لياۋنيڭنىڭ   جەرگىلىكتى تەاترلارى تارباعاتايدا   ارت -ارتىنان قويىلدى. لياۋنيڭ ولكەلىك مۋزيكا -ءبي كوركەمونەر ۇيىرمەسىنىڭ تەاترى، لياۋنيڭ ولكەلىك ءان -ءبي ۇيىرمەسىنىڭ بالالار سەرىك تەاترى، لياۋنيڭ بالەت ءبيى   ۇيىرمەسىنىڭ بالەت تەاترى، لياۋنيڭ حالىق كوركەمونەر تەاترحاناسىنىڭ ”ەڭ سوڭعى كالون“تەاترى سياقتى  تارتىمدى كوركەمونەر نومىرلەرى ارت -ارتىنان بۇقارانىڭ ءۇيىنىڭ ىرگەسىندە قويىلدى. لياۋنيڭنىڭ تاڭداۋلى مادەنيەتىن ”شاقىرىپ اكەلۋمەن“بىرگە، تارباعاتايدىڭ تاڭداۋلى وڭىرلىك مادەنيەتىن دە ”سىرتقا شىعاردى“. پانجيننەن  شينجياڭعا كومەككە كەلگەن قىزمەت اترەتىنىڭ سايكەستىرۋىندە، 2022 - جىلى قوبىقسارى موڭعۇل اۆتونوميالى اۋداندىق جاڭگىر كوركەمونەر   ۇيىرمەسى لياۋنيڭعا بارىپ، مادەنيەت اۋىس -كۇيىسى قيمىلىن ورىستەتىپ، لياۋنيڭ مەن شينجياڭنىڭ ارالاسۋىن، ىشتەسۋىن، توعىسۋىن كۇشەيتتى.

قازىر لياۋنيڭ ولكەسىنەن شينجياڭعا كومەككە كەلگەن كادرلار شينجياڭدى مادەنيەتپەن نارلەندىرۋدە، قايتكەندە ”قان قۇيۋدى“”قان جاساۋعا“ وزگەرتۋگە بولاتىندىعىن ويلاستىرۋدا. تارباعاتاي وتاندى ءسۇيىپ، شەكارانى كۇزەتۋ، ۇلتتار سالت - ساناسى سياقتى ەرەكشەلىككە يە مادەنيەتتى سۇيەنىش ەتىپ، شەكارا ساياحاتى كەشەندى سىناق رايونى قۇرىلىسىن ءبىر تۇتاس جوسپارلاپ ىلگەرىلەتىپ، قىزىل ساياحات، شەكارا ساياحاتى، جەكە اۆتوكولىكپەن ساياحاتتاۋ سياقتى جاڭا كاسىپ كۇيىن، اسىرەسە، دارالىق   ەرەكشەلىككە يە ۇلتتار سالت -ساناسى ساياحاتى مەن تاۋ گۇلىن دانەكەر ەتكەن ەرەكشەلىككە يە ساياحاتتى ارقاۋ ەتىپ، بازارداعى جەتەكشىلىك ەتۋ قۋاتىنا يە ءبىر توپ ونىمدەردى جاراتادى. سول كەزدە تارباعاتايدىڭ اناعۇرلىم كوپ ساياحاتشىنى باۋرايتىنى داۋسىز.

 

 

رەداكتورى : ارداق كامالقان قىزى
 

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
​
مىسالى: «تارباعاتاي اقپارات تورابىنان» الىندى