لياۋنيڭ ءان -ءبي ۇيىرمەسىنىڭ «ايعا ماداق» اتتى كولەمدى ولەڭ -ءبي تەاترى تارباعاتايدا قويىلدى

جولدانعان ۋاقىتى : 2023/9/9 11:52:28

□ ايەلدەر توپتىق ءبيى «تۇڭعيىق تەرۋ».



□ ەرلەر توپتىق ءبيى «سيا».     سۋرەتتى ءتىلشىمىز جاڭ پەيچي تۇسىرگەن
 

تىلشىلەرىمىز جاڭ پەيچي، ۋاڭ ياجۇن  حابارلايدى. جاقىندا لياۋنيڭ ءان -ءبي    ۇيىرمەسىنىڭ «ايعا ماداق» اتتى تارتىمدى دا كولەمدى ولەڭ -ءبي تەاترى تارباعاتاي   مادەنيەت ورتالىعىندا قويىلدى.

بۇل تەاتردا جۇڭگونىڭ ءداستۇرلى مادەنيەتىندەگى ايدى ۇناتاتىن، ايعا قۇمارتاتىن وزگەشە ەستەتيكالىق ىنتىزارلىق ارتقى كورىنىس ەتىلىپ، وسى زامانعى ساحنا تەحنيكاسىنا  سۇيەنىپ، كورىنىسى كوركەم، سەزىمگە باي،   ءمانى تەرەڭ اسەم ساحنالىق ءبي كارتيناسى  ايشىقتالىپ، جۇڭگونىڭ كلاسسيكالىق «اي»   مادەنيەتىندە قامتىلعان كورىنىس، كۇي، سەزىم، ىنتا، اۋەن، ەستەتيكا سياقتىلارعا وسى زامانعى كوركەمونەرلىك سانا ارقىلى تالداۋ جاساۋ نەگىزىندە شىت جاڭا تۇسىنىك بەرىلىپ، جۇڭگولىقتاردىڭ نەشە مىڭ جىلدان بەرگى ەڭ قاراپايىم، ەڭ شىنايى سەزىمى بەينەلەنگەن.

تەاتر جالپى «بەتاشار: شالعاي جاندى ساعىنىشپەن ەسكەن العان ءسات»، «ءبىرىنشى ءبولىم: اي نۇرىنا شومىلعان تاۋ -وزەن»، «ەكىنشى ءبولىم: جاپىراقتار اراسىنان سىعالاعان اي نۇرى»، «ءۇشىنشى تاراۋ: اي جارىعىنداعى جولاۋشى»، «ءتورتىنشى تاراۋ: تۋعان جەردىڭ ايى سۇتتەي جارىق»، «سوڭى: شالعايدان ەلىتۋ» سىندى التى بولىمنەن قۇرالعان. جۇڭگونىڭ قويۋ ءداستۇرلى مازمۇندارى قامتىلعان قۇلاققا ابدەن ءسىڭىستى «تولار ەدى اي قاشان»، «تۇنگى  ساعىنىش»، «كوكتەمنىڭ تۇلەجىگەن ايلى   كەشى» سياقتى كلاسسيكالىق ولەڭدەر، پيپا، ارحۋ سياقتى ۇلت اسپاپتارى، «تۇڭعيىق تەرۋ جىرى»، «ايعا ساعىنىش» سياقتى ۇلتتار ءبيي   سياقتىلاردىڭ ءبار -ءبارى تەاتردا توعىسىپ،  تاماشا جاراسىم تاپقان.

كونسەرت زالى كورەرمەنگە لىق تولدى.  شاۋەشەك قالاسىنداعى كورەرمەن ساۋ شۋليڭ وتباسىنداعى ءۇش جان كونسەرتتى بىرلىكتە   تاماشالادى.

ساۋ شۋليڭ:”بيشىلەر ەرەن ونەرلى ەكەن، ولاردىڭ ارەكەتىنەن وقيعا جەلىسى  اڭعارىلىپ تۇر، ەرەكشە اسەرلەندىك، وسىنداي جوعارى ورەلى مادەنيەت سالتاناتىنان يگىلىكتەنەتىن وراي كوبىرەك بولسا ەكەن“  دەدى.

ۇعىسۋعا قاراعاندا، «ايعا ماداق» اتتى ولەڭ -ءبي تەاترى 2019 -جىلى”بەيجيڭ قالالىق   تەاترحاناسىنىڭ قىزمەت وتەۋ تۇعىرىنداعى ۇزدىك تەاتر“ تىزىمدىگىنە ەنىپ، مەملەكەت  تەاترحاناسىندا ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ ــ ساحنالىق كوركەمونەر تۋىندىلارى كورمەلىك   قويىلىمىنا“ قاتىناسىپتى ءارى لياۋنيڭ ولكەلىك 11 -كەزەكتى كوركەمونەر مەرەكەسىنىڭ  (ولكەلىك ۇكىمەتتىڭ 5 -كەزەكتى مادەنيەت   سيلىعى) ۇزدىك ورىنداۋ سيلىعىن جانە 2020 -جىلعى ”جۇڭگو -ەۆروپا حالىقارالىق مادەنيەت -كوركەمونەر مەرەكەسى“ كاسىپتىك تەاتر  ۇيىرمەسىنىڭ ەڭ ۇزدىك ءبي تەاتر تۋىندىسى سيلىعىن ەنشىلەگەن، مەملەكەت بويىنشا تۇڭعىش «اي» مادەنيەتىن نەگىزگى تاقىرىپ ەتكەن  ولەڭ -ءبي تەاترى ەكەن.

لياۋنيڭ ولكەلىك ءان -ءبي ۇيىرمەسىنىڭ    باستىعى لۇي مىڭ: ”وسى رەت ەڭ كولەمدى  كونسەرت ۇجىمىن باستاپ كەلىپ، ەرەكشە  تارتىمدى، سالتاناتتى كەش سيلادىق. الداعى جەردە تارباعاتايمەن سەلبەسىپ جاتتىعۋ سياقتى ءتىپتى دە كوپ سەلبەستىك نىساندارىن جاساسىپ، تارتىمدى كونسەرتتەرىمىزدى لياۋنيڭ مەن  تارباعاتايدىڭ كورەرمەندەرىنە تارتۋ    ەتپەكشىمىز“ دەدى.

ايماقتىق ءان -ءبي ۇيىرمەسىنىڭ ءبي  رەجيسسەرى ياڭ تيڭ:”كونسەرت قيمىلى  ادەبيەت -كوركەمونەر قىزمەتكەرى بولعان ءبىز ءۇشىن تاجىريبە اۋىستىرۋ، ۇيرەنۋ تۇعىرىن  ورناتتى. الدا قاجىرلىلىقپەن جاتتىعىپ،    تارباعاتاي حالقىنا ءتىپتى دە كوپ، ءتىپتى دە   ۇزدىك تۋىندىلاردى ۇسىنامىز“ دەدى.


 

رەداكتورى : ارداق كامالقان قىزى
 

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
​
مىسالى: «تارباعاتاي اقپارات تورابىنان» الىندى