«اقتەرەك» اتتى ءان تەكسىنىڭ اۆتورى لياڭ شاڭچۋان بۇكىل ەلىمىزدەگى ايگىلى ساياحات مايتالماندارىن باستاپ تارباعاتايعا كەلەتىن بولدى

جولدانعان ۋاقىتى : 2023/9/9 11:11:30

 □لياڭ شاڭچۋان ۇيىندە اقتەرەك قاراۋىل ورنىنا   ارناۋ ءسوز     جازۋدا.

   (سۋرەتپەن    قامداعان   لياڭ شاڭچۋان)
 

ءوز حابارىمىز. 9 -ايدىڭ 9 -كۇنىنەن 14 - كۇنىنە دەيىن «اقتەرەك» اتتى ءان تەكسىنىڭ اۆتورى، ايگىلى اقىن لياڭ شاڭچۋان بۇكىل ەلىمىزدەگى ايگىلى ساياحات مايتالماندارىن باستاپ تارباعاتايعا كەلىپ، «اقتەرەك» ءانى تۋىنداعان جەردى تاعى دا ارالاپ، اۋەلگى ماقساتتى ەسكە ءتۇسىرىپ، مەملەكەت جولى 219 - لەنياسىنىڭ تارباعاتاي بولەگىندەگى مول ساياحات بايلىعىن”جارنامالاپ“، تارباعاتايدى ءتىپتى دە كوپ ادامعا تانىستىرماقشى ەكەن.

وسى رەتكى مادەنيەت - ساياحات قيمىلىن ”كورىكتى شينجياڭ . تارباعاتاي كوزەۋلى جەر“ تاقىرىبىندا تارباعاتاي ايماقتىق مادەنيەت -دەنە تاربيە، راديو -تەلەۆيزيا جانە ساياحات مەكەمەسى ۇيىمداستىرعان ەكەن.
40 جىلدىڭ الدىندا، «اقتەرەك» اتتى ءان بايتاق وتانىمىزدىڭ وڭتۇستىگى مەن سولتۇستىگىنە كەڭىنەن تارالىپ، نەشە ۇرپاق ادامنىڭ جادىندا جاتتالىپ قالدى. كوزدى اشىپ - جۇمعانشا  40 جىل جىلىستاپ وتە شىقتى. وسى رەتكى  مادەنيەت -ساياحات قيمىلىندا لياڭ شاڭچۋان  بۇكىل ەلىمىزدەگى ايگىلى ساياحات مايتالماندارىمەن بىرگە «اقتەرەك» ءانى تۋىنداعان جەردى ەسكە الۋ ساپارىن باستاماقشى، بۇل ءارى تارباعاتايدىڭ تاريحي مادەنيەتىنىڭ توركىن ىزدەۋ ساپارى سانالادى ەكەن.

ولار مەملەكەت جولى 219 - لەنياسىنىڭ  تارباعاتاي بولەگىندەگى گۋمانيتارلىق كورىنىستەر مەن تابيعات كورىنىستەرىن تاماشالاپ، بەيزاتتىق مادەنيەت مۇرالارىن سەزىنىپ، ەرەكشەلىككە يە ءدامدى تاعام، ادەبيەت جاسامپازدىعى سياقتىلاردى كورىپ، تارباعاتايدىڭ    مادەنيەت -ساياحاتىن تانىستىرماقشى ەكەن.

ايگىلى اقىن، ءان تەكسى جازۋشىسى لياڭ ماڭ دا اكەسى لياڭ شاڭچۋانمەن بىرگە تارباعاتايعا كەلىپ، تارباعاتايعا ارناپ ءان جازىپ، جاڭا داۋىردەگى تارباعاتاي حيكاياسىن اناعۇرلىم  ويداعىداي بايانداپ، اكەسىنىڭ پاراساتىن  جالعاستىرماقشى ەكەن.

ۇعىسۋعا قاراعاندا، مەملەكەت جولى 219 - لەنياسىنىڭ تارباعاتاي بولەگىندە كوركەم  كورىنىستەر مول، ۇلتتار سالت - ساناسى قويۋ  بولىپ، ”رومانتيكاعا تولى جول“ دەپ اتالعان ەكەن. تارباعاتاي ايماقتىق مۇراجاي، تارباعاتاي اككوردەون مادەنيەتى كورمە زالى، باقتى وتكەلى، سارعۇسىن ەكولوگيالىق ساياحات رايونى، ەمىل بايىرعى قالا جۇرتى سياقتى كورىنىس تۇيىندەرى جولدىڭ ەكى جاعالاۋىنا  مارجانداي ءتىزىلىپ، شار تاراپتان كەلگەن ساياحاتشىلاردى قارسى العان.

كوركەم كورىنىستەن سىرت، بۇل ارادا  كوپتەگەن ءدامدى تاعامدار، تورە تاباق تاۋىق ەتى، شيحۋ سىراسى، شاۋەشەك ماروجنيى سياقتىلار ساياحاتشىلاردى ءدامدى تاعامدار الەمىنە باستايدى.

”بيىل 4 -ايدا چىڭدۋ اۆياتسيا سەرىكتەستىگىنىڭ تيانفۋ اۋەجايىنان شينجياڭنىڭ شاۋەشەك قالاسىنا توتە قاتىنايتىن EU1815 تۇڭعىش اۆياتسيا لەنياسى اشىلۋى سىچۋان مەن چۇڭچيڭداعى ساياحاتشىلاردىڭ تارباعاتايعا كەلۋىنە  قولايلى جاڭا جول اشتى ءارى ەكونوميكا، ساۋدا، مادەنيەت -ساياحات سياقتى سالالارداعى اۋىس - كۇيىسى مەن سەلبەستىگىنە قولايلىلىق جاراتاتىن’كەڭىستىك كوپىرىن‘سالدى“ دەدى چۇڭچيڭ قالالىق مادەنيەت -ساياحات قوعامىنىڭ ورىنباسار باستىعى چىن تاۋ.

(ماقالانى تارباعاتاي ايماقتىق مادەنيەت - دەنە تاربيە، راديو -تەلەۆيزيا جانە ساياحات مەكەمەسى قامداعان)
 

رەداكتورى : ارداق كامالقان قىزى
 

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
​
مىسالى: «تارباعاتاي اقپارات تورابىنان» الىندى