تولىق جۇمىستاندىرىپ، حالىقتى اۋقاتتاندىرۋ، دامىتۋ ارناسىن كەڭەيتتى

جولدانعان ۋاقىتى : 2023/9/7 11:23:55

□ تارباعاتاي كاسىپتىك -تەحنيكالىق شۋەيۋانىندا وتكىزىلگەن ارناۋلى جۇمىسقا قابىلداۋ جينالىس مايدانى.




□ جۇمىسقا قابىلداۋ جينالىس مايدانىندا ادامدار ءيىن تىرەستى.

□ اۆتونوميالى رايوننىڭ 2023 -جىلعى وڭىرلەر سەلبەستىگى  بويىنشا ارناۋلى جۇمىسقا قابىلداۋ جينالىسىنىڭ باستالۋ سالتى جانە لياۋنيڭ ولكەسىنىڭ ”ءبىر ايماق، ەكى شىعا جۇمىستاندىرۋ جاعىنان كومەكتەسۋ“ بويىنشا جۇمىسقا قابىلداۋ قيمىلىنىڭ مايدانى.

(بۇل بەتتەگى سۋرەتتەر ماتەريال سۋرەتتەن الىندى)

 

تولىق جۇمىستاندىرىپ، حالىقتى اۋقاتتاندىرۋ، دامىتۋ ارناسىن كەڭەيتتى

ــــ لياۋنيڭنىڭ جۇمىستاندىرۋ جاعىنان شينجياڭعا كومەكتەسۋ قىزمەتىنە شولۋ

 

□ ءتىلشىمىز ۋاڭ گاۋشىڭ

جۇمىستاندىرۋ ــ حالىق تۇرمىسىنىڭ نەگىزى، لياۋنيڭ شينجياڭعا كومەكتەسۋدە ءتۇرلى فورمالارمەن   جۇمىستانۋدى جەبەپ، تاربيەلەگەن ادام سانى 136 مىڭ ادام -رەتكە،  ورنالاستىرعان، جۇمىستاندىرعاندار  سانى 50 مىڭنان استام ادام-رەتكە  جەتىپ،”ءبىر ايماق، ەكى شىداعى“ءار ۇلت بۇقاراسىنىڭ تولىق جۇمىستانۋىنا، تۇرمىسىنىڭ بارعان سايىن جاقسارۋىنا مۇمكىندىك جاسادى.

 كاسىپ سالاسى ارقىلى جۇمىستانۋعا جەتەكشىلىك ەتىپ، 53 باقشا رايونى (بازا) نىسان قۇرىلىسى ارقىلى     جەرگىلىكتى ورىننان جۇمىستاندىرعاندار سانى 100 مىڭنان استام ادام -رەتكە جەتتى. سونىمەن بىرگە، جەلىدە جانە جەلىدەن تىس دارىندىلاردى جۇمىسقا قابىلداۋ   جينالىسىن وتكىزىپ، لياۋنيڭ-شينجياڭ اراسىنداعى دارىندىلار اۋىس -كۇيىسىن، سەلبەستىگىن ءونىمدى جەبەدى.
 

ارناۋلى جۇمىسقا قابىلداۋ ارقىلى جۇمىستانۋدى جەبەدى
 

 6 -ايدىڭ 12 -كۇنى اۆتونوميالى رايوننىڭ 2023 -جىلعى وڭىرلىك   سەلبەستىك بويىنشا ارناۋلى جۇمىسقا قابىلداۋ جينالىسىنىڭ باستالۋ سالتى  جانە لياۋنيڭ ولكەسىنىڭ ”ءبىر ايماق، ەكى شىعا جۇمىستاندىرۋ جاعىنان كومەكتەسۋ“ بويىنشا جۇمىسقا قابىلداۋ قيمىلى شيحۋ قالاسىندا وتكىزىلدى. لياۋنيڭدەگى، شينجياڭداعى 327  كاسىپورىن مۇناي -حيميا ونەركاسىبى، توقىماشىلىق، ماشينا جاساۋ، بازار   ساۋداسى، اس -سۋ، ساياحات سياقتى سالالاردى قامتىعان  4590 جۇمىس ورنىن ازىرلەپ، توڭىرەكتەگى  وڭىرلەردەگى جوعارى مەكتەپتەن وقۋ بىتىرگەن كوپتەگەن وقۋشىلاردى، قوسىننان شەگىنگەن اسكەريلەردى، جۇمىسسىزدىقتى تىزىمگە الدىرعانداردى قاتىناسۋعا باۋراپ، ادام كۇشى بايلىعىمەن قامداۋ - قاجەتسىنۋدىڭ سايكەستى ۇشتاسۋىن ءونىمدى ىلگەرىلەتتى.

شيحۋ قالالىق پارتكوم ۇيىمداستىرۋ ءبولىمىنىڭ ورىنباسار باستىعى، ادام  كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى  تيان جيانچياڭ: “وسى رەتكى قيمىل لياۋنيڭ ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ زور كۇشپەن قولداۋىنا يە بولىپ، وڭىرلەردىڭ  سەلبەسە دامۋىنا تىڭ ءورىس اشىپ، تىڭ ومىرشەڭدىك كۇش ۇستەپ، جۇمىستاندىرۋ جاعىنان شينجياڭعا كومەكتەسۋگە قىزمەت وتەۋدى تەرەڭدەتىپ، وڭىرلەردىڭ ادام كۇشى بايلىعىنىڭ اۋىس-كۇيىسىنەن بىرگە يگىلىكتەنۋىن جەبەدى. وسى رەتكى قيمىلدى وراي ەتە وتىرىپ، وڭىرلەردىڭ سەلبەستىگىن كۇشەيتىپ، قىزمەت ادىسىندە ۇزدىكسىز جاڭالىق اشىپ، ءتۇرلى كاسىپورىندار مەن قىزمەت ىزدەۋشىلەرگە ويداعىداي قىزمەت وتەۋگە قۇلشىنىپ، ءوڭىر  ەكونوميكاسىنىڭ جوعارى ساپالى  دامۋىنا ۇلەس قوسامىز” دەدى.

 6 -ايدىڭ 13 -كۇنى لياۋنيڭ  ولكەسىنىڭ ”ءبىر ايماق، ەكى  شىعا جۇمىستاندىرۋ جاعىنان كومەكتەسۋ“  بويىنشا جوعارى مەكتەپتەن وقۋ بىتىرگەن وقۋشىلاردى ارناۋلى جۇمىسقا قابىلداۋ قيمىلى تارباعاتاي كاسىپتىك -  تەحنيكالىق شۋەيۋانىندا قىزعىن  وتكىزىلدى. لياۋنيڭداعى، شينجياڭداعى 20 نەشە كاسىپورىن توقىماشىلىق، بازار ساۋداسى، اس-سۋ، ساياحات سياقتى سالالاردى قامتىعان 200 دەن استام جۇمىس ورنىمەن قامداپ، جوعارى مەكتەپتەن وقۋ بىتىرگەن 1000 نان  استام وقۋشى جۇمىسقا قابىلداۋ  جينالىسىنا قاتىناستى. جۇمىسقا قابىلداۋ جينالىسىندا جۇرت ءيىن تىرەستى،  كورمە تاقتاسىنىڭ الدىندا،  جۇمىس  ىزدەۋشىلەر جۇمىسشى قابىلداۋ  تۇسىندىرمەسىن وقىپ، كاسىپورىننىڭ جۇمىسقا قابىلداۋ قىزمەتكەرلەرىنەن قىزمەت ورنىنا قاتىستى  ينفورماتسيالاردى ۇعىستى.

“وسى رەتكى جۇمىسقا قابىلداۋ  قيمىلى ارقىلى كوڭىلدەگىدەي قىزمەت تاۋىپ، ۇيرەنگەندەرىم ارقىلى   كاسىپورىننىڭ دامۋىنا كۇش ۇستەپ، مەملەكەت ەكونوميكاسىنىڭ دامۋىنا ءبىر كىسىلىك ۇلەسىمدى قوسۋ    ويىندامىن” دەدى تارباعاتاي  كاسىپتىك -تەحنيكالىق شۋەيۋانىنىڭ وقۋشىسى جىبەك قارقىن.

ۇعىسۋعا قاراعاندا، وسى رەتكى جۇمىسقا قابىلداۋ جينالىسىن لياۋنيڭ ولكەلىك ادام كۇشى بايلىعى جانە  قوعامدىق قامتاماسىزداندىرۋ  مەڭگەرمەسى ۇيىمداستىرىپ،  تارباعاتاي ايماقتىق ادام كۇشى بايلىعى جانە قوعامدىق قامتاماسىزداندىرۋ  مەكەمەسى مەن تارباعاتاي كاسىپتىك-تەحنيكالىق شۋەيۋانى جاۋاپتى بولىپ وتكىزگەن ەكەن. جوعارى مەكتەپتەن وقۋ بىتىرگەن وقۋشىلاردى ارناۋلى جۇمىسقا قابىلداۋ جينالىسىن، وڭىرلەر   سەلبەستىگى بويىنشا جۇمىسقا قابىلداۋ ارناۋلى جينالىسىن وتكىزۋ ارقىلى لياۋنيڭ مەن شينجياڭنىڭ وڭىرلەر  دارىندىلار اۋىس -كۇيىسى مەن  سەلبەستىگىن جەبەپ، جۇمىس ورنىن ورنىقتىرىپ، جۇمىستانۋدى جەبەۋ  ساياساتىنىڭ تياناقتانۋىن جەدەلدەتىپ، شينجياڭداعى جوعارى مەكتەپتەن وقۋ بىتىرگەن وقۋشىلاردى جەلىدە،  جەلىدەن تىس جۇمىس ورنىمەن قامداپ جانە جۇمىستانۋىنا جەتەكشىلىك ەتىپ، ءبىر باعىتتا كومەك بەرۋدەن قوس باعىتتا سەلبەسىپ، تەڭ يگىلىككە  كەنەلۋگە بۇرىلىس جاساۋ جاعىندا    ىزدەنىس جاساۋ ارقىلى باسىمدىقتاردى ءوزارا تولىقتاپ، ءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرۋ ماقسات ەتىلگەن ەكەن.

لياۋنيڭ ولكەلىك جۇمىستاندىرۋعا جانە دارىندىلارعا قىزمەت وتەۋ  ورتالىعىنىڭ ورىنباسار مەڭگەرۋشىسى ساي مين: ”وسى رەتكى قيمىلعا لياۋنيڭ ولكەلىك ادام كۇشى بايلىعى جانە قوعامدىق قامتاماسىزداندىرۋ  مەڭگەرمەسى وسكەلەڭ ءمان بەرىپ، شينجياڭداعى جوعارى مەكتەپتەن وقۋ بىتىرگەن وقۋشىلاردىڭ لياۋنيڭعا بارىپ جۇمىستانۋىنا كومەكتەسۋ ماقساتىندا 20 كاسىپورىننان 226 جۇمىس ورنىن تاڭداپ شىقتى. تارباعاتاي كاسىپتىك -تەحنيكالىق شۋەيۋانىنا بارىپ، مەكتەپ اۋلاسىندا ارناۋلى جۇمىسقا قابىلداۋ  جينالىسىن وتكىزدىك. كەلەسى قادامدا شينجياڭعا كومەكتەسۋ قىزمەتىن ۇزدىكسىز جاقسى ىستەپ،  وقۋ بىتىرگەن شينجياڭدىق وقۋشىلاردى جەلىدە،   جەلىدەن تىس جۇمىس ورنىمەن  قامداپ، وقۋ بىتىرگەن اناعۇرلىم كوپ  وقۋشىلاردىڭ لياۋنيڭدا جوعارى ساپالى جۇمىستاندىرۋ ويىندامىز“ دەدى.

 

شىن پەيىلمەن سەلبەسىپ ىستەپ، جۇمىستانۋدى جەبەدى
 

سونىمەن بىرگە، شينجياڭعا  باعىتتامالى كومەكتەسۋ قىزمەتىن سايكەستىرۋ جانە ءتۇيىلىستىرۋ ءۇشىن، بىرىككەن ءماجىلىس ءتۇزىمىن ورناتتى. بىرىككەن ءماجىلىس شينجياڭ ۇيعۇر اۆتونوميالى رايوندىق ادام كۇشى  بايلىعى جانە قوعامدىق   قامتاماسىزداندىرۋ مەڭگەرمەسىنىڭ، لياۋنيڭ ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ، تارباعاتاي ايماقتىق اكىمشىلىك مەكەمەسىنىڭ قاتىستى  جاۋاپتىلارىنان قۇرام تاپتى. ءۇش جاق شينجياڭعا كومەكتەسۋ (كومەك قابىلداۋ) قىزمەتىنە جاۋاپتى ادامدار مەن بايلانىس جاسايتىن قىزمەتكەرلەردى  ايىرىم -ايىرىم تۇراقتاندىرىپ، كومەك قابىلدايتىن وڭىرلەر مەن كومەكتەسەتىن وڭىرلەردەگى ادام كۇشى بايلىعى جانە قوعامدىق قامتاماسىزداندىرۋ تاراۋلارىمەن ناقتى كومەكتەسۋ قىزمەتى كەلىسىمىن جاساستى. تۇراقتى ۋاقىتتا شينجياڭعا كومەكتەسۋ قىزمەتى جونىندە پىكىر اۋىستىرۋ، سايكەستىرۋ  ءماجىلىسىن، قاجەتتى كەزدە بىرىككەن ءماجىلىس اشىپ، كومەكتەسۋ   قىزمەتىنىڭ اياق الىسىن ءوزارا   حابارلاندىرىپ، ناقتى ماسەلەلەردى سايكەستىرىپ شەشىپ وتىردى،  ءماجىلىستى لياۋنيڭ ولكەسى مەن شينجياڭ ەكى جاق كەزەكپەن   ۇيىمداستىردى.

”14-بەسجىلدىق“ مەزگىلىندە لياۋنيڭ ولكەلىك ادام كۇشى بايلىعى جانە قوعامدىق قامتاماسىزداندىرۋ   مەڭگەرمەسى ءار جىلى ولكە (قالا) ەكى دارەجەلى 10 كاسىپتىك تىرەكتى كادردى تارباعاتاي ايماعىنىڭ مادەنيەت اۋىس -كۇيىسى قيمىلىنا قاتىناسۋعا ءارى 10 كۇندىك ۋاقىتپەن ناقتى ورىندا اۋىس-كۇيىس جاساپ، جەتەكشىلىك ەتۋگە تاڭداپ جىبەرىپ، ەكى جاقتىڭ ادام كۇشى جانە قوعامدىق قامتاماسىزداندىرۋ كادرلارىنىڭ   ارالاسۋىن، ىشتەسۋىن، توعىسۋىن تەرەڭدەتىپ، ادام كۇشى جانە  قوعامدىق قامتاماسىزداندىرۋ   قىزمەتىنىڭ كاسىپ جۇيەسى قۇرىلىسى، ءتۇزىم رەفورماسى، ءىس بىتىرۋگە   قىزمەت وتەۋ سياقتى جاقتاردا اۋىس -كۇيىس جاساپ، جەتەكشىلىك ەتتى.

لياۋنيڭ ولكەلىك ادام كۇشى جانە قوعامدىق قامتاماسىزداندىرۋ مەڭگەرمەسى ءار جىلى تارباعاتايداعى ايماق، اۋدان ەكى دارەجەلى ادام كۇشى جانە قوعامدىق قامتاماسىزداندىرۋ جۇيەسىندەگى كاسىپتىك تىرەكتىلەر، جۇمىستانۋ، شارۋاشىلىق قۇرۋ  شەبەرلەرى، كاسىپتىك-تەحنيكالىق  شەبەرلەر سياقتىلاردان 20 ادامدى   قابىلداپ، 10 كۇندىك ۋاقىتپەن ادام كۇشى بايلىعى جانە قوعامدىق  قامتاماسىزداندىرۋ كاسىبى، تەحنيكالىق شەبەرلىك تولىمدىلىعىنا باۋلۋ،  جۇمىستانۋ، شارۋاشىلىق قۇرۋ  قيمىلى سياقتى ارناۋلى كاسىپتىك تاربيەلەۋ جۇرگىزدى. لياۋنيڭ ولكەلىك ادام  كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ   جەتەكشىلىك اسەرىن تولىق  ساۋلەلەندىرىپ، تارتىمدى ادىستەر مەن تاجىريبەلەردى  ويداعىداي  ۇگىتتەدى.

ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىستانۋدى جەبەۋ ءبولىمىنىڭ   باستىعى ما چيڭچۋان: “لياۋنيڭ ولكەلىك ادام كۇشى بايلىعى جانە قوعامدىق قامتاماسىزداندىرۋ  مەڭگەرمەسىنىڭ ادام كۇشى، اقىل-وي كۇشى، تاربيەلەۋ سياقتى جاقتارداعى كومەگىندە، ايماقتىڭ جۇمىستاندىرۋ قىزمەتىندە جاڭا وي جەلىس ورناتىپ، جاڭا جاعداي اشىپ، اناعۇرلىم كوپ داشۋە وقۋ بىتىرگەن وقۋشىلاردىڭ  جۇمىستانۋىنا، شارۋاشىلىق قۇرۋىنا وراي جانە قولايلىلىق جاراتامىز” دەدى.

مۇنان سىرت، بيىل شىنياڭ ۋجۇي عىلىم -تەحنيكا شەكتى سەرىكتەستىگى شاۋەشەك قالاسى مەن شيحۋ قالاسىندا قارجى قوسىپ زاۆود سالىپ، اۋىل شارۋاشىلىعى عىلىم -تەحنيكاسى ارقىلى شينجياڭعا كومەكتەسۋدىڭ نەگىزگى شايقاس مايدانىنا ات سالىسىپ، ماقتا، جۇگەرى، ءبيداي سياقتى داقىلدارعا   تىڭايتقىشتى سۇرىپتاپ بەرۋدى جۇزەگە اسىرۋ ءۇشىن، 5000 شارشى مەترلىك جابدىق سەپتەۋ سەحى مەن سىناق رەتىندە ۇشىرۋ بازاسىن قۇرىپ، 300 دانا دارا قالاقشالى وسىمدىك قورعاۋ اپپاراتىن دايىنداپ، 200 دەن استام ۇشىرۋشىنى تاربيەلەپ، 300 دەن استام جۇمىس ورنىن ازىرلەدى.

كەلەسى قادامدا لياۋنيڭ  وڭىرلەردىڭ سەلبەستىگىن ءتۇيىلىستىرۋ اۋىس -كۇيىس تۇعىرىن كەمەلدەندىرىپ، ولكە اتتاعان، بيڭتۋان مەن جەرگىلىكتى ورىن اتتاعان  جۇمىستانۋعا قىزمەت وتەۋ سەلبەستىگىنىڭ دەڭگەيىن جوعارىلاتىپ، شىعىس -باتىس بولىكتىڭ سەلبەستىگىن جانە ءتۇيىندى كومەكتەسۋ -سۇيەمەلدەۋ  قىزمەتىن تەرەڭدەتىپ، جۇمىستاندىرۋ جاعىنان شينجياڭعا كومەكتەسۋگە قىزمەت وتەۋدى ساپالىلاندىرىپ، لياۋنيڭ مەن   شينجياڭداعى “ءبىر ايماق، ەكى شىنىڭ” كەڭ كولەمدى ارالاسۋىنا، جان-جاقتى ىشتەسۋىنە، تەرەڭدەي توعىسۋىنا  بەرىك نەگىز قالاماقشى ەكەن. 


 

رەداكتورى : ارداق كامالقان قىزى
 

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
​
مىسالى: «تارباعاتاي اقپارات تورابىنان» الىندى