شيحۋ فوشان مەملەكەتتىك ورمان باقشاسى:
ءتىلشىمىز جاڭ گوحۇي، ەرىكتى ءتىلشى سەرچين حابارلايدى. كۇز باسى،”كوركەم القاپ، تابيعي وتتەگى قامباسى“ اتالعان شيحۋ فوشان مەملەكەتتىك ورمان باقشاسىنىڭ ءىشى جاسىل جەلەك جامىلىپ، الۋان گۇلدەر قۇلپىرا اشىلعان. بۇل ارانىڭ كورىنىسى كوركەم بولىپ قانا قالماستان، ادامدارى دا وتە جايدارى، ولار وسى ارادا ۇلتتار ىنتىماعى، العاباسارلىعىنىڭ جاراسىمدى كارتيناسىن بىرگە كەستەلەۋدە.
شيحۋ فوشان مەملەكەتتىك ورمان باقشاسى اۆتونوميالى رايوندىق تيانشاننىڭ شىعىس بولىگىندەگى مەملەكەت مەنشىگىندەگى ورمان باسقارۋ مەكەمەسىنىڭ شيحۋ بولىمشە مەكەمەسىنە قاراستى، 2015 - جىلى 1 -ايدا مەملەكەتتىك A4 دارەجەلى ساياحات ـ كورىنىس رايونى بولىپ بەكىتىلگەن. باقشانىڭ جالپى اۋماعى 50875.84 گەكتار بولىپ، دەپسىن، بايىنعۇل سياقتى كورىنىس رايوندارىنان قۇرالعان، تاۋعا جاستانىپ، سۋ جاعالاي ورنالاسقان كورىنىس رايوندارىنىڭ كوركەم كورىنىسى جاندى ەلىتەدى، شينجياڭداعى تانىمالىلىعى مەن ىقپال كۇشى زور كورىنىس رايوندارىنىڭ ءبىرى.
جاقىنعى جىلداردان بەرى، شيحۋ فوشان مەملەكەتتىك ورمان باقشاسى جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، ۇلتتار ىنتىماعى، العاباسارلىعىنداعى ۇلگىلى ورىن قۇرۋدى كورىنىس رايونىنا جەتكىزۋ قىزمەتىن بەلسەنە ىلگەرىلەتىپ، ۇلتتار ىنتىماعى، العاباسارلىعىنداعى ۇلگىلى ورىن قۇرۋ مەن ساياحات كاسىپ سالاسىن ىشكەرىلەي توعىستىرۋ جاعىندا ىزدەنىس جاساپ، تىلەك توعىستىرۋ ارقىلى كورىنىس قالىپتاستىرىپ، كورىنىس ارقىلى رۋحتى سومداپ، ءار ۇلت بۇقاراسىنىڭ ساياحاتتاۋ بارىسىندا كەڭىنەن ارالاسۋىن، جان - جاقتى ىشتەسۋىن، تەرەڭدەي توعىسۋىن ىلگەرىلەتتى.
اۆتونوميالى رايوندىق تيانشاننىڭ شىعىس بولىگىندەگى مەملەكەت مەنشىگىندەگى ورمان باسقارۋ مەكەمەسى شيحۋ بولىمشە مەكەمەسى پارتكومىنىڭ شۋجيى، ورىنباسار مەكەمە باستىعى جاڭ جيانجياڭ:”بيىل باقشامىز ۇگىت ۇلگىسىندە ۇزدىكسىز جاڭالىق اشىپ، تەلەفيلم ءتۇسىرۋ، جاڭا مەديا، الەۋمەتتىك يگىلىك جارناماسى سياقتى فورمالاردان پايدالانىپ، پارتيانىڭ ۇلت نازارياسىن، ساياساتىن ۇگىتتەدى. جياڭجۇن اڭعارى، فوشان تاسى، يۇيجينشياڭيۋان، بۇعى باقشاسى سياقتى كورىنىس تۇيىندەرىن تۇسىندىرگەندە ۇلتتار ىنتىماعى جونىندەگى حيكايالاردى ساياحات تۇسىندىرمەسىمەن ۇشتاستىرىپ، ساياحاتشىلارعا كورىنىس تۇيىندەرىن تۇسىندىرۋمەن بىرگە، ۇلتتار ىنتىماعىنا قاتىستى ناقتى، جاندى ىزگى ىستەردى دە ۇعىندىردىق“ دەدى.
مۇنان تىس، كورىنىس رايونى ۇلتتار ىنتىماعىن ءداستۇرلى مادەنيەتپەن ۇشتاستىرىپ، مەرەكە كەزىندە ”جۇڭحۋا ۇلتى ءبىر ءۇيلى جانداي ەتەنە بولىپ، جۇڭگو ارمانىن ءبىر نيەتپەن سومداۋ“ جەلىلەس قيمىلىن ورىستەتتى ءارى كورىنىس رايونىندا ”بۇعى دويبى جارىسى“، ”بوكى“ سياقتى بەيزاتتىق مادەنيەت مۇرا تۇرىندەگى جارىستاردى جانە ”اقىندار ايتىسى“، ”جاڭگىر“ سياقتى ەرەكشەلىككە يە مادەنيەت قيمىلدارىن وتكىزىپ، ءار ۇلت ساياحاتشىلارىنا ۇلتتىق ءداستۇرلى مادەنيەت كوركەمونەرىنىڭ باۋراۋ قۋاتىن سەزىندىردى.
ۇعىسۋعا قاراعاندا، باقشا قۇرىلعاننان بەرى، ىلگەرىندى -كەيىندى”اۆتونوميالى رايون دارەجەلى ەكولوگيالىق وركەنيەت تاربيەسى بازاسى“،”تارباعاتاي ايماعىنىڭ ۇلتتار ىنتىماعى، العاباسارلىعىنداعى ۇلگىلى ورىن“، ”اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى ورىن“ سياقتى داڭقتى اتاقتارعا يە بولعان.
”باقشا باسقارۋ كوميتەتى’ۇلتتار ىنتىماعى، العاباسارلىعىنداعى ۇلگىلى ورىن قۇرۋ + ساياحات‘ سىندى قىزمەت ۇلگىسىن بىرتىندەپ قالىپتاستىرىپ، ساياحاتتى تانىستىرۋدى ۇلتتار ىنتىماعى ۇستانىمىن ۇگىتتەۋدىڭ، جۇڭحۋا ۇلتى ورتاق تۇلعا تانىمىن بەرىك ورناتۋداعى يدەيالىق شىڭدالۋدىڭ ءونىمدى دانەكەرىنە اينالدىردى“ دەدى جاڭ جيانجياڭ.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى