ەرىكتى تىلشىلەر حى شيۋجۋان، سۋ مانيۇي حابارلايدى. ءدوربىلجىننىڭ كوركەم تاۋ -سۋلارى ءوزارا جاراسىم تاۋىپ، مادەنيەتى بىتە قايناسىپ شۇعىلا شاشقان. جۋىق جىلداردان بەرى ءدوربىلجىن اۋدانى جەرگىلىكتى ورىننىڭ مول جاراتىلىستىق بايلىعىنان تولىق پايدالانىپ، ءبىر قىدىرۋ مادەنيەت -ساياحات ارقىلى حالىققا تيىمدىلىك جەتكىزۋ قيمىلدارىن ىلگەرىندى - كەيىندى ورىستەتىپ، مادەنيەت پەن ساياحاتتىڭ تەرەڭدەي توعىسا دامۋىن ۇزدىكسىز ىلگەرىلەتىپ، “تاۋ -وزەنى ۇلاسقان ءدوربىلجىن. بارعان سايىن گۇلدەنۋدە” ماركاسىنىڭ تانىمالىلىعىن اناعۇرلىم اسىرا ءتۇستى.
8 -ايدىڭ 23 -كۇنى كەشتە”تاۋ -وزەنى ۇلاسقان ءدوربىلجىندى مەيلىنشە ساياحاتتاۋ“ اتىنداعى المالى ساي دالالىق مۋزيكا مەرەكەسى ءدوربىلجىن اۋدانىنىڭ المالى ساي كورىنىس رايونىندا سالتاناتپەن وتكىزىلىپ، ساياحاتشىلارعا ءبىر مايدان باي مازمۇندى كونسەرت نومىرلەرىن تارتۋ ەتتى. جاندى ەلىتەر بارابان ءۇنى مەن قۇلاقتان كىرىپ بويدى الار ءان اۋەنىنە ىلەسە،ساياحاتشىلار قولدارىنداعى جارقىراۋىق تاياقشالارىن بۇلعاپ، مۋزيكا اۋەنىمەن بىرگە تەربەلىپ، انگە باسىپ، مۋزيكادان مەيلىنشە ءلاززاتتاندى.
ساياحاتشى ما جيڭ: “بۇل ارانىڭ كورىنىسى كوركەم بولىپ قالماستان، ءدامدى تاعامدارى مول ەكەن، بۇگىنگى مۋزيكا مەرەكەسى كوڭىلىمىزدەن شىعىپ، تارتىمدى مۋزيكا كەشىن سيلادى” دەدى.
بيىل جىل باسىنان بەرى ءدوربىلجىن اۋدانى ىلگەرىندى -كەيىندى”شاعىن دالالىق لاگەر مەرەكەسى“، ”تاۋلى ءوڭىر دالالىق ۆەلوسيپەد جارىسى“سياقتى 6 مايدان تۇرلىشە مادەنيەت -ساياحات قيمىلدارىن وتكىزىپ، 50 مىڭنان استام ادام -رەت ساياحاتشىنى ات سالىسۋعا باۋرادى، بۇل قيمىلدار قالىڭ بۇقارانىڭ رۋحاني مادەنيەت تۇرمىسىن بايىتىپ قالماستان، جەرگىلىكتى ورىن ەكونوميكاسىنىڭ ارتۋىن جەبەدى.
ءدوربىلجىن اۋداندىق مادەنيەت، دەنە تاربيە، راديو-تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى فان شينبين:”قازىرگە دەيىن ءدوربىلجىن اۋدانى 5 تۇردەگى 10 نان استام جەلىلەس مادەنيەت -ساياحات مەرەكەسى قيمىلىن 70 نەشە رەت وتكىزىپ، قالىڭ بۇقارانىڭ كەڭىنەن نازار اۋدارىپ، ات سالىسۋىنا يە بولدى. الداعى جەردە، قيمىل ارقىلى تۇعىر ورناتۋ، مادەنيەت -ساياحات كونسەرتى، ساۋدانى جەبەۋ سياقتى فورمالارمەن ءدوربىلجىن اۋدانىنىڭ مادەنيەت-ساياحات كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرىپ، ايگىلى ماركا جاراتۋ، ساياحاتشىلاردى باۋراۋ، تۇتىنۋدى جەبەۋ، بۇقاراعا تيىمدىلىك جاراتۋ، دامۋدى كۇشەيتۋ نىساناسىن جۇزەگە اسىرامىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى