باقاي قىستاعى: ورگانيكالى اشتى قيار كىرىستى ارتتىردى

جولدانعان ۋاقىتى : 2023/8/28 17:36:54

□ حۋاڭ يجىن ءوزىنىڭ كوكونىس ەگۋ بازاسىندا اشتى قيار ۇزۋدە.   سۋرەتتى ەرىكتى ءتىلشى جيا رۇڭشيا تۇسىرگەن

ەرىكتى تىلشىلەر جيا رۇڭشيا،  كاڭ بين حابارلايدى. ”3 مۋ جەرگە اشتى قيار ەكتىم، كۇنىنە 200 كيلوگرام ءونىم  الامىن. تولايىم ساتۋ باعاسىنىڭ ءار كيلوگرامى 4 يۋان بولىپ، اشتى قيار ساتۋدان ءار كۇنى 1000 يۋانعا جۋىق كىرىس كىرگىزەمىن، قازىر ءبىر مۋ جەردەگى اشتى قياردان 15 مىڭ يۋاننان استام كىرىس كىرەدى“ دەدى جۋىقتا شيحۋ قالاسى باسىحۋ اۋىلى باقاي قىستاعىنداعى ەگىمشىلىكپەن شۇعىلداناتىن ءىرى وتباسى حۋاڭ يجىن.

جاقىنعى جىلداردان بەرى باسىحۋ اۋىلدىق پارتكوم پارتيا قۇرىلىسىن جەتەكشى ەتۋ ارقىلى كوكونىس كاسىپ سالاسىنىڭ دامۋىن جەبەۋگە تاباندى   بولىپ، كوكونىس ەگەتىن وتباسىلارىن جاسىل كوكونىس ەگۋ ۇلگىسىن قولدانۋعا بار كۇشپەن جەتەلەپ،  ەككەن اشتى قيار، اس سۇتتەگەن،   پاميدور سياقتى كوكونىستەرى قالىڭ ساتىپ الۋشى ساۋداگەرلەردىڭ قىزۋ قارسى الۋىنا يە بولىپ، بۇكىل ەلدىڭ جەر -جەرىنە ساتىلىپ، قىستاق  تۇرعىندارىنىڭ جاسىل كوكونىس ەگۋگە سۇيەنىپ كىرىستەرىن ارتتىرىپ، اۋقاتتانۋلارىن جۇزەگە اسىردى.

”بيىل 7 -ايدا قىستاعىمىزدىڭ پارتيا ياچەيكاسى بەيجيڭدەگى كىدا كوكونىس سەرىكتەستىگىمەن اشتى قيار جانە پاميدور ساتىپ الۋ -ساتۋ   كەلىسىمىنە قول قويىسىپ، ءار كۇنى توڭازىتىپ ساقتاۋ اۆتوموبيلىمەن 10 نەشە توننا اشتى قيار، پاميدوردى جونەلتىپ، كوكونىستىڭ ءار   كيلوگرامىنىڭ باعاسى جەرگىلىكتى ورىنداعى ساتۋ باعاسىنان 0.5 يۋان جوعارى بولدى. قازىر قىستاعىمىز    جىلىنا 200 نەشە مۋ جەرگە اشتى قيار ەگىپ، اشتى قيار ءونىم قۇنىن 4 ميلليون يۋاننان اسىرىپ، قىستاق تۇرعىندارىن كىرىستەرىن ارتتىرىپ، اۋقاتتانۋعا ءونىمدى جەتەلەدى“ دەدى باقاي  قىستاعى پارتيا ياچەيكاسىنىڭ شۋجيى لي چياڭ.



رەداكتورى : اراي ەركىن قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى