ءتىلشىمىز جاڭ گوحۇي، ەرىكتى ءتىلشى ما حۇي حابارلايدى.” قازىر كورشىلەر قوراداعى مالدارىنا ءشوپ شاۋىپ، قىستىق جەم - ءشوپ دايىنداۋمەن ابىگەر، مەندە قايتەرىمدى بىلمەي وتىرعام. ەگەر سەندەر بولماعاندا، جاردەمگە كىمدى شاقىرارىمدى دا بىلمەگەندەيمىن، سەندەرگە كوپ راقىمەت“ دەدى 8 -ايدىڭ 17 -كۇنى شيحۋ قالاسى بايياڭگوۋ قالاشىعى شياڭياڭ قىستاعىنىڭ تۇرعىنى نۇرلان كامالبەك قۋانعانىنان كومەكتەسىپ ءشوپ شابۋعا كەلگەن كادرلارعا العىس جاۋدىرا.
جۋىقتا بايياڭگوۋ قالاشىعىنىڭ شاپپالىعى ورۋ مەزگىلىنە ءوتتى. شياڭياڭ قىستاعى پارتيا ياچەيكاسى” دۇيسەنبى كۇنگى اقىلداسۋ كۇنى“ ارقىلى قىستاق تۇرعىندارىنىڭ وتباسىندا جالپىلاي ەڭبەككۇش جەتىسپەي شوپتەرىن شابا الماي قالعاندارىن ۇعىسادى. شيحۋ قالاسى شيڭرۇڭ قۇرىلىسقا قارجى قوسۋ توبى شەكتى جاۋاپكەرشىلىك سەرىكتەستىگىنىڭ شياڭياڭ قىستاعىندا تۇراتىن قىزمەت اترەتى بۇل ىستەن حابار تاپقاننان كەيىن، دەرەۋ سايكەستىرۋ ارقىلى 2 ءشوپ شابۋ ماشيناسىن، 2 ءشوپ تاراۋ ماشيناسىن، 2 ءشوپ تايلاۋ ماشيناسىن شىعارىپ، ءشوپ مايدانىنا بارىپ كەزەكپەن جۇمىس ىستەيدى. شياڭياڭ قىستاعى پارتيا ياچەيكاسى جانە پارتيا مۇشەلەرى ەرىكتى قىزمەت وتەۋ شاعىن اترەتىن قۇرىپ، اتىز – ارىق باسىنا بارىپ، قىستاق تۇرعىندارىنىڭ مالدارىنىڭ قىس قىرىنان قىسىلماي وتۋلەرىنە جەتكىلىكتى ازىق ازىرلەۋىنە كومەكتەستى.
قىزمەت اترەتىنىڭ باستىعى، قىستاقتىڭ ءبىرىنشى شۋجيى جاڭ يۇڭياڭ: ”جابدىقتاردى سايكەستىرۋ، ەرىكتى قىزمەت وتەۋ اترەتىن قۇرۋ ارقىلى قىستاق تۇرعىندارىنىڭ ءشوپ شابۋلارىنا ءبىر تۇتاس كومەكتەسىپ، مەجەمەن 8 - ايدىڭ اياق شەنىندە ءشوپ شابۋ جۇمىسى تۇگەلدەي اياقتالادى. الداعى جەردە پارتيا قۇرىلىسى قىزمەتىنىڭ جاڭا جولدارىن بەلسەنە قاراستىرىپ، بۇقاراعا ناقتى ءىس ىستەۋ قابىلەتىمىزدى ۇزدىكسىز ارتتىرامىز“ دەدى.
بيىل بايياڭگوۋ قالاشىعى پارتكومى پارتيا قۇرىلىسىن جەتەكشى ەتىپ، پارتيا قۇرىلىسىنىڭ نەگىزگى ساتىنى باسقارۋعا جەتەكشىلىك ەتۋىن ىشكەرىلەي ىلگەرىلەتىپ، حالىققا ناقتى، يگى ىستەر ىستەۋ قيمىلىن ءتۇرلى جولدارمەن ورىستەتىپ، حالىقتى شىن مانىندە ۋايىمنان ارىلتىپ، جۇرت كوڭىلىن جادىراتىپ، بۇقارانىڭ جاقسى باعاسىنا يە بولدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى