ەرىكتى ءتىلشى ليۋ جيانپيڭ حابارلايدى.” بيىل كوكتەمدە داچياۋ سيىر فەرماسىمەن سۇرلەمدىك جۇگەرى ەگۋ توقتامىن جاساستىق. 9 مۋ جەرگە سۇرلەمدىك جۇگەرى ەگىپ، مۋ باسىنان 6 جارىم توننا ءونىم الىپ، جالپى 2600 يۋانعا جۋىق كىرىس كىرگىزدىم، ونىمدىلىگى وتە جاقسى بولدى“ دەدى شيحۋ قالاسى قاتىبۇحى قالاشىعى حوتحور قىستاعىنىڭ تۇرعىنى حۋ يۇيحۋا.
حۋ يۇيحۋا وتباسىنىڭ جۇگەرى اتىزىندا ءبىر اۆتوماتتى سۇرلەمدىك جەم ورۋ ماشيناسى قاربالاس جۇمىس ىستەپ، جاڭادان ورىلعان جۇگەرى ساباعىن تۋراپ، ۇنتاقتاپ سۇرلەمدىك جەمگە اينالدىرىپ جاتتى.
سۇرلەمدىك جۇگەرىنىڭ ءوسۋ مەزگىلى قىسقا، ءونىمى جوعارى بولىپ، ەڭبەككۇش پەن ۋاقىتتى سارىپ ەتپەيدى. جۇگەرىدەن سۇرلەم باسۋدىڭ ونىمدىلىگى جوعارى، وزىندىك قۇنى اسا تومەن بولىپ، مال شارۋاشىلىعى ءوندىرىسىنىڭ وزىندىك قۇنىن ءونىمدى تومەندەتىپ، اۋىل شارۋاشىلىعى ونىمدىلىگىنىڭ جوعارىلاۋىن، شارۋالار كىرىسىنىڭ ارتۋىن جەبەيدى.
قازىر سۇرلەمدىك جۇگەرى وراتىن مەزگىل ءارى جەم - ءشوپ جينايتىن ۇتىمدى مەزگىل.
سۇرلەمدىك جۇگەرىنى ورىپ العاننان كەيىن، حۋ يۇيحۋا مەن جۇبايى بوس ۋاقىتتا كوتەرمە جۇمىس ىستەپ، كىرىستەرىن ارتتىرادى.
حۋ يۇيحۋا: ” كۇزدە جۇبايىم ەكەۋىمىز ماقتا مانەرلەۋ زاۆودىنا بارىپ رەمونتتاۋ جۇمىسىن ىستەپ، بىرەۋىمىز 20 دا 30 مىڭ يۋان كىرىس كىرگىزەمىز“ دەدى.
قاتىبۇحى قالاشىعىنداعى باعىمشى وتباسى لي گوجۇن تۇرعان سەلبەستىك كووپەراتيۆىندە 850 سيىر بار، ءار جىلى قىستا مالىن جۇگەرى سۇرلەمىمەن باعادى. بيىل قاتىبۇحى قالاشىعى پارتكومى مەن ۇكىمەتىنىڭ سايكەستىرۋىندە، لي گوجۇن سياقتى باعىمشىلىقپەن شۇعىلداناتىن وتباسىلار ەگىنشى وتباسىلارىمەن سۇرلەمدىك جۇگەرىنى تاپسىرىسپەن ەگۋ توقتامىن جاساسىپ، ەگىن شارۋاشىلىعى مەن مال شارۋاشىلىعىندا تەڭ پايداعا كەنەلۋدى جۇزەگە اسىردى.
لي گوجۇن:” 40 تان ارتىق سيىر باعىپ وتىرمىن، 400 توننادان استام سۇرلەم جۇگەرى دايىنداپ قويدىم، قىسقى جەم - ءشوپ نەگىزىنەن جەتكىلىكتى بولدى“ دەدى.
بيىل قاتىبۇحى قالاشىعى پارتكومى پارتيا ۇيىمىنىڭ جاۋىنگەر قامالدىق رولىن تولىق ساۋلەلەندىرىپ، شارۋالاردى 7000 مۋعا جۋىق جەرگە سۇرلەمدىك جۇگەرى ەگۋگە بەلسەنە جەتەكتەپ، قالاشىقتىڭ مال شارۋاشىلىعى باعىمشىلىق كاسىبىنىڭ دامۋىن بەرىك جەم - شوپپەن قامتاماسىز ەتۋمەن بىرگە، ەگىمشىلىك پەن باعىمشىلىق كاسىبىنىڭ ىقپالداستىعىن جەبەپ، شارۋالاردى كىرىستى ارتتىرىپ، اۋقاتتانۋعا باستاپ، اۋىل - قىستاقتىڭ گۇلدەنۋىن جەبەدى.
قاتىبۇحى قالاشىعى پارتكومىنىڭ مۇشەسى، ۇگىت كادرى يىن جىحۋا: ” ءبىز پارتيا قۇرىلىسى ارقىلى اۋىل - قىستاقتى گۇلدەندىرۋگە جەتەكشىلىك ەتۋ قىزمەتىنە وسكەلەڭ ءمان بەردىك، ءارقايسى پارتيا ياچەيكالارى سايكەستىرۋ رولىن ساۋلەلەندىرىپ، ەگىنشى وتباسىلارى مەن باعىمشى وتباسىلارىن، باعىمشىلىق سەلبەستىك كووپەراتيۆتەرىن سۇرلەمدىك جۇگەرىنى تاپسىرىس بويىنشا ەگۋ توقتامىن جاساسۋعا جۇمىلدىرىپ، بيىل 32 مىڭ باس مالدىڭ قىسقى جەم - ءشوبىن تولىق دايىندادىق“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى