حۋاڭشالياڭ جاڭا قىستاعى: باعىمشىلىق كاسىپ سالاسى قىستاق تۇرعىندارىنىڭ اۋقاتتانۋىنداعى ” كىرىس كوزىنە“ اينالدى

جولدانعان ۋاقىتى : 2023/8/28 16:56:33

□ ران بيڭۋىن قويلارعا جەم بەرۋدە.  سۋرەتتى ەرىكتى ءتىلشى وتحى . بايىر تۇسىرگەن

 
ءتىلشىمىز سۇڭ جيانلياڭ، ەرىكتى ءتىلشى وتحىبايىر حابارلايدى. ” وتباسىمىزدا 200 دەن ارتىق قوي بار، قازىر قوي تويىناتىن  مەزگىل ءارى ەگىس جۇمىسىنىڭ قاربالاس كەزى. جاقسى تۇرمىس كەشىرۋ ءۇشىن، ەكى جاعىن دا بىردەي مىقتى يگەرۋدەمىز“ دەدى جاقىندا ساۋان قالاسى كونەساۋان قالاشىعى حۋاڭشالياڭ جاڭا قىستاعىنىڭ تۇرعىنى ران بيڭۋىن قۋانىشتى بەينەمەن.
 
جاقىنعى جىلداردان بەرى ران بيڭۋىن 100 مۋدان استام ەگىنىن جاقسى ەگۋدەن سىرت، باعىمشىلىققا دا كۇش سالىپ، قوي باعۋدىڭ وزىنەن جىلىنا 50 مىڭ يۋاننان استام كىرىس   كىرگىزەدى، ولاردىڭ باعىمشىلىق كاسىبىن دامىتۋعا دەگەن سەنىمىن ەسەلەپ ارتتىردى.
 
” جۇبايىم ەكەۋىمىز ءبىر جىلدىڭ ءتورت ماۋسىمىندا دا قاربالاس جۇرەمىز، تۇرمىسىمىز ورنىقتى، ۇمىتكە تولى، كۇش ـ قايراتىمىز مىعىم. قازىر پارتيانىڭ ساياساتى وتە جاقسى، ءبىز   ءتىپتى دە قۇلشىنىپ، ەگىندى جاقسى ەگۋمەن بىرگە، قورامىزداعى قوي سانىن ارتتىرىپ، تۇرمىسىمىزدى ءتىپتى دە جاقسارتامىز“ دەدى ران بيڭۋىن.
 
جاقىنعى جىلداردان بەرى حۋاڭشالياڭ جاڭا قىستاعى ” پارتيا قۇرىلىسى + شارۋا وتباسى “ ۇلگىسىنە سۇيەنىپ، باعىمشىلىق وتباسىلارىنا  ءناسىلدى اتالىق مال ەنگىزىپ، مال ءناسىلىن اسىلداندىرىپ، باۋلۋ ارقىلى باعىمشىلىق تەحنيكاسى، حايۋاناتتار ىندەتىنەن ساقتانۋ جانە ونى ەمدەۋ تەحنيكالارىن ۇيرەتىپ، باعىمشى وتباسىلارىنىڭ مال شارۋاشىلىعى باعىمشىلىعىن دامىتۋىنا كومەكتەسىپ، قىستاق تۇرعىندارىنىڭ مال شارۋاشىلىعى باعىمشىلىعىن دامىتۋ بەلسەندىلىگىن كورنەكتى جوعارىلاتۋمەن بىرگە، اناعۇرلىم كوپ قىستاق تۇرعىندارىن شارۋاشىلىق قۇرىپ، كىرىستەرىن ارتتىرۋعا جەتەكتەپ، قىستاق تۇرعىندارىنىڭ كىرىستى ارتتىرۋ ارناسىن ۇزدىكسىز كەڭەيتتى.
 
حۋاڭشالياڭ جاڭا قىستاق پارتيا ياچەيكاسىنىڭ شۋجيى پان جيڭباۋ:” جاقىنعى جىلداردان بەرى حۋاڭشالياڭ جاڭا قىستاعى جەرگىلىكتى ورىننىڭ بايلىق باسىمدىعىن تياناق ەتە وتىرىپ، باعىمشىلىق كاسىپ سالاسىن زور كۇشپەن دامىتتى. كەلەسى قادامدا ءبىز باعىمشىلىق كاسىبىنىڭ عىلميلانۋىن، كولەمدەنۋىن جانە مال ءناسىلىنىڭ اسىلدانۋىن ۇزدىكسىز ىلگەرىلەتىپ، باعىمشىلىق كاسىپ سالاسىن قىستاق تۇرعىندارىنىڭ كىرىسىن ارتتىرىپ، اۋقاتتانۋىنداعى’ كىرىس كوزىنە ‘، قىستاقتىڭ كوللەكتيۆ ەكونوميكاسىنىڭ’ قاينار بۇلاعىنا‘ اينالدىرىپ، كاسىپ سالاسىن دامىتۋ ارقىلى اۋىل - قىستاقتىڭ گۇلدەنۋىن  ىلگەرىلەتەمىز“ دەدى.



رەداكتورى : اراي ەركىن قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى