قويۋ سۇيىسپەنشىلىككە تولى ءجۇز وتباسى قوناعاسى كورشىلەر ارا تاتۋلىقتى ايگىلەدى

جولدانعان ۋاقىتى : 2023/8/24 12:19:20

□ مىڭ بۇرالعان “قارا جورعا” ءبيى ءجۇز وتباسى قوناعاسىنىڭ مەرەيىن اسىردى.


□ تۇرعىندار وزدەرى جاساعان ءتاتتى تاعامداردى كوپشىلىكپەن ورتاقتاستى.


□ كوپشىلىك ۇستەلدى قورالاي وتىرىپ، ءدامدى تاعامنان بىرگە ءدام تاتىپ، شەكسىز شاتتىققا شومدى.


□ اق تىلەكتەرىن جاۋدىرىپ، اق شاشۋ شاشقان كەزدەگى تاماشا ءساتتى فوتو اپپاراتقا تۇسىرۋدە.


□ ءبىر شىنى ءسۇتتى شاي كورشىلەردىڭ سۇيىسپەنشىلىگىن ءتىپتى دە تەرەڭدەتە ءتۇستى.

 

8 -ايدىڭ 20 -كۇنى شاۋەشەك قالاسى جاڭاجامبىل ءمالى باسقارماسى قاراءدوڭ الەۋمەتتىك اۋماعى ”اككوردەون ءۇنى اۋەلەپ، دۋمانعا بولەندى شاۋەشەك ــ كورشىلەر مەرەكەسى . ءجۇز وتباسى قوناعاسى“بىرلەسكەن دوستىق قيمىلىن وتكىزدى، قاراستى اۋماقتاعى ءار ۇلت بۇقاراسى 3 -كەزەكتى اككوردەون مادەنيەت -كوركەمونەر مەرەكەسىنە قاتىناسقان سيلى قوناقتاردى ۇسىنىس ەتىپ، ءبىر اراعا باس قوسىپ، بىرلىكتە ءان ايتىپ، ءبي بيلەپ، دومبىرا شەرتىپ، ءجۇز وتباسى قوناعاسىنان بىرگە ءدام تاتىپ، ءوزارا تىلەكتەستىك شايىن ۇسىنىپ، شاۋەشەك حالقىنىڭ باقىتتى   تۇرمىسىن ايگىلەدى.

ءجۇز وتباسى قوناعاسىنداعى ۇزىننان ۇزاققا سوزىلعان   ۇستەلگە  تۇرعىندار وزدەرى دايىنداعان ەڭ ءدامدى قۋىرماشتارىن ءتىزىپ قويعان. بەرەكەلى داستارقانعا جاي قۋىرماشتار، ۇلتتىق ەرەكشەلىككە يە تاعامدار جانە ءتۇرلى ءدامدى توقاش -پراندىكتەر قويىلىپ، تۇرعىندار ءبىر جاعىنان، ءدامدى تاعامداردان ءدام تاتىپ، ەندى ءبىر  جاعىنان، شاتتانا بيگە باسىپ، ناق مايداندى دۋمانعا بولەدى.

ۇعىسۋعا قاراعاندا، قاراءدوڭ الەۋمەتتىك اۋماعى ءار رەتكى ماڭىزدى مەرەكە -مەيرامداردا باي مازمۇندى ۇلتتىق  ەرەكشەلىككە يە ”كورشىلەر مەرەكەسى . ءجۇز وتباسى قوناعاسى“ قيمىلىن ورىستەتەدى ەكەن. 14 ۇلتتان قۇرالعان تۇرعىندار ءدامدى تاعامداردان بىرگە ءدام تاتۋ، مادەنيەت اۋىس -كۇيىسى، ورتاق كەڭەسۋ ارقىلى الەۋمەتتىك  اۋماق تۇرعىندارىنىڭ قيىنشىلىعىن، ۋايىمداپ وتىرعان ىستەرىن شەشەدى ەكەن.

شىنياڭدىق ساياحاتشى تۇڭ حانىم دا ءجۇز وتباسى قوناعاسىنا قاتىناستى، ول: “شاۋەشەك حالقى وتە  ىقىلاستى ەكەن، بۇگىنگى تاعامدار دا توتەنشە ءدامدى”  دەدى. 

سۋرەتىن تارتىپ، حابارلاعان تىلشىلەرىمىز ماقپال مىرزاقان، ۋاڭ ياجۇن، پراكتيكانت ءتىلشى ايجان مۇراتجان



رەداكتورى : اراي ەركىن قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى