ىلشىلەرىمىز ۋاڭ ياجۇن، ليۋ ۋي حابارلايدى. 8 -ايدىڭ 15 -كۇنى جۇڭحۋا قايىر - ساحابات باس قوعامىنىڭ ارماندى جۇزەگە اسىرۋ قورى زاتتىق ماتەريالدارىن جىلۋعا اتاۋ سالتى ايماقتىق حالىق ىستەرى مەكەمەسىندە وتكىزىلدى.
جۇڭحۋا قايىر -ساحابات باس قوعامىنىڭ ورىنباسار باس حاتشىسى، قوسىمشا جۇمىسشىلار ۇيىمىنىڭ ءتوراعاسى لۋ حۇڭيان جىلۋ اتاۋ سالتىنا قاتىناستى ءارى ءسوز سويلەدى.
سالتتا جۇڭحۋا قايىر - ساحابات باس قوعامى مەن ايماقتىق حالىق ىستەرى مەكەمەسى قايىر - ساحابات باس قوعامى جىلۋ اتاۋ تاقتاسى مەن قامقا تۋدى تاپسىرىپ بەردى جانە تاپسىرىپ الدى؛ جۇڭحۋا قايىر - ساحابات باس قوعامى مەن شاۋەشەك قالالىق وقۋ - اعارتۋ جانە عىلىم -تەحنيكا مەكەمەسى جىلۋ اتاۋ تاقتاسىن تاپسىرىپ بەردى جانە تاپسىرىپ الدى؛ ايماقتىق حالىق ىستەرى مەكەمەسى مەن شاۋەشەك قالالىق وقۋ - اعارتۋ جانە عىلىم - تەحنيكا مەكەمەسى مەيىربان كاسىپورىندارعا جىلۋ اتاۋ كۋالىگىن تاراتتى.
وسى رەتكى جىلۋ اتاۋ قيمىلىندا جۇڭحۋا قايىر -ساحابات باس قوعامى تارباعاتاي ايماقتىق قايىر -ساحابات باس قوعامىنا سۋ تازارتقىش، ەلەكتر مەسكەي، اۋا جىلىتقىش، ىس سورعىش، كيىم -كەشەك، جۋۋ بۇيىمدارى سياقتى قۇنى 13 ميلليون يۋاننان اساتىن زاتتىق ماتەريالداردى ۇسىندى. مەيىربان كاسىپورىندار قوعامدىق جاۋاپكەرشىلىكتەرىن بەلسەنە ادا ەتىپ، قايىر - ساحابات ىستەرىنە ات سالىسىپ، قوعامعا مەيىر سيلاپ، قيىنشىلىعى بار وتباسىلارى مەن ءالسىز قاۋىمنىڭ تابىس سەزىمى مەن باقىت سەزىمىن جوعارىلاتتى.
گۋاڭدۇڭ حىجيا - ان ەلەكتر - گاز كاسىبى شەكتى سەرىكتەستىگىنىڭ باس ديرەكتورى ساي شياۋبين: ” كاسىپورنىمىز اۋىل - قىستاقتى گۇلدەندىرۋگە كۇش ۇستەپ، نەگىزگى ساتىداعى قيىنشىلىعى بار بۇقارانىڭ، ەڭ تومەنگى تۇرمىسى قامتاماسىز ەتىلەتىن وتباسىلاردىڭ تۇرمىس شارت - جاعدايىن جاقسارتۋىنا قول ۇشىن بەرىپ، ولاردىڭ تۇرمىس ساپاسىن جوعارىلاتۋدى شىعار ءتۇيىن ەتكەن. ءبىز جەرگىلىكتى ورىنداعى حالىق ىستەرى تاراۋلارىمەن قىزمەتتى ويداعىداي سايكەستىرىپ، جىلۋعا اتاعان زاتتىق ماتەريالداردى ناقتى تياناقتاندىرامىز، بارلىق جابدىقتاردى سەرىكتەستىگىمىز تەگىن ورناتىپ بەرەدى “ دەدى.
گۋاڭدۇڭ شاڭحى كيىم - كەشەك شەكتى سەرىكتەستىگىنىڭ باسالقاسى ساي موحى: ” كاسىپورىنشى رەتىندە، قوعامعا بىرەر يگىلىكتى ءىس ىستەۋ ءبىزدىڭ ىستەۋگە ءتيىستى ءىسىمىز دەپ قارايمىن، جىلۋعا اتالعان زاتتاردى زات اينالىمى ارقىلى جولداپ جىبەرگەنبىز، جۋىق ارادا شاۋەشەك قالالىق 1 -باستاۋىش مەكتەپ پەن 6 -باستاۋىش مەكتەپكە جەتەدى“ دەدى.
شاۋەشەك قالالىق وقۋ - اعارتۋ جانە عىلىم - تەحنيكا مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى جاڭ شياۋحۇڭ: ” جۇڭحۋا قايىر -ساحابات باس قوعامى مەن مەيىربان كاسىپورىندارعا العىس ايتامىن، ولاردىڭ وقۋ - اعارتۋ ىستەرىنە تىلەكتەستىك بىلدىرگەن قامقورلىقتارى وقىتۋشى - وقۋشىلارعا مەيىر جانە شابىت سيلادى. ولاردىڭ قارجىلاي كومەگى زاتتىق جاقتاعى كومەك بولىپ قالماستان، رۋحاني جاقتاعى قولداۋ بولىپ، ولاردىڭ سۇيىسپەنشىلىگى مەن قامقورلىعى وقىتۋشى -وقۋشىلاردىڭ كوكەيىندە ساقتالادى. ءبىز ولاردىڭ كومەگى مەن قولداۋىن قاستەرلەپ، تارباعاتايدىڭ وقۋ - اعارتۋ ىستەرىنە ءتىپتى دە زور ۇلەس قوسۋعا قۇلشىنامىز “ دەدى.
ايماقتىق حالىق ىستەرى مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى لي شىڭلي: ” جۇڭحۋا قايىر - ساحابات باس قوعامىنىڭ تارباعاتاي ايماعىنىڭ قايىر - ساحابات ىستەرىنە كوڭىل ءبولىپ، نازار اۋدارعانىنا، مەيىربان كاسىپورىنداردىڭ ايماعىمىزداعى قيىنشىلىعى بار بۇقاراعا مەيىر جەتكىزىپ، كومەك بەرگەنىنە العىس ايتامىز. ايماقتىق حالىق ىستەرى مەكەمەسى مەن قايىر - ساحابات باس قوعامى جۇڭحۋا قايىر - ساحابات باس قوعامى مەن جىلۋ اتاعان جاقتاردىڭ تالاپتارى بويىنشا، نىساننىڭ اتقارىلۋىنا قىزمەت وتەدى. قامتاماسىزداندىرۋدى ويداعىداي ىستەپ، ءارقايسى بۋىنداعى قىزمەتتەردى ساڭلاۋسىز ءتۇيىلىستىرىپ، كومەككە يە بولعان بۇقاراعا پارتكوم مەن ۇكىمەتتىڭ قامقورلىعىن شىنايى سەزىندىرىپ، وسى رەتكى قايىر - ساحاباتتىق جىلۋعا اتاۋ قيمىلىنىڭ تابىستى، ءساتتى، حاۋىپسىز ورىندالۋىنا شىنايى كەپىلدىك ەتەمىز “ دەدى.
جىلۋ اتاۋ قيمىلى اياقتالعاننان كەيىن، لۋ حۇڭيان جانە ساپارلاستارى شاۋەشەك قالالىق 1 ـ باستاۋىش پەن 6 ـ باستاۋىش مەكتەپكە بارىپ ناقتى ورىندى كوزدەن كەشىرىپ، بارلىق وقىتۋشى - قىزمەتكەرلەردەن حال سۇرادى ءارى وقىتۋشى - وقۋشىلاردىڭ ۋاكىلدەرىمەن بىرگە سۋرەتكە ءتۇسىپ، ەستەلىك قالدىردى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى