تىلشىلەرىمىز جاڭ پەيچي، اسحات قايرات، ەرىكتى ءتىلشى ياڭ جۇڭلياڭ حابارلايدى. 7 -ايدىڭ 2 -كۇنى ساعات 15 تەن 10 مينۋت وتكەندە ايروپلاننىڭ گۇرىلدەگەن داۋىسىنا ىلەسە فۋجوۋ ــ جىڭجوۋ ــ شاۋەشەك EU2237 كەزەكشى ايروپلانى شاۋەشەك مىڭبۇلاق اۋەجايىنىڭ ايروپلان توقتاۋ الاڭىنا قونىپ، 153 جولاۋشى ۇشاق بولمەسىنەن باياۋ ءتۇسىپ كەلە جاتتى، بۇل شاۋەشەك مىڭبۇلاق اۋەجايىنىڭ تاعى دا ءبىر جاڭادان اشىلعان اۋە جەلىسىندە تۇڭعىش ايروپلان ءساتتى قاتىناعانىنان دەرەك بەرەدى. بۇل شاۋەشەكتىڭ شينجياڭ سىرتىنداعى اۋە قاتىناسى تورابىن ۇزدىكسىز كەمەلدەندىرىپ، شينجياڭ سىرتىنداعى قاتىناس پەن ساياحاتتى ءبىر تۇلعالاندىرا دامىتۋدى جەبەۋدەگى پارمەندى شاراسى.
ۇعىسۋعا قاراعاندا، فۋجوۋ ــ جىڭجوۋ ــ شاۋەشەك اۋە جەلىسىندە چىڭدۋ اۋە سەرىكتەستىگىنىڭ EU2237/2238 ايربۋس A320 كەزەكشى ايروپلانى ءار اپتانىڭ سارسەنبى، جۇما، جەكسەنبى كۇندەرى ءبىر كەزەكتەن قاتىنايدى ەكەن؛ كەزەكشى ايروپلان ساعات 07:20 دا فۋجوۋدان ۇشىپ، ساعات 09:30 دا جىڭجوۋعا قونسا؛ ساعات 10:30 دا جىڭجوۋدان ۇشىپ، ساعات 15:10 مينۋت وتكەندە شاۋەشەككە قونادى ەكەن؛ قايتا قايتقاندا ساعات 15:55 تە شاۋەشەكتەن ۇشىپ، ساعات 20:05 تە جىڭجوۋعا قونسا، ساعات 21:10 دا جىڭجوۋدان ۇشىپ، ساعات 23:15 تە فۋجوۋعا قونادى ەكەن.
شاۋەشەك مىڭبۇلاق اۋەجايى تارباعاتاي ايماعىنىڭ قاتىناس ماڭىزدى تورابى رەتىندە، جەرگىلىكتى ورىننىڭ ءتۇرلى ساياسات، تالاپتارىن باتىل تياناقتاندىرىپ، شينجياڭنىڭ ىشىنەن 5 اۋە جەلىسىن، شينجياڭنىڭ سىرتىنان 3 اۋە جەلىسىن اشىپ، جەرگىلىكتى ورىن ەكونوميكاسىنىڭ دامۋىنا بار كۇشپەن قىزمەت وتەپ كەلەدى. سول كۇنى، ءار جاقتىڭ ورتاق قۇلشىنۋىندا شاۋەشەك ــ جىڭجوۋ ــ فۋجوۋ اۋە جەلىسى جاڭادان قوسىلدى، سونىمەن شاۋەشەك مىڭبۇلاق اۋەجايىندا جالپى 9 اۋە جەلىسى اشىلدى.
ءدوربىلجىن اۋدانىنان كەلگەن ساياحاتشى ۋاڭ زىجۇن اتا -اناسىمەن بىرگە ءار جىلى 7 - ايدا جىڭجوۋعا قايتىپ تۋىسشىلاپ تۇرادى. سول كۇنى ولار تۇڭعىش كەزەكتى ايروپلانمەن جىڭجوۋعا اتتاندى.
ۋاڭ زىجۇن: “بۇرىندارى جىڭجوۋعا بارۋ ءۇشىن كوپ ۋاقىتىمىزدى سارىپ ەتىپ، ءتۇرلى قاتىناس قۇرالىن الماستىراتىنبىز، قازىر ەرەكشە قولايلى بولدى!” دەدى.
شاۋەشەك قالالىق دامۋ جانە رەفورمالاۋ كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى ليۋ دىڭپان: “وسى رەتكى شينجياڭ سىرتىنداعى اۋە جەلىسىنىڭ اشىلۋى ــ شاۋەشەك قالاسى مەن شينجياڭ سىرتىنداعى ماڭىزدى قالالاردىڭ اراسىنا سەلبەستىك جانە اۋىس - كۇيىس جاساۋ كوپىرىن ورناتىپ، جازعى تاسىمالدىڭ قاۋىرت مەزگىلىندەگى جولاۋشىلاردىڭ اعىلۋىنا قاراتا ەڭ تەز، ەڭ قولايلى قىزمەت وتەپ قالماستان، قالىڭ قالا تۇرعىنىنىڭ جولاۋشىلاۋىنا دا ساپالى اۋە قاتىناسى تورابىن ازىرلەدى” دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى